ЯҢАЛЫКЛАР
"Яңа ел планетасы" бөтенроссия сәнгать бәйгесе.
17 декабрь көнне район мәдәният йортында яңадан квалификация узган мәдәният бүлеге хезмәткәрләренә дипломнар тапшыру тантанасы булды. Аларга Казан дәүләт мәдәният институты ректоры кулыннан диплом алу хокукы бирелде.
Казан дәүләт мәдәният һәм сәнгать институты укытучылары кызыксындырган сорауларга җавап бирделәр, мастер-класслар үткәрделәр, бәяләп бетергесез тәҗрибә белән уртаклаштылар.
Әлфия Авзалова-Совет һәм Россия татар җырчысы. Татарстан АССРның атказанган артисты, Татарстан АССРның халык артисты, РСФСРның Атказанган артисты, татар филармониясе солисткасы, Татарстан Республикасының Габдулла Тукай исемендәге Дәүләт премиясе лауреаты, Ә. Авзалова хөрмәтенә икенче ел инде фестиваль-конкурс үткәрелә.15 декабрь көнне Явлаштау авыл мәдәният йортының үзешчән сәнгате катнашучысы Ринат Шамилов Әлфия Авзалова исемендәге 2 нче Халыкара конкурсның зона турында "Халык җыры" номинациясендә катнашты. Ул фестиваль-конкурсның 2 турына узу турында сертификат алды.
15 декабрь көнне Мичәнбаш авыл клубы мөдире китапханәче белән берлектә ТАССРның 100-еллыгына багышланган "Мичәнбашым-туган ягым"дип исемләнгән ял кичәсе үткәрделәр. Чара барышында татар халык җырлары яңгырады, эчтәлекле шигырьләр укылды. Ә иң мөһиме-утыру... Бу кичәдә яшьлек еллары, күңелле мизгелләр, шигъри юллар искә алынды. Чара түгәрәк өстәл артында чәй эчү белән тәмамланды.
"Музыкаль экспресс" Бөтенроссия балалар, яшүсмерләр һәм олылар иҗаты фестиваль-конкурсы.
Саба балалар сәнгать мәктәбендә скрипка сыйныфы укучыларының зачеты концерт формасында узды.
11 декабрь көнне Район мәдәният йортында мөмкинлекләре чикле кешеләр өчен «Без бергә» дип исемләнгән концерт программасы булып узды, анда Саба муниципаль районы мәдәният учреждениеләре үзешчән сәнгатьтә катнашучылар һәм Хәмдүнә Тимергалиева, Айдар Тимербаев, Рифат Зарипов, Тәслимә Низами , Чулпан Йосыпова, Римма Никитина, Гөлүс Хәбибрахманов катнашты.
"SFORZANDO-2019"халыкара конкурс-фестивале.
4 декабрь көнне район мәдәният йортында «Шатлык»балалар бакчасы коллективы һәм тәрбияләнүчеләре концерты булып узды. Бәйрәм чарасы бер сулышта узды, бары тик яхшы тәэсирләр генә калдырды. Чакырылган ата-аналар, укучылар һәм укытучылар иҗат, мәхәббәт һәм игелек атмосферасында булдылар. Күп кенә номерлар тамашачыларны күз яшьләренә кадәр күтәреп җибәрде.
30 ноябрь көнне Пүкәл авыл клубында, китапханә белән берлектә, Әниләр көненә багышланган "Тормыш яме сездә, әнкәйләр!"исемле бәйрәм концерты узды. Программа музыка һәм бию номерларына бай иде. Концертта Фәйзрахмановлар һәм Хөсәеновлар гаиләсен "алтын туй"лары белән котладылар һәм аларга истәлекле бүләкләр тапшырдылар. Шулай ук "Ак калфак" клуб берләшмәсе катнашучылары "Кичке утырулар" дип аталган фольклор чыгышы күрсәттеләр. Бәйрәм бик матур һәм күңелле үтте. Тамашачылар һәр чыгышны алкышларга күмделәр.