ЯҢАЛЫКЛАР
16 нчы февраль көнне Сатыш авылы музей мәдрәсәсендә Совет гаскәрләренен Әфганстаннан чыгарылуга 30 ел уңаеннан “Әфганстан – йөрәк ярасы” дип исемләнгән чара уткәрелде. Чарага җирлегебездә яшәүче Әфганстанда хезмәт иткэн:
Кадыров Н.Х.
Миннегулов Р.Х.
Котдусов Ә.Г.
Абдуллин Ә.Т.
чакырылган иде. Алар узләренең Әфганстан җирендә хезмәт итүләре һәм кызыклы вакыйгалар турында сөйләделәр. Шулай ук очрашуга Сатыш урта мэктэбенен беренче сыйныф укучылары да килде. Балалар узләрен кызыксындырган сорауларын бирделәр, кунаклар ул сорауларга җавап бирделәр. Балаларга тырышып укырга, тәртипле булырга һәм сугышлар булмасын дип изге телэклэр телэделэр.
15 нче февральдә Лесхоз мәдәният йортының “Амәнәт” халык театры Иске Мичән мәдәният йортында «Кичер мине, әнкәй» сагышлы комедиясен сәхнәләштерде. Бу - яхшы әсәр, күпме еллар үтсә дә ул хәзер дә актуаль. Аны мәктәп балаларына күрсәтсәң, отышлы булыр иде. Чөнки Миргаян кебек малайлар бүген дә бар. Алар сәхнәдән үзләрен күрерләр иде. Миргаянның ихтыяр көче, тырышлыгы – күпләргә үрнәк. Миргаян үз әнисе Дилфүзәне, ташлап китеп, аңа никадәр авырлыклар, кынлыклар тудырганы өчен гафу үтенергә мәҗбүр итә. Миңа калса, һәр кеше үз эшләре, кылган гамәлләре алдында иртәме-соңмы җавап бирергә, хисап тотарга тиеш. Миргаян тапканын түгел, бакканын үз әнисе итеп сайлый. Бу гадәти генә спектакль түгел, бала кырыс дөньяда мәрхәмәтле, кешелекле булып кала. Тормыш сынауларына бирешми, катлаулы хәлләрдә югалып калмый үз юлын тапкан кешеләр һәрвакыт бәхеткә лаек.
1 Миргаян выбирает себе отца и мать. Миргаян үзенә әти - әни сайлый.
Муса Җәлил - Советлар Союзы Герое, атаклы татар совет шагыйре. Ул кечкенә иптәшләре - нәни балалар өчен дә бик күп шигырьләр язган. Ул табигатьне, ел фасылларын бик яраткан. Кошларга, җәнлекләргә, хайваннарга атап шигырьләр язган.
16 февраль көнне Түбән Шытсу мәдәният йорты хезмәткәрләре “Ромашка” балалар бакчасында тәрбияләнүче нәниләр белән “Муса Җәлил- балалар дусты” дигән тематик кичә үткәрделәр. Хезмәткәрләр герой-шагыйрьнең биографиясе белән таныштырдылар. Балалар өчен язылган шигырьләрен укыдылар, фикер алыштылар. “Куян” шигырен хәрәкәтләр белән уйнап күрсәттеләр.
15 февраль көнне Иске Икшермэ мэдэният йортында "Җырлап яшик туган җирдә" исеме астында Иске Икшермэ авыл җирлегенен иҗат отчёт концерты үткәрелде. Үзешчән коллективлар һәм аерым башкаручылар, хор чыгышларын тамашачыларыбыз көчле алкышлар белән каршы алдылар.
2019 елның 16 февралендә Казан шәһәрендә «Вдохновение» Бөтенроссия балалар һәм яшүсмерләр иҗаты фестиваль-конкурсы узды. Бу конкурста Хөснулла һәм Аллаһияр Валиуллинар исемендәге Саба балалар сәнгать мәктәбе һәм балалар сәнгать мәктәбенең Шәмәрдән филиалы укучылары катнашты.
14 февраль көнне Түбән Шытсу мәдәният йорты сәхнәсендә авыл җирлегенең “Җырлап яшик, дуслар” дип исемләнгән концерт программасы булды. Концерт җырлар, матур бию номерлары белән үрелеп алып барылды. Дуэт, күмәк җырлау, вокаль һәм фольклор ансамбль чыгышларын да тамашачылар бик кәнагать булып көчле алкышларга күмделәр.
14 февральдә искиткеч бәйрәм билгеләп үтелә, ул вакытта яраткан һәм кадерле кешеләргә чәчәкләр, конфетлар, уенчыклар, һава шарлары һәм махсус открыткалар (валентинкалар), шигырьләр, мәхәббәт билгеләре яки теләкләр язылган. Изге вәли көне яки гашыйклар көне - бөтен дөнья буенча күп кенә кешеләр билгеләп үтә торган бәйрәм.
Бу көнне Югары Симет мәдәният йорты хезмәткәрләре " Валентинов көне»исемле мавыктыргыч конкурс-уен программасы үткәрделәр. Чара башында катнашучылар " Валентинка» һәм «Яшь йөрәкләр»командаларына уртаклаштылар. Ике команда да планетада сәяхәткә китте. Алар берничә илдә булдылар һәм Изге Валентин көнендә чит ил кешеләренең нинди традицияләр саклануын белделәр. Сәяхәтнең һәр этабында программада катнашучыларны күңелле уеннар һәм конкурслар көтә иде: «әкият парларын бергә кушыйк», «парга тап», «төсле сердечкалар», «мәхәббәт десерты», «Мине аңла». Чара ахырында катнашучылар Изге Валентин көнендә генә түгел, ә һәрвакыт бер-берсенә елмаю, игелеклелек, мәхәббәт бүләк итәргә кирәк дигән нәтиҗә ясадылар. Чара бәйрәм дискотекасы белән тәмамланды.
13 февраль көнне Саба туган якны өйрәнү музеена Кореядан сәяхәтчеләр килде. Алар 5 ел элек Казанда укып киткәннәр.Хәзерге көндә узләренең илләрендә эшлиләр.
-Ял алып сәяхәткә чыктык.Татарстанны яратабыз ,президентның туган ягын курергэ килдек.-диделәр алар. Рәхим итегез!!!
13 февраль конне Олы Нырты мэдэният йортында гашыйклар коне унаеннан " йорэктэн - йорэккэ дигэн эдэби музыкаль кичэ уткэрелде. Кичэгэ авылыбызнын куп балалы ин матур дус тату гаилэлэре чакырылды. Алар узара торле конкурсларда коч сынаштылар. Гаилэ, мэхэбэт , ярату дигэн сузлэрнен мэхэббэттэн башка була алмавын тагын бер кат исбат итте алар.Кунелле очрашу чэй табыны янында дэвам итте. Соныннан балалар, олкэннэр рэхэтлэнеп кызыклы уеннар уйнадылар.
13 нче февраль көнне Сатыш авылы музей мәдрәсәсендә мөселман диния нәзарәтенең Саба мөхтәсибәте яшьләр булеге җитәкчесе, Сатыш мәчете имамы Галимҗанов Алмаз Хәйдәр улы чыгыш ясады. Ул татар халкының дини гореф – гадәтләре турында сәйлэде. Халыкны кызыксындырган сорауларга җавап бирде.