ЯҢАЛЫКЛАР

Әгерҗе районында территорияне төзекләндерү эшләре дәвам итә. Әгерҗе муниципаль районы администрациясе коллективы, шәһәр оешмалары хезмәткәрләре, шулай ук Татарстан Республикасы Дәүләт алкоголь инспекциясенең Чаллы территориаль органы хезмәткәрләре шәһәрне төзекләндерү һәм яшелләндерү буенча традицион Бөтенроссия экологик өмәсендә актив катнаштылар. Шәһәр урамнарында үсентеләр – бархатлар, гвоздикалар һәм башка чәчәкләр утыртылды.

Узган ял көннәрендә Лаеш районының Имәнкискә авылындагы комлыкта Кама елгасының яр буе һәм су асты өлешен чистарту буенча экологик акция узды. Чараны, Татарстан Республикасы Экология һәм табигать ресурслары министрлыгы ярдәме белән, Татарстан Республикасында Рус география җәмгыяте оештырды.