ЯҢАЛЫКЛАР
Саба балалар сәнгать мәктәбендә ТАССР төзелүнең 100 еллыгына багышланган онлайн дәресләр үткәрелде.
ТАССР төзелүнең 100 еллыгына багышланган «Татар халык биюләре» темасына мәдәният хезмәткәрләре өчен онлайн мастер-класс.
Кадерле Бөек Ватан сугышы ветераннары, тыл хезмәтчәннәре!
Хөрмәтле Саба районы халкы! Район мәдәният бүлеге исеменнән Сезне чын күңелдән совет халкының Бөек Ватан сугышында җиңүенең 75 еллыгы белән котлыйбыз! 9 май-Россиядә иң бөек һәм хөрмәткә лаек бәйрәм. Без аны шатлык, дулкынлану, әлеге чор вакыйгасының гаять зур масштабын тирән аңлау белән каршы алабыз. Батырларга мәңгелек дан! Туган ил азатлыгы өчен гомерләрен биргән һәркемгә мәңгелек хәтер! Батырлык, кыюлык һәм каһарманлык өчен баш иябез! Бу якты көндә барыгызга да иминлек, нык сәламәтлек, бәхет һәм тыныч күк йөзе телибез! Җиңү Көне Белән!
Саба балалар сәнгать мәктәбе укучылары- күп кенә интернет конкурслар призерлары!
6 май көнне Шәмәрдән авыл мәдәният йорты белгече Г.М.Әхмәтшина "Зур сугышның кечкенә геройлары" дип исемләнгән онлайн чара үткәрде. Чара башында балаларга илебездә билгеләп үтеләчәк зур вакыйга – Бөек Ватан сугышында Җиңүнең 75 еллыгы турында ассызыкланды. Шулай ук куркыныч сугыш елларында балаларның үз эшләре һәм гамәлләре белән өлкәннәргә көтеп алынган Җиңүне якынайтырга булышулары турында сөйләнде. Иллюстрацияләр күрсәтү белән үрелеп алып барылган вакыйгаларны балалар игътибар белән тыңладылар. Соңыннан Г.М.Әхмәтшина балаларга әлеге куркыныч сугышны үткән кешеләрнең елдан-ел азая баруы турында әйтте. Узган сугыш турындагы хәтер генә йөрәкләребездән беркайчан да китәргә тиеш түгел. Бер минут тынлык белән, аягүрә басып, балалар һәлак булган сугыш балаларын искә алдылар.
Мәдәният бүлеге сезнең игьтибарыгызга, Саба туган якны өйрәнү музееның фондларында саклана торган фотосүрәтләрдән видеоролик тәкъдим итә.
Туган илебезгә янә Җиңү бәйрәме килә. Сугыш миллионлаган кеше гомерен өзгән. Саба районыннан да изге яуга киткән 12 меңнән артык якташыбызның яртысыннан артыгы гаиләсе янына әйләнеп кайтмый.
Безнең бәхетле киләчәгебез хакына үзләрен аямыйча, ут яңгыры астында яшь гомерләрен үткәреп, илгә Җиңү алып кайткан Ветераннарыбыз алдында баш иябез.
5 май көнне Шәмәрдән авыл мәдәният йорты белгече Г.Х.Садыйкова Шәмәрдән лицее укучылары өчен «Табигать мәңгелек матурлык чыганагы» дип исемләнгән чара үткәрде. Экологик сәгать онлайн режимда WhatsApp төркеме аша узды. Башта балаларга кеше гаебе белән килеп чыга торган экологик проблемалар, табигатькә һәм бөтен тереклеккә сакчыл караш кирәклеге, төп экологик кагыйдәләр турында сөйләнде. Аннан соң укучылар табигать турындагы сорауларга җавап бирделәр, үзләренең энциклопедияләреннән алынган кызыклы фактлар турында сөйләделәр, әйләнә-тирә табигатьнең матурлыгы һәм аңа сак караш турында әңгәмә алып бардылар. Шулай ук урман, хайваннар һәм үсемлекләрнең төрле картиналары тәкъдим ителде. Чара ахырында Г.Х.Садыйкова балаларны табигать белән килешеп яшәргә, аның законнарын бозмыйча, киләчәк буыннар өчен планетабызны саклап калу өчен, аның байлыкларын акыл белән кулланырга чакырды. Экологик сәгать балаларга бик ошады һәм алар чарадан бик канәгать калдылар.
«Акварель» халык бию төркеме җитәкчесе А.И.Хуҗин бию көненә багышланган онлайн чара оештырды. Бию-ул кешеләргә илһам, шатлык һәм күңел җылысы бирә. Чара башында балалар бу көннең тарихы белән таныштылар. Биюнең күп төрле стильләре һәм юнәлешләре (халык биюе һәм заманча хореография) күрсәтелде. Чара бик күңелле узды һәм барлык катнашучыларга да ошады.
Хөрмәтле Саба районы халкы! Һәр ил, һәр район тарихында кеше күңелендә мәңге саклана торган онытылмаслык вакыйгалар, истәлекле даталар бар.
Шундый истәлекле даталарның берсе-безнең Саба муниципаль районының 90 еллыгы. Шушы көн эгидасы астында мәдәният бүлеге «Саба минем гүзәл ягым»дигән җырга видеоролик төшерде.
Безнең Җир-безнең тарихыбыз, безнең шатлыгыбыз, безнең горурлыгыбыз.