ЯҢАЛЫКЛАР

Global Free Zones of the Year иң яхшы махсус икътисадый зоналарның еллык рейтингы fDi Intelligence журналы тарафыннан әзерләнде, ул Financial Times төркеменә керә

12-13 февральдә югары технологияләр өлкәсендә «ИТ-парк» технопаркында (Казан) һәм А.С. Попов исемендәге технопаркта (Иннополис) стартаплар һәм IT-эшкуарлар өчен бизнесны үстерү инструментларына багышланган InnoSpark Conference конференциясе узды. Төп фокуслар маркетинг һәм инвестицияләр җәлеп итү юнәлешләре булды.

«Иннополис» махсус икътисадый зонасы мәйданчыгында «Иннополис» МИЗ һәм югары технологияләр өлкәсендәге «ИТ-парк» технопаркының уртак проекты – ИТ-стартаплар һәм эшкуарлар өчен Innnospark һөнәри конференциянең беренче көне старт алды. Чарада катнашучылар алдында цифрлы PR өлкәсендә әйдәп баручы экспертлар чыгыш ясаячак.

«Иннополис» махсус икътисадый зонасы һәм югары технологияләр өлкәсендә Казан «ИТ-парк» технопаркы резидентларны һәм стартапларны, шулай ук InnoSpark Conference ит-эшкуарларын чакыра.

Татарстан Президенты Рөстәм Миңнеханов «Иннополис» МИЗ Күзәтчелек советының чираттагы утырышын уздырды, анда катнашучылар махсус икътисадый зонаның яңа резидентларын расладылар. Утырышта республиканың Цифрлы үсеш министры Айрат Хәйруллин да катнашты.

«Иннополис» махсус икътисадый зонасы Global Free Zones of the Year fDi magazine журналының (Financial Times эшлекле газетасының бүлекчәсе) халыкара рейтингына керде. МИЗ «Хезмәткәрләр өчен инфраструктура», «5G кертү» һәм «Сыгылмалы офис киңлеге» номинацияләрендә җиңде.

«Иннополис» махсус икътисадый зонасында «Росэнергоатом» концерны тарафыннан гамәлгә ашырыла торган мәгълүматларны эшкәртү үзәге төзелешен башлап җибәрү тантанасы узды. Чарада Татарстанның цифрлы үсеш министры Айрат Хәйруллин катнашты

Планны үтәү йөзеннән һәм махсус икътисадый зона территориясендә  – "Иннополис" шәһәрендә кулланучылар хокукларын яклау буенча нәтиҗәле эш алып бару максатыннан чыгып, ТР Дәүләт алкоголь инспекциясенең Яшел Үзән территориаль органы начальнигы М. В. Тихонова, эчке базарны үстерү һәм координацияләү бүлеге начальнигы Ф. ф. Гаязетдинова, әйдәп баручы белгеч – эксперт Т. А. Каргина, аппарат җитәкчесе И. Р. Хуҗҗәтов, «Иннополис шәһәрен үстерү фонды» АКБОның торак сәясәте бүлеге начальнигы урынбасары А. А. Шиһапов белән очраштылар. 

Бүген Татарстан Республикасы Сәнәгать һәм сәүдә министрлыгында Альберт Кәримов рәислегендә Татарстан Республикасында медицина һәм фармацевтика сәнәгатен үстерү мәсьәләләре буенча ведомствоара эшче төркем утырышы узды.

Очрашуда министр урынбасары Алексей Савельчев, "ФармМедПолис" ҖЧҖ генераль директоры Альберт Гайфуллин, республиканың тармак министрлыклары һәм ведомстволары, "Иннополис" МИЗ" АҖ вәкилләре һәм башкалар катнашты.

Утырыш башында министр Халыкара медицина кластерын оештыруның төп максатын билгеләде – ул халык өчен иң яхшы традицион медицина практикаларыннан файдалана алуны тәэмин итү һәм хәзерге вакытта Россиядә бу хезмәтләрне күрсәтүче чит ил клиникаларының эшчәнлеген легальләштерү.

Утырышта катнашучылар ТР территориясендә Халыкара медицина кластерын оештыру проектын гамәлгә ашыруның барышы турында фикер алыштылар.

Альберт Гайфуллин, "Иннополис" МИЗ территориясен үстерү планын исәпкә алып, Татарстан Республикасы Яшьләр эшләре, спорт һәм туризм министрлыгы проекты концепциясен тәкъдир итте.

"Бу этапта Кытай традицион медицинасының Пекин Университеты, Сычуань Кытай традицион медицина провинциясенең Фәннәр Академиясе һәм Һиндстаннан фармацевтика продукциясен экспортлауга ярдәм итү советы белән килешүләргә ирешелде. Халыкара медицина кластерының асылы, кыскача гына әйткәндә, монда башка илләр медицинасының иң яхшы инновацион казанышларын алу мөмкинлеге барлыкка киләчәк", – дип билгеләде Альберт Гайфуллин.

"Иннополис" МИЗ мәйданчыгында клиник үзәк, биотехнопарк һәм җитештерү-склад комплексын төзү планлаштырыла. Пилот проектлар сыйфатында Кытай традицион медицина үзәген һәм Аюверде клиникасын булдыру каралган.

Исегезгә төшерәбез, проектның инициаторлары – "ФармМедПолис" ҖЧҖ белән берлектә ТР Сәнәгать һәм сәүдә министрлыгы. "Халыкара медицина кластеры һәм Россия Федерациясенең аерым закон актларына үзгәрешләр кертү турында" Федераль законга үзгәрешләр кертү хакында" федераль закон проекты ТР Дәүләт Советы тарафыннан инде каралган һәм хупланган.

Мондый инициативаны гамәлгә ашыру БРИКС һәм ШОС илләреннән инвестицияләрне җәлеп итәргә, сәламәтлек саклау өлкәсендә белем бирү эшчәнлеген һәм туризм үсешенә, медицина технологияләре трансферына һәм халыкара хезмәттәшлекне үстерүгә ярдәм итәчәк.

Фикер алышу барышында ТР сәламәтлек саклау министрының беренче урынбасары Альмир Абашев болай дип ассызыклады:

"Халыкара медицина кластерын оештыру бездә яңа алдынгы медицина технологияләре барлыкка килүгә ярдәм итәчәк. Әмма без әлеге проектта үзебезнең медицина оешмаларының структурасын һәм тәҗрибәсен куллану мөһим булыр, дип саныйбыз".

Тэглар: ОЭЗ Иннополис медицинский кластер ФармМедПолис

Бүген Татарстан Республикасы Сәнәгать һәм сәүдә министрлыгында Төркиянең TTAF компаниясе вәкилләре белән киңәшмә узды. Компания күпләп сату-алу техникасының төрле элементларын, шулай ук үзе эшләп чыгарган продуктларны һәм уникаль техник чишелешләрне җитештерүче эре предприятиеләрнең берсе булып тора.

TTAF делегациясе Татарстан Республикасына 1 июльдә килде. Делегация составына Евразия үсеш банкы һәм Евразия халыклары ассамблеясе вәкилләре кергән.

Визитның максаты – базар торышы, шул исәптән хезмәт базары, инвестицион климат, шулай ук хөкүмәт тарафыннан ярдәм чаралары турында мәгълүмат алу.

Делегация Татарстанның эре предприятиеләрендә, тармак министрлыкларында һәм ведомстволарында, шулай ук "Иннополис" махсус икътисадый зонасында булды.

3 июльдә делегация ТР Сәнәгать һәм сәүдә министрлыгына килде, анда аларны Альберт Кәримов каршы алды. Сәламләү сүзендә ул Татарстанның яңа проектлар өчен ачык булуы һәм республиканың аларны тормышка ашыруда һәртөрле ярдәм күрсәтергә әзер булуы турында билгеләде.

TTAF компаниясе якын арада "Иннополис" МИЗ территориясендә үз производствосын ачарга планлаштыра. "Без, бу эш Татарстан белән Төркия арасындагы мөнәсәбәтләрне ныгытырга ярдәм итәчәк, дип ышанабыз", – дип билгеләп үтте TTAF компаниясенең Евразия төбәгендә бизнесны үстерү буенча директоры Каан Ялчын.

Агымдагы киңәшмәдә компания Татарстан территориясендә гамәлгә ашырырга теләгән проектлар тәкъдир ителде. Аерым алганда, шифрлау җайланмалары, шәһәрләрне яктыртучы "акыллы" системалар, медицина өчен "акыллы" постоматлар, хасталык рецептларын электрон бирү системасы, пациентны уч төбе буенча идентификацияләү, мәгариф учреждениеләре өчен смартборд, шулай ук мәгълүматларны эшкәртү үзәген модернизацияләү проекты.

Якындагы ике айда TTAF компаниясе "Иннополис" МИЗ территориясендә локальләшүнең төгәл урынын сайларга, шулай ук булачак предприятиенең логистикасын эшләргә планлаштыра.