ЯҢАЛЫКЛАР
Татарстан Республикасы Саба муниципаль районының эре һәм урта предприятиеләренең хезмәт коллективларында 2020 ел йомгаклары һәм 2021-2023 елларның планлы чорына бурычлар буенча еллык җыелышлар уздыру графигы расланды.
2021 елның 14 гыйнварында 13:00 салым түләүчеләргә тулырак мәгълүмат бирү максатыннан Россия Федераль салым хезмәтенең Татарстан Республикасы буенча идарәсе «НДС, оешмалар табышына салым, махсус салым режимнары буенча салым законнарындагы үзгәрешләр»темасына мәгълүмати вебинарга чакыра. Вебинар кысаларында Идарә вәкилләре салым түләүчеләрдә килеп чыга торган иң киң таралган сорауларга җавап бирәчәкләр.
Татарстан Республикасында Россия Федерациясе Хезмәт кодексының 133.1 статьясы нигезендә 2020 елның 30 декабрендә Татарстан Республикасы Һөнәр берлекләре федерациясе, Татарстан Республикасы Эш бирүчеләре берләшмәләренең Координация советы, Татарстан Республикасы Министрлар Кабинеты арасында Татарстан Республикасында минималь хезмәт хакы турында Килешү (алга таба – килешү) төзелде. Әлеге Килешүдә каралганча, 2021 елның 1 гыйнварыннан Татарстан Республикасы икътисадының бюджеттан тыш секторы оешмаларында аена 15 400 сум күләмендә минималь хезмәт хакы билгеләнә.
Хезмәт хакын түләмәү, хезмәт хакын вакытында түләмәү, законсыз эштән азат итү фактлары буенча гражданнар мөрәҗәгатьләрен кабул итү өчен 2-45-74 яки 2-31-33 телефоны буенча эш көннәрендә 8.00 дән 17.00 гә кадәр мөрәҗәгать итә аласыз, яки электрон почта адресына мөрәҗәгать итә аласыз: pr.saba@tatar.ru кат Adilya.Falyahova@tatar.ru
Россия Федерациясе Хөкүмәте Карары буенча тәңгәлләштерү чаралары белән мәҗбүри маркировкаланырга тиешле товарлар әйләнеше мониторингы буенча дәүләт мәгълүмат системасы (алга таба – маркировкалау системасы) булдырылды. Әлеге система эшенең координаторы – Россия Сәнәгать һәм сәүдә министрлыгы, операторы-«Оператор-ЦРПТ»ҖЧҖ. Хәзерге вакытта дару препаратларына, тәмәке продукциясенә, аяк киеме товарларына, духи һәм бәдрәф суына, шиннарга һәм пневматик резин капламаларга, фотокамераларга, фотовспышкаларга һәм лампаларга мәҗбүри маркировка кертелгән.
Россия Федерациясе Конституциясе нигезендә һәр граждан куркынычсызлык һәм гигиена таләпләренә җавап бирә торган шартларда эшләү, хезмәт өчен дискриминациясез һәм федераль законда билгеләнгән минималь хезмәт хакы күләменнән ким булмаган акчалата бүләкләнү, шулай ук эшсезлектән яклану хокукына ия.
Татарстан Республикасы Хезмәт, халыкны эш белән тәэмин итү һәм социаль яклау министрлыгы,гражданнарга, «Халык контроле» дәүләт мәгълүмат системасында «Cоры хезмәт базары» юнәлеше буенча да мөрәҗәгать итә алулары турында хәбәр итә. (хезмәткә түләүнең конвертлы системасы, эш бирүче белән хезмәт килешүләре төземичә, хезмәткәрләрнең хезмәт эшчәнлеген гамәлгә ашыру).
25 декабрьдә Саба муниципаль районы Башкарма комитеты һәм прокуратурасы хезмәткәрләренең бәяләрне тоткарлау турындагы килешүләрнең үтәлешен тикшерү буенча уртак рейды үткәрелде. Шунысын да билгеләп үтәргә кирәк, федераль челтәрләр буенча закон бозулар ачыкланмады, әмма башка сәүдә нокталарында бәяләрнең артуы күзәтелә.
ЕНВД юкка чыгарылу белән бәйле рәвештә, эшкуарлар алар өчен оптималь салым салу режимына күчәргә мөмкин. Әгәр моны эшләмәсәң, 2021 елның 1 гыйнварыннан алар автомат рәвештә гомуми режимга 13% ставка белән күчереләчәк. Салым салуның уңайлы режимын махсус калькулятор ярдәмендә Россия Федераль салым хезмәте сайтында сайларга мөмкин.
Эре сәүдә челтәрләре һәм азык-төлек җитештерүчеләр, шулай ук авыл хуҗалыгы һәм азык-төлек министрлыгы һәм сәнәгать һәм сәүдә министрлыгы шикәр-комга һәм көнбагыш маена бәяләрне киметү һәм Саклап калу турында килешү имзаладылар.