ЯҢАЛЫКЛАР

2020 елның 8  мартында, Халыкара хатын-кызлар көне уңаеннан, Саба районының гүзәл затлары өчен район мәдәният йортында зур бәйрәм концерты булды. Яраткан әниләр, әбиләр һәм барлык хатын-кызлар өчен музыкаль котлаулар иң яхшы коллективлар башкаруында яңгырады. Җыелган тамашачылар артистларны алкышларга күмделәр. Котлау сүзләре белән Саба муниципаль районы башлыгы Раис Нургали улы Минниханов чыгыш ясады. Бәйрәм тулысынча хатын-кызларга мәхәббәт хисләре белән сугарылган иде, сәхнәдән берничә тапкыр яңгыраган рәхмәт сүзләре, котлаулар һәм теләкләр тормышыбызны җылылык, матурлык һәм кайгыртучанлык белән тулыландыручыларга адресланган иде. Бүген бәйрәм концертында булу бәхетенә ирешкән һәркемгә шатлык, мәхәббәт һәм язгы кәеф бүләк ителде.

Саба балалар сәнгать мәктәбендә бәйрәм концерты узды.

6 март көнне район мәдәният йортында 5 нче номерлы «Бәләкәч»балалар бакчасы хезмәткәрләре һәм тәрбияләнүчеләренең бәйрәм концерты булып узды. Концертта иң кече төркемнәрдән башлап 100 бала катнашты. Балалар ТАССРның 100 еллыгына һәм Бөек Ватан сугышында җиңүнең 75 еллыгына багышланган шигырьләр һәм җырлар башкардылар. Концерт эмоциональ һәм динамик үтте. Нәниләр кычкырып, " афәрин «кычкырдылар, кызыклы һәм музыкаль очрашу өчен яшь артистларга рәхмәт әйттеләр.

5 февраль көнне Район мәдәният йорты хезмәткәрләре Наил Гаетбайның Питрәч районында «Авылга кызлар килде» спектаклен сәхнәләштерде.

Саба балалар сәнгать мәктәбендә  "Ягез әле, егетләр!» конкурсы узды.

1 март көнне Мичәнбаш авыл клубында Иштуган авыл җирлегенең «Буыннар чылбыры» дип исемләнгән, ТАССРның 100 еллыгына, Саба районының 90 еллыгына, Бөек Җиңүнең 75 еллыгына багышланган иҗат-отчёт концерты булып узды. Вокал номерлар, бию композицияләре, миниатюралар барлык катнашучыларга бик күп уңай эмоцияләр бүләк итте. Матур концерт тамашачыларны һәм катнашучыларны да сөендерде. Чараның максаты-кешеләргә шатлык һәм яхшы кәеф бүләк итү.

Масленица борынгы рус халык бәйрәме булып санала. Асылда, бу кыш белән саубуллашу һәм Гүзәл-язны тантаналы каршылау. 1 март көнне Иске Икшермә мәдәният йортында Масленица бәйрәме үткәрелде. Күңелле уеннар, җырлар, биюләр, кәефне күтәрделәр, ә коймак белән чәй һәм тәм-томнар белән сыйлану балаларга да, өлкәннәргә дә ошады. Бәйрәм карачкыны яндыру белән тәмамланды.

27 нче февраль көнне Саба балалар сәнгать мәктәбендә ТАССРның 100 еллыгына багышланган «Татарстанның музыкаль мирасы» тематик концерт-әңгәмә узды.

25 февраль көнне Сабабаш авыл клубында ТАССР оешуга -100 ел,Саба районы оешуга -90ел тулу уңаеннан "Җыр моңнарым сиңа багышладым,газиз туган ягым"дип аталган концерт булып узды.Концертта өлкән яшьтәге,урта буын,яшь авылдаш үзешчәннәребез һәм Ике басу Арташ мәдәният йорты хезмәткәрләре катнашты.Әлегә чарада төрле милләт биюләре һәм дә 80-90 елларда популяр булган җырлар яңгырады. Йөрәкләргә үтеп керерлек гармун моңы,дәртле җырларны авыл халкы җылы алкышларга күмде.

23 февраль көнне Олы Арташ авыл клубында, 23 февраль-Ватанны саклаучылар көне уңаеннан, «Солдат зирәклеге»дигән күңел ачу яшьләр программасы оештырылды. Бәйге ике команда арасында үткәрелде: «горурлык» һәм «батырлык». Командалар кыюлыкта һәм тизлектә, көч һәм җитезлектә, зирәклектә һәм тапкырлыкта көч сынашты. Конкурс биремнәре арасында җырлар яңгырады. Программа ахырында һәр катнашучы бүләкләр белән бүләкләнде.