ЯҢАЛЫКЛАР
Татарстанда табигатьне саклау чараларын җирле бюджетка экологик керемнәр исәбенә гамәлгә ашыру эшләре дәвам итә. Чаралар ТР Экология министрлыгы һәм районнарның башкарма комитетлары арасында төзелгән килешүләр кысаларында формалаштырыла.
Элегрәк Экология министрлыгының Кама буе идарәсе инспекторлары Түбән Кама сусаклагычы акваториясен мониторинглау барышында елга комын чыгара торган йөзмә кранны ачыклаганнар иде. Гомумтаралган файдалы казылмалар чыгаруның җир асты байлыкларыннан файдалану хокукына лицензиясез алып барылуы ачыкланды. Законсыз чыгарылган ком күләме 1,5 мең тоннадан артык. Экологлар әйләнә-тирә мохиткә китерелгән зыянны исәпләп чыгардылар. Ул 320 мең сум тәшкил итте.
Халыкның мөрәҗәгатен карау кысаларында Экология министрлыгының Үзәк идарәсе инспекторлары Казан шәһәренең Совет районы территориясен тикшерделәр. Мониторинг барышында табигатьне саклау законнарын бозу факты, атап әйткәндә, санкцияләнмәгән ике чүплек булуы расланды.
Элегрәк Чаллы шәһәре территориясен мониторинглау барышында Кама буе идарәсе инспекторлары тарафыннан санкцияләнмәгән чүплек ачыкланган иде. Чулман проспектында бетон ватыклары калдыкларын ташлау факты ачыкланды. Хокук бозу мәйданы – 63 кв.м.
Мамадыш районы территориясен тикшерү барышында Экология министрлыгының Кама буе идарәсе инспекторлары табигатьне саклау законнарын бозуны ачыкладылар. Соколка авылында экологлар биналарны җимерү һәм сүтү калдыкларының, үсемлек, көнкүреш һәм сортларга аерылмаган торак калдыкларының рөхсәтсез чүплеген таптылар.
Арча районы территориясен мониторинглау барышында Төньяк идарә инспекторлары тарафыннан рөхсәтсез чүплек ачыкланды. Иске Кырлай авылы янында экологлар төзелеш һәм ремонт эшләреннән калган калдыкларны, көнкүреш һәм үсемлек калдыкларын законсыз урнаштыру урынын таптылар.
Мамадыш районын тикшерү барышында Кама буе идарәсе инспекторлары табигатьне саклау законнарын бозуны ачыкладылар. Түбән Тәкәнеш авылында Завод урамында экологлар рөхсәтсез асфальт-бетон ватыклары чүплеген таптылар. Хокук бозу мәйданы 71 кв.м тәшкил итә.
Азнакай районы территориясен тикшерү барышында Экология министрлыгының Ык буе идарәсе инспекторлары табигатьне саклау законнарын бозуны ачыкладылар. Чемодурово авылында Түбән Ямаш елгасы буасына ирекле керү мөмкинлеге чикләнгән.
Чаллы шәһәре территориясен тикшерү барышында Экология министрлыгының Кама буе идарәсе инспекторлары тарафыннан санкцияләнмәгән чүплек ачыкланды. Металлургия урамында экологлар төзелеш һәм ремонт эшләреннән калдыклар, шулай ук полимер материаллар таптылар.
Хокук бозу мәйданы – 57 кв.м.
ТР Экология һәм табигать ресурслары министрлыгына Буа районының Ырынгы авылында санкцияләнмәгән чүплек турында халыктан мөрәҗәгать килде.
Идел аръягы идарәсе инспекторлары урынга чыктылар, аның барышында Ырынгы авылы янында җитештерү һәм куллану калдыкларын законсыз чүпләү факты расланды. Хокук бозу мәйданы – 45 кв.м.