ЯҢАЛЫКЛАР

27 февраль көнне Юлбат авыл мәдәният йортында "Яңарыш" халык уен коралларында башкаручыларның IV район смотр-конкурсы булып узды.  Әлеге чара инструменталь традицияләрне саклауга, инструменталь башкаруны пропагандалауга һәм үстерүгә, талантлы башкаручыларны ачыклау һәм аларга ярдәм итүгә, шулай ук иҗат яшьләренең музыкага карата кызыксынуын көчәйтүгә юнәлдерелгән.

Барлык конкурсантларны Саба муниципаль районы мәдәният бүлеге җитәкчесе Рөстәм Фидаил улы Заһидуллин котлады һәм уңышлар теләде.

26 февраль көнне Югары Симет мәдәният йортында "Яңарыш" халык уен коралларында башкаручыларның район смотр-конкурсы булып узды.  Әлеге чара инструменталь традицияләрне саклауга, инструменталь башкаруны пропагандалауга һәм үстерүгә, талантлы башкаручыларны ачыклау һәм аларга ярдәм итүгә, шулай ук иҗат яшьләренең музыкага карата кызыксынуын көчәйтүгә юнәлдерелгән.

Барлык конкурсантларны да авыл мәдәният йорты директоры Гүзәлов Альберт Николаевич котлады һәм уңышлар теләде.

Сатыш мәдәният йортында район мәдәният йорты хезмәткәрләренең Ватанны саклаучылар көненә багышланган концерт программасы булып үтте.

22 февраль көнне Шәмәрдән авыл мәдәният йорты сәхнәсендә «Тулган ай» фольклор ансамбле катнашында «Есть такая профессия − Родину защищать!» − дип исемләнгән тематик концерт булды. Бу бәйрәм чарасы Ватанны саклаучылар көненә һәм эшче һөнәрләр елына багышланган иде. Чара танылган татар һәм патриотик җырлар, халык биюләре һәм театр куелышлары белән үрелеп алып барылды. Ахырында «Тулган ай» фольклор ансамбле җитәкчесе − М. А. Галиева барлык ир-атларны Кызыл Армиянең Җиңү бәйрәме белән котлады. Тамашачылар көчле алкышлар белән рәхмәт йөзеннән җавап бирделәр.

23 һәм 24 февраль көннәрендә Казан дәүләт мәдәният һәм сәнгать институтында Россия Федерациясе һәм Татарстан Республикасы халык артисткасы, Г. Тукай премиясе Лауреаты, КазГИК завакалистларының профессоры Ганиева Винера Әхәт кызының, VI Халыкара «Сандугач-Соловей» вокалистлары конкурсы узды. Конкурста Хөснулла һәм Аллаһияр Валиуллиннар исемендәге Саба балалар сәнгать мәктәбенең Шәмәрдән филиалы вокал бүлеге укучылары (укытучылары Харрасова Лилия Альберт кызы) катнаштылар.

22 февральдә Лесхоз мәдәният йортының “Амәнәт” халык театры район мәдәният йортында «Кичер мине, әнкәй» сагышлы комедиясен сәхнәләштерде. Бу - яхшы әсәр, күпме еллар үтсә дә ул хәзер дә актуаль. Аны мәктәп балаларына күрсәтсәң, отышлы булыр иде. Чөнки Миргаян кебек малайлар бүген дә бар. Алар сәхнәдән үзләрен күрерләр иде. Миргаянның ихтыяр көче, тырышлыгы – күпләргә үрнәк. Миргаян үз әнисе Дилфүзәне, ташлап китеп, аңа никадәр авырлыклар, кынлыклар тудырганы өчен гафу үтенергә мәҗбүр итә. Ләкин һәр кеше үз эшләре, кылган гамәлләре алдында иртәме-соңмы җавап бирергә, хисап тотарга тиеш. Миргаян тапканын түгел, бакканын үз әнисе итеп сайлый. Бу гадәти генә спектакль түгел, бала кырыс дөньяда мәрхәмәтле, кешелекле булып кала. Тормыш сынауларына бирешми, катлаулы хәлләрдә югалып калмый үз юлын тапкан кешеләр һәрвакыт бәхеткә лаек.

20 февраль көнне Килдебәк авыл китапханәсендә мәдәният йорты белән берлектә “Ак калфак” клубының чираттагы утырышы узды. Чараның беренче өлеше Халыкара туган тел көненә багышланды. Шул уңайдан күргәзмә ясалып куелды, Туган тел көненең килеп чыгышы сөйләнелде.Телләрнең һәм мәдәниятләрнең күптөрлелеген саклап калу максатын күздә тотып, ЮНЕСКО 21 февраль көнен Халыкара туган тел көне итеп игълан итте.
Ә чараның икенче өлешендә татар халкының баш киеме калфаклар ясалды. Калфаклар матур һәм үзенчәлекле килеп чыктылар.

20 февраль көнне Иске Икшермә мәдәният йортында "Янгырасын гармун теллэре"халык уен коралларында башкаручыларның район смотр-конкурсы булып узды. Әлеге чара инструменталь традицияләрне саклауга, башкаручыларны ачыклау һәм аларга ярдәм итүгә, шулай ук иҗат яшьләренең музыкага карата кызыксынуларын көчәйтүгә юнәлдерелгән иде.

Курсабаш авыл клубында "Янгырасын гармун теллэре"халык уен коралларында башкаручыларның район смотр-конкурсы булып узды. Әлеге чара инструменталь традицияләрне саклауга, башкаручыларны ачыклау һәм аларга ярдәм итүгә, шулай ук иҗат яшьләренең музыкага карата кызыксынуларын көчәйтүгә юнәлдерелгән иде.

16 февраль көнне Түбән Шытсу мәдәният йорты һәм Елыш авыл клубы хезмәткәрләре берлектә ”Тере хәтер” дип исемләнгән тематик кичә үткәрделәр. Кичәдә армия хезмәтен афган җирендә үтәгән якташыбыз, Елыш авылында туып үскән Фәрит Миннебаев катнашты. Ул үзләренең сугыш хатирәләре белән уртаклашты. Дусларын югалту хәсрәтен ул хәзер дә авыр кичерә. Мәдәният хезмәткәрләре кунагыбыз хөрмәтенә җырлар бүләк иттеләр.