ЯҢАЛЫКЛАР
Бүген 20 нче ноябрь көнне Саба район үзәк китапханәсе Шәүкәт Биктимеров исемендәге район мәдәният йорты белән берлектә “Китап бәйрәме” – әдәби кичәсен оештырды. Чарада Казаннан махсус кунаклар Татарстанның атказанган сәнгать эшлеклесе Газинур Морат, ”Ватаным Татарстан” газетасының баш мөхәррир урынбасарлары Габделбар Ризванов һәм Зөлфия Халиуллиналар,Татарстанның халык артисты Әсхәт Хисмәт катнаштылар. “Казан нуры” ансамбле баянчысы Булат Хисмәтов үзенең моңлы койләрен тамашачыга җиткерде. Шулай ук чарада IX Дөньякүләм “Әдәби марафон"да катнашкан финалистларны тәбрикләп истәлекле бүләкләр тапшырылды. Инде икенче ел рәттән узучы II Халыкара “Җәлил укулары” бәйгесенә дә йомгак ясалды.
Авылыбызда каз өмэсе. Көз-кыш айлары, җәй карап үстерелгэн урдәк, казларны суя торган вакыт. 19 ноябрь көнне "Мизгел"фольклор ансамбеленә йөрүче Хазиева Сәрия апанын гаиләсендә каз өмэсе булып үтте. Бөтен шартына китереп " Мизгел" Фольклор ансамбеленә йөрүче өлкәннәребез белән казлар чистарттык. Бәйрәм чәй өстәле артында тәмамланды.
16 ноябрь көнне Лесхоз мәдәният йорты хезмәткәрләре, Сабабаш авыл клубы белән берлектә, «Җырлап яшик»дип исемләнгән концерт программасы оештырдылар. Концертка кадәр Мишә авыл җирлеге башлыгы Гатиятуллин А. Х. чыгышы белән халык җыены булды.
Якынлашып килүче " Әниләр көне» уңаеннан Сабабаш авылында концерт белән чыгыш ясарга булдык. Әни турында чиксез һәм бары тик иң яхшы сүзләр генә әйтергә була. Әни-ул безнең тормыш чыганагы, безнең фәрештә саклаучы. Әни безне барлык өстенлекләр һәм кимчелекләр белән ярата.Әни исән чакта-без балалар. Ул безне кояш кебек җылыта, үсәргә ярдәм итә. Сабыйның беренче сүзе-әни. Дөньяның барлык телләрендә дә ул бертөрле яңгырый, чөнки Әни дөньяда булган иң изге һәм яраткан кеше.
Авыл халкы безне бик җылы кабул итте. Без халык җырлары, заманча җырлар башкардык. "Үзбәк һәм татар" биюләре биедек. Шигырьләр сөйләдек.Һәм, әлбәттә инде, безнең фольклор коллектив җыр-бию белән чыгыш ясады.
17 ноябрь көнне Тимершык мәдәният йортында " Ак теләкләр, ак юл сезгә! солдатны озату". Егетләр хәрби хезмәткә китте.Барлык катнашучылар да бәхетле юл теләделәр! Җыр-бию белән үрелеп барган бәйрәм солдатларның хәтерендә озак сакланыр.
Кече Шыңар мәдәният йортында "Ак калфак" клубы әгъзаларының чираттагы дәресе - "самавыр сәгатенә чакырабыз, сезне"фольклор утырулары булып узды. Түгәрәк өстәл артында утырдык, җырлар җырладык, яшьлекне искә төшердек, утырулар күңел бәйрәме кебек иде. Һәр авылда, һәр авылда үз утырмалары булды. Яшьләр үзләрен күрсәтер өчен, башкаларга карарга, такмак белән ташланырга, шаярып-көлеп ярышырга җыенганнар. Бик җылы, күңелле очрашуыбыз булды.
Экологик бәйрәм-Песнәк көне Россиядә моннан берничә ел элек барлыкка килгән. Бу көнне илнең төрле торак пунктларында яшәүчеләр " кышкы кунаклар»н каршы алырга әзерләнә. Бу бәйрәм уңаеннан 13 ноябрь көнне Урта авыл клубында " Синичкин көне»үткәрелде. Балалар бу бәйрәмне күңелле викторина белән каршы алдылар. "Синички" һәм "Снегири" командалары кышлаучы кошларны искә төшерделәр, алар турында табышмаклар чиштеләр, халык сынамышларын искә төшерделәр, уеннар уйнадылар. Шулай ук Шеңшке авылы китапханәчесе «кошлар дөньясы " дигән китапларга күзәтү үткәрде.
31 октябрь көнне Кече Шыңар мәдәният йорты хезмәткәрләре "Ак калфак" клубы әгъзалары белән берлектә "Ачык сандык янында" дип исемләнгән фольклор кичәсе үткәрделәр. Балалар әбиләрнең сандыкларында саклануы турында зур кызыксыну белән тыңладылар. Кичәдә кадерле кунаклар табышмаклар, мәкальләр, тизәйткечләр, бишек җырлары белән таныштылар. Әби-бабаларыбыз уйнаган "Йөзек салыш", "Кол сугыш" уеннарыннан башка узмады.
30 октябрь көнне район мәдәният йортында "Әллүкиле көй" балалар бакчасы хезмәткәрләре һәм тәрбияләнүчеләре катнашында бәйрәм концерты булды. Аерым рәхмәт сүзләрен мәдәният бүлеге җитәкчесе Заһидуллин Рөстәм Фидаил улы җиткерде. Чара бер сулышта, җылы дустанә атмосферада узды. Һәр тамашачы үзе белән уңай һәм яхшы кәефнең бер өлешен алып китте.
28 октябрь көнне, «КАМАЗ» Мәдәният сараенда, «Кама башы»милли мәдәният төбәк фестиваленең конкурс программасы узды. Чара Татарстан Республикасы территориясендә яшәүче халыкларның үзенчәлекле мәдәниятен саклау һәм үстерү максатларында үткәрелә. Мәдәният бүлеге хезмәткәрләре «Вокал-соло», «Вокаль ансамбльләр», «Хореография», «Нәфис уку», «Фольклор-йола куелышлары» һәм «Милли костюм»номинацияләрендә көч сынашты.
Мичәнбаш авыл клубында "Убырлы карчыкта кунакта"дип исемләнгән күңел ачу кичәсе булып узды. Әлеге чараның максаты-Убырлы карчыкның тискәре генә түгел, ә тылсымлы әкиятләрнең уңай персонажы да булуын исбатлау. Балалар күңелле уеннарда актив катнаштылар, җырлар җырладылар, табышмаклар чиштеләр. Убырлы карчык балаларны тәмле коймак һәм кайнар чәй белән сыйлады.