ЯҢАЛЫКЛАР
Кич утырулар-безгә нәселдән килгән халык традицияләренең берсе. Чарада катнашучылар кич белән Муллаяновлар капкасы төбенә күңелле аралашу өчен җыелдылар. Мондый очрашулар көндәлек тормышны төрлеләндерергә ярдәм итә. Чәй эчкәндә балачагыбызны рәхәтләнеп искә алдык, яшь чакта хезмәт көненнән соң утыруларга килүләребезне сөйләдек.
Саба урман хуҗалыгы тарихы музее Донбасста сугыш корбаннары булган балаларны искә алу көненә багышланган истәлекле акция үткәрүгә кушылды. Кораллы конфликт вакытында һәлак булган балалар истәлегенә багышланган акция чарасы Лесхоз торак пунктының символик урынында узды. Акциянең символы булып ак шарлар, кәгазь кораблар һәм күгәрченнәр, фонарьлар, шулай ук ак төстәге чәчәкләр булып тора. Билгесез солдат һәйкәле мемориалы янында бер минут тынлык игълан ителде һәм вакытсыз киткән Донбасс фәрештәләре истәлеге хөрмәтләнде.
«Сынлы сәнгать белән танышу» темасына дәрес-әңгәмә .
Саба балалар сәнгать мәктәбе укучылары-Халыкара һәм Бөтенроссия конкурслары призерлары.
Саба балалар сәнгать мәктәбенең рәсем бүлеге укучылары Г.Тукайның туган көне уңаеннан бөек шагыйребезнең әкиятләренә багышлап рәсемнәр ясадылар.
Чираттагы 2019 ел тәмамланды. Ел азагында республиканың муниципаль районнарында гражданнар җыеннары уза. Шундыйларның берсе, 28 гыйнварда, безнең Арташ авыл җирлегендә булды. Халык җыены Саба муниципаль районы башлыгы Раис Минниханов һәм башка төрле тармак җитәкчеләре катнашында Ике басу Арташ мәдәният йортында узды. Җыен барышында Арташ авыл җирлегенең проблемалары һәм уңышлары турында сүз алып барды. Без-Арташ авыл җирлеге мәдәният хезмәткәрләре, балалар катнашында, җыенга килгән гражданнар өчен “Без бит Арташ яклары” дип исемләнгән концерт программасы оештырдык.
27 декабрь көнне Килдебәк авыл мәдәният йортында 5-7 сыйныф укучылары өчен Чыршы бәйрәмнәре үткәрелде. Оештыручылар балаларга "Хуш киләсең Яңа ел"дип исемләнгән Яңа ел тамашасы әзерләделәр. Балалар сагынып көтеп алган кунакларын– Кыш бабай белән Кар кызын зур шатлык белән каршы алдылар. Балалар бәйрәмнәрдә үзешчән сәнгать номерларын тәкъдим иттеләр, конкурсларда катнаштылар, җырладылар, күңел ачтылар. Яңа ел чараларында катнашучыларның барысы да Кыш бабайдан баллы бүләкләр алды.
Саба балалар сәнгать мәктәбенең ата-аналар җыелышы һәм отчет концерты.
25 декабрь көнне Байлар Сабасында Кыш бабайлар парады һәм Үзәк Яңа ел чыршысы ачылды. Саба муниципаль районы мәдәният бүлеге уңышлы гына катнашып, мактаулы I урынны яулады.
19 декабрь көнне Казан шәһәрендә "Ватан" Республика күләмендә халык иҗатына багышланган яшьләр фестиваленең финалы узды. Шекше мәдәният йортының "Бөрлегән" балалар фольклор коллективы "Народный обряд" номинациясендә I урынны алды, Диплом һәм истәлекле бүләк белән бүләкләнде. Безнең җитәкчеләргә һәм чыгышны оештыруда зур ярдәм күрсәткән кешеләргә зур рәхмәт. Балалар бик канәгать!