ЯҢАЛЫКЛАР

25 август көнне Эзмә мәдәният йортында «Явыз тылсымчы - тәмәке»дигән чара булып узды. Чарада шулай ук Эзмә авылы фельдшеры Садриева Зөһрә Рәмзил кызы да катнашты.Тәмәке тартуның организмга зарарлы йогынтысы турында һәркем белә. Шуңа да карамастан, безнең зур планетабызның һәр шәһәрендә һәм һәр торак пунктында тәмәке тартучылар күп. Көн саен хәтта бер тәмәке тартучы кеше үзенең, шулай ук үзен чолгап алган кешеләрнең сәламәтлегенә төзәтеп булмаслык зыян сала. Кызганычка каршы, һәр кеше дә тиз генә тәмәке тартуны ташларга сәләтле түгел. Кайбер кешеләр бу зарарлы гадәт белән гомер буе көрәшәләр. Тәмәкене даими куллану никотинга бәйлелек тудыра. Яшүсмерләр белән тәмәке тартуга каршы әңгәмә узды.

Балалар китапханәгә килә торган төрле төстәге журналларны карап чыгарга яраталар. Олы Кибәче авыл китапханәсендәге «Илһам " клубының чираттагы утырышында балалар алар белән якыннанрак таныштылар. Китапханәче балаларны «матбугат», «вакытлы басмалар», «эчтәлек», «Рубрика» терминнары белән таныштырды, журнал һәм газеталарның нинди төрләре булуы турында сөйләде. Аннары китапханәче «Ежик», «Саша и Маша», «Принцесса», «Салават күпере», «Сабыйга»кебек язылу буенча даими рәвештә китапханәгә килә торган балалар журналы һәм газеталарына күзәтү ясады. Балалар  вакытлы матбугат басмаларының рубрикалары, әлеге журналлар һәм газеталарда нинди танып белү һәм күңел ачу материаллары булуы белән таныштылар. Балалар журналларның өстәмә уку, әйләнә-тирә дөнья турында кызыклы мәгълүматлар алу, фикерләүне үстерү, күңел ачу һәм ял итү өчен кирәклеген белделәр.

 Килдебәк авыл китапханәчесе мәдәният йорты хезмәткәрләре белән берлектә «Ак калфак» клубына йөрүчеләр өчен, Газинур Моратка 65 яшь тулу уңаеннан «Туган телгә мәдхия җырлаучы – Газинур Морат» исемле әдәби кичә үткәрделәр. Аның иҗаты белән таныштырылды, шигырьләре кычкырып  укылды. Китап күргәзмәсенә күзәтү үткәрелде.

"Җәй китабы 2024" проекты кысаларында, Ике басу Арташ авыл китапханәсенең мөдире "Тукайлы җәй"әдәби сәгате үткәрде. Аның "Җил илә Кояш" әсәрен укыдылар, әсәр буенча сорауларга җавап бирделәр һәм җавапларын дәфтәрләргә яздылар.

22 август көнне Шәмәрдән мәдәният йорты хезмәткәрләре «Окна России» дип исемләнгән Бөтенроссия акциясенә кушылдылар. Акциянең максаты мәдәни үзәккә бәйрәм кәефе бирү һәм патриотик хисләрне белдерү. Мәдәният йорты хезмәткәрләре горурланып әләмнәрне элеп куйдылар, һәр хәрәкәткә Россиягә булган мәхәббәтләрен салдылар. Шуннан соң барлык тәрәзәләр чын патриотлык бәйрәмен тудырып, Россия триколоры төсләре белән балкыды. Флаг − безнең дәүләтнең иң төп символларының берсе. Ул Россиянең бердәмлеген, аның башка дәүләтләрдән ирекле булуын аңлата. Бу бөеклек, көч һәм безнең җиңүләр символы булып санала.

23 август көнне Килдебәк авыл мәдәният йорты хезмәткәрләре, китапханәче белән берлектә, «Ватан нинди төстә?» исеме астында, Россия флагы көненә багышланган патриотик сәгать үткәрделәр. Мәдәният хезмәткәрләре Россия Дәүләт флагы барлыкка килү тарихы белән таныштырдылар, бу бәйрәмнең ничәнче елда оештырылуы, төсләрнең нәрсә аңлатуы турында сөйләделәр. Шулай ук күргәзмәгә күзәтү үткәрелде.

Россиядә бер генә бөтенхалык бәйрәме дә дәүләт әләмен күтәрмичә узмый. Россия триколорының тамырлары гасырлар эченә барып тоташкан тарихы бар. Кешедә тормыш башында салынган хакыйкать билгеле, ул мәңгегә кала. Патриотлык тәрбияләү үз Ватаныңның гореф-гадәтләрен белмичә мөмкин түгел. 22 август көнне Олы Нырты мәдәният йорты хезмәткәрләре «Россия Флагы-безнең горурлыгыбыз һәм Даныбыз»дигән танып-белү - уен программасы үткәрделәр.

Программа барышында «Миләшкәй» балалар бакчасы балалары Россия флагының барлыкка килү тарихы һәм аның безнең дәүләт өчен әһәмияте турында белделәр. 

Программада «флаглар белән уен», «шарлардан флаг җыеп ал», «флагны буя» һәм башка конкурслар үткәрелде. Чара «Йөзек салыш» кызыклы уены белән тәмамланды.

Эзмә мәдәният йорты ишегалдында балалар белән «Барысы да старт ала»дип исемләнгән велоузыш узды. Сәламәт яшәү рәвешен пропагандалау-физкультура һәм спорт белән шөгыльләнү. Яхшы һава торышы, яхшы кәеф, велосипедлар һәм дус, күңелле иптәшләр - актив һәм файдалы ял итү өчен тагын нәрсә кирәк?!Велоузышлар башланганчы балаларга велосипедта йөрү кагыйдәләре турында искә төшерделәр. Велосипедта йөрү сәламәтлекне генә түгел, чыдамлыкны да ныгыта. Мондый чаралар үткәрү дә балаларга җәйге каникул вакытында ял итүләрен кызыклы һәм файдалы итеп үткәрергә мөмкинлек бирә.

22 августта мөһим һәм әһәмиятле бәйрәм – иң мөһим дәүләт символларының берсе булган Россия Федерациясе Дәүләт флагы көне билгеләп үтелә.

Кешенең үз иленең символларына ихтирамлы һәм сакчыл мөнәсәбәте - аның гражданлык күрсәткече, димәк, укымышлылыгы, мәдәнияте, әхлагы чагылышы. Дәүләт символларына хөрмәт күрсәтеп, без үз Ватаныбызга мәхәббәт һәм хөрмәт күрсәтәбез, Россия гражданнары булуыбыз белән горурланабыз.

Патриотизм тәрбияләү, Бөек ил тарихына хөрмәт йөзеннән, 22 августта Лесхоз мәдәният йорты хезмәткәрләре тарафыннан «Бердәм флаг астында»дип аталган патриотизм сәгате оештырылды. Чара Россия Федерациясе Гимны белән башланып китте. Чара барышында балалар триколор тарихы белән таныштылар, илебез флагы турында шигырьләр укыдылар һәм, әлбәттә, үзләренең хисләрен рәсемнәрдә белдерделәр, иҗатларын һәм фантазияләрен күрсәттеләр, үз эшләрендә Ватан символын гәүдәләндерделәр.

Бильярд буенча турнир-  гади ярыш түгел, бу уенны яратучылар өчен дә, яңа уенчылар өчен дә күңелле вакыт үткәрү. Бильярд башка күп кенә спорт уеннарыннан үзенең чагыштырмача тынычлыгы белән аерыла - әлеге уен төре интеллектуаль сәләтләрне үстерә һәм фикерләүне гармонияләштерә.

18 августта Лесхоз мәдәният йорты хезмәткәрләре тарафыннан Рус бильярды буенча ярыш үткәрелде. Турнир әлеге спорт төрен чын күңелдән яратучыларны җыйды. Адреналин, азарт, яхшы нәтиҗә күрсәтү теләге уенчыларга бер генә минутка да тынычланырга ирек бирмәде һәм иң яхшы рәвештә катнашучыларны җиңүгә этәрде.

Барлык катнашучылар да яхшы һәм шактый тигез уен күрсәттеләр. Йомгак ясаганда призлы урыннар түбәндәгечә бүленде:

Турнирның җиңүчесе-Вәлиев Илназ

2 урын - Сафин Әхмәт

3 урын-Сираҗиев Азат