ЯҢАЛЫКЛАР
Өч Нарат авыл клубында, Арташ мәдәният йорты һәм Сабабаш авыл клубы үзешчәннәренең "Йолдызлар балкышы, моңнар агышы"дип исемләнгән концерты булып узды. Концертта халык һәм заманча көйләр яңгырады, күңелле биюләр биеделәр. Тамашачылар барлык артистларны да бик җылы кабул иттеләр.
Бильярд яратучылар көне 24 октябрьдә билгеләп үтелә. Бильярд - ул җитезлекне, хәрәкәтләрне координацияләүне һәм тактик фикерләүне үстерә торган мавыктыргыч интеллектуаль уен. Шул максат белән Югары Шытсу мәдәният йортында "бильярд яратучылар"турниры узды. Монда яхшы уен гына түгел, ә атмосфера, фикердәшләр белән аралашу да мөһим. Ярышларда катнашучылар канәгатьләнү һәм күңел күтәренкелеге алдылар. Шулай ук "Фикердәш" клуб берләшмәсе әгъзалары белән аэробика буенча дәрес узды.
17 октябрь көнне, Өтернәс авыл клубында, "Сәламәт тәндә-сәламәт рух"дип исемләнгән спорт - уен программасы үткәрелде. "Шар шартла", "Финишка кадәр барып җит", "Мин иң җитез" бәйгеләре бик кызыклы үтте. Хатын-кызлар шулай ук кыршау һәм туп белән уеннарда бик теләп катнаштылар. Чара бик күңелле узды,уеннардан бөтен кеше күңел күтәренкелеге һәм энергия алды.
Хатын-кызның төп өстенлеге булып аның матур тышкы кыяфәте тора. Ничә генә яшьтә булсалар да хатын-кызлар үз-үзләрен карыйлар, ә башка ябылган яулык матурлыкны һәм сөйкемлелекне тагын да арттыра. 17 октябрь көнне, Сатыш авыл китапханәсе, мәдәният йорты белән берлектә, "Ак калфак" клубы әгъзалары өчен, "Матур булу серләре"дип исемләнгән мастер-класс үткәрде. Чарада кул эшләре остасы- Миләүшә Габдрәкыйпова хатын-кызларны яулык бәйләүнең барлык нечкәлекләренә дә өйрәтте.
16 октябрьдә Бөтенроссия Икмәк көне билгеләп үтелә. "Икмәк-һәр нәрсәгә баш", - ди халык. Икмәк үстерү-бик авыр һәм шул ук вакытта мактаулы хезмәт. Шуңа күрә бу көнгә Югары Шытсу мәдәният йортында "Яшь күңел" фольклор ансамбле әгъзалары белән "Икмәк булса, җыр да була"дип исемләнгән очрашу - кичә үткәрелде. Чөнки бу ансамбль ир-атлары 40 елдан артык игенчеләр булып эшләде. Икмәк-күмәч эшләнмәләре күргәзмәсе куелды. Чара барышында икмәк турында җырлар, икмәкнең төрләре, түгәрәк икмәк пешерү серләре турында сөйләштеләр. Шулай ук төрле халык уеннары оештырылды. Кичә чәй өстәле артында тәмамланды. Чәй туган якның файдалы үләннәреннән ясалган иде.
Бүген, 16 октябрьдә мәдәният бүлеге хезмәткәрләре Кукмара районы халкы өчен туристик маршрут буенча экскурсия уздырдылар. Маршрут төрле яшьтәге дүрт сыйныф балалары өчен 1-4 сыйныф укучылары өчен кызыклы итеп формалаштырылды. Урман хуҗалыгы тарихы музеенда булдылар, Сабан туенда объектларны карадылар һәм ярты сәгать тирәсе уен автоматлары белән уйнадылар, аннары Саба агрокөллиятендә булдылар, шуннан соң балалар яр буенда һәм "Олимп"паркында уйнадылар. Гомумән, балалар бик шәп булыр дип көтмәгән иде, әти-әниләр һәм укытучылар сокландылар, барысы да арыган һәм канәгать.
12 октябрь көнне, Шекше мәдәният йорты хезмәткәрләре, яшьләр өчен, "Кино һәм музыка"дигән тематик программа белән бию кичәсе үткәрделәр. Кичәнең беренче яртысында "кино" темасына викторина үткәрелде. Викторинада ике команда катнашты: "Кура җиләге" һәм "Чарли Чаплин". Нәтиҗәдә, "Кура җиләге" командасы җиңде, тик калган катнашучыларның кәефләре төшмәде һәм кичә дуслык дискотекасы белән дәвам итте.
Татар Икшермәсе авыл клубында гитарада уйнарга өйрәтү буенча дәресләр үтте.
"Табигатьтә начар һава торышы юк!" Безнең экскурсияләр менә шулай уза да инде. "Әбиләр чуагы" атнасы безне үзенең кояшы һәм җылылыгы белән шатландырды, әмма болытлы һава торышы булганда да вакытны бик яхшы итеп уткәрергә була. Без нәкъ менә шулай эшлибез дә! Бүген "Урман хуҗалыгы тарихы" музеенда, "Колокол" музеенда, сувенир продукциясе цехында, Урман селекция-орлыкчылык үзәгендә булдык. Ә төштән соң "Сабантуй" мәдәни-күңел ачу комплексының өч объектында булдык һәм атларны шикәр белән сыйладык. Шулай булгач, өйдә утырмагыз,ә буш вакытыгызны безнең белән күңелле итеп үткәрегез! Биш-алты сәгатьлек экскурсия өчен өч йөз сум - "алтын бәя"!
Шалтыратыгыз: 896-00-337-336
Уңыш бәйрәме-уңыш җыю тәмамлануга, гаилә иминлеге һәм уңдырышлылыкка багышланган борынгы, матур һәм мавыктыргыч бәйрәм. Йосып-Алан авыл клубында бу уңайдан "Уңыш-2019" бәйрәме узды. Өстәлләрне быелгы уңыш җимешләреннән ясалган чын сәнгать әсәрләре бизәде. Шулай ук өстәлгә өй эшләнмәләре һәм авыл халкы әзерләгән камыр ризыклары да куелган иде.