ЯҢАЛЫКЛАР
16 ноябрьдә Саба балалар сәнгать мәктәбе укучылары Марий Эл республикасының Йошкар – Ола шәһәрендә үткәрелгән "Энҗе бөртекләре эзләп" төбәкара этник экспедиция фестиваль-конкурсында катнаштылар.
15 ноябрь көнне Иске Икшермә мәдәният йортында "Хорлар көрәше" – ҖЧҖ "Яшен", ҖЧҖ "Рамазан", ҖЧҖ "Сабагро"коллективларының отчет-иҗат концерты булып узды.
14 ноябрь көнне Шәмәрдән мәдәният йортында " Тату матур яшәргә без лаеклы күршеләр!"иҗат сезонын ачуга багышланган. Бәйрәм чарасында Шәмәрдән мәдәният йорты каршындагы клуб берләшмәләренә йөрүче үзешчән сәнгать һәм Хөснулла һәм Аллаһияр Валиуллинар исемендәге Саба балалар сәнгать мәктәбенең Шәмәрдән филиалы, «Яшьлек» яшьләр үзәге хезмәткәрләре чыгыш ясады. Театральләштерелгән тамаша җырлар, милли һәм заманча биюләр, юмористик күренешләр белән үрелеп барды. Бу номерларда авыл күршеләренең иҗади тормышы кайнап торды. Тамаша «Попурри»белән тәмамланды. Тамашачылар һәр номерны алкышлар белән каршы алды.
12-15 ноябрь көннәрендә, сәнгать мәктәбендә, халык рәссамы И.К.Зарипов иҗатына багышланган рәсем күргәзмәсе үтә.
12 ноябрь көнне Олы Кибәче авыл клубы хезмәткәрләре "Сәрбиназ" ансамбле белән берлектә "Каз өмәсе"традицион йола бәйрәме уздырдылар. Бу бәйрәм Шакирова Фрүзилә янында булды. Бу процесста бик теләп катнаштылар, каз йолкып алдылар. Аннары, гадәт буенча , казларны чиста суга агызу өчен, җыр-бию белән чишмәгә юнәлделәр. Эш тәмамланганнан соң коймак белән чәй эчтеләр.
11 нче ноябрь-Кәгазь хатлар язу көне, бу уңайдан Өч Нарат авыл клубында " Хатлар яздым утырып..."дип исемләнгән чара оештырылды. Анда хатлар турында әңгәмә үткәрелде. Аннары һәркем үзенең күптәнге танышларына һәм якыннарына хат язды. Бернинди электрон аралашу да җылылык һәм ихласлылыкны чын кәгазь хаттагы кебек җиткерә алмый.
Кичә Төбәк авыл клубында "Без бит Төбәк яшьләре "дип исемләнгән концерт узды.
8 ноябрь көнне, Түбән Шытсу һәм Югары Шытсу авыл мәдәният йорты, Елыш авыл мәдәният йорты хезмәткәрләре Лесхоз картлар һәм инвалидлар интернат - йортында "Бүләк итәм күңел җылымны"дип исемләнгән концерт программасы белән чыгыш ясадылар. Гармун астында ретро һәм заманча җырлар башкарылды. Матур җырлар нәфис сүз белән чиратлашып барды. Өлкәннәр бик зур рәхмәт белдерделәр. Концерттан соң үзебезгә дә рәхәт һәм җиңел булды, чөнки без аларны бераз гына булса да көндәлек проблемаларыннан аерып тордык һәм аларга яхшы кәеф бүләк итә алдык.
8 ноябрь көнне Саба балалар сәнгать мәктәбендә укытучы һәм концертмейстер, халыкара, бөтенроссия һәм республика бәйгеләре лауреаты һәм дипломанты Чулпан Фаил кызы Маликованың сәнгать мәктәбе укучылары һәм укытучылары белән берлектә әзерләнгән концерты булып узды.
7 ноябрь көнне Сатыш мәдәният йортында китапханә белән берлектә "Куян кызы"әкияте сәхнәләштерелде. Балалар зур энтузиазм һәм осталык белән үзләренә бирелгән рольләрне башкардылар. Әлеге чара балаларның сәләтен ачуга ярдәм итте.