ЯҢАЛЫКЛАР
5 нче гыйнвар көнне Мичән авыл җирлегендә волейбол ярышлары булып узды. Ярышта барлыгы команда катнашты. Нәтиҗәләр түбәндәгечә: 1 урын Иске Мичән студентлары, 2 урын Иске Мичән яшьләре, 3 урын Яңа Мичән яшьләре. Барлык командалар грамота һәм акчалата приз белән бүләкләнделәр.
3 гыйнвар 2025 елда Мичән авыл җирлегенә кергән Иске Мичән, Яңа Мичән мәдәният хезмәткәрләре “Исәнме Яңа ел” дигән балалар өчен бал-маскарад бәйрәмнәре үткәрделәр.
2025 нче елның 1 нче гыйнварында Иске Мичән мәдәният йорты хезмәткәрләре Байназаровлар, Һадиевлар, Мөбарәкшиннар, шулай ук Низамиеевлар гаиләләрендә булдылар.
Мичән авыл җирлегенә кергән Иске Мичән, Яңа Мичән, Керәнне мәдәният хезмәткәрләре «Яңа ел чыршысында кунакта” дигән бал-маскарад бәйрәмнәре үткәрделәр. Бәйрәмне Мичән авыл җирлеге башлыгы Гараев А.А. ачып җибәрде. Авылдашларны, кайткан кунакларны Яңа ел белән котлады, музыкаль бүләк тә әзерләгән иде. Чара төрле персонажлар, алып баручылар катнашында музыкаль — театральләштерелгән тамаша белән дәвам итте, алар барлык катнашучыларны мавыктыргыч конкурсларда катнашырга чакырды.
Яңа Мичән авылында шәхси эшмәкәр үзенең бригадасы белән Мәлик чишмәсен яңартып корырга алындылар. Эшне башлап йөрүче Галимуллин Рөстәм Газимуллович. Игелекле, изге эшләрендә уңышлар телибез. Бүгенге көндә чишмә корылып бетте, түбәсе калай белән ябылды. Калган матурлау эшләре җир кардан арынгач эшләргә планлаштырылды.
Иске Мичән авылында Бөек Ватан сугышында һәлак булучыларга ПМК 159 төзүчеләре тарафыннан монумент төзелде. Бугенге көндә Мичән төп мәктәбе укучылары монумент каршына кар сыннары ясап, буяп куйдылар.
22 нче декабрь көнне Мичән мәктәбе ачылуның 50 еллыгы билгеләп үтелде. Ерак араларны якын итеп, мәктәбебездә эшләгән хөрмәтле укытучылар, хезмәткәрләр, төрле елларда мәктәпне тәмамлаган укучылар, чакырылган кунаклар җыйналды.
22 нче декабрь көнне, Гаилә елын йомгаклау уңаеннан, ТНВ каналы үткәргән онлайн телемарафонда районыбыздан яшь пар катнашты. Алар – Мичән җирлегеннән Сабирҗанов Ильмир Ирек улы һәм Гатауллина Миләүшә Мөҗип кызы.
Иске Мичән авыл халкы махсус хәрби операциядәге егетләребез өчен маскировка челтәре үрүне дәвам итәләр. Монда авылның бар кешесе диярлек үзенең көчен, вакытын кызганмый һәркөн эштән соң авыл клубына җыела. Ирләр сетка үрү өчен чимал әзерләсә, ә хатын кызлар шул чималдан алдавыч сетка үрәләр.
Мичән авыл җирлеге биләмәсендә, ПМК “Мелиорация” оешмасы тарафыннан, арендалау өчен торак йорт төзелеше дәвам итә. Бүгенге көндә йортның стеналары, фронтоны кирпечтән өелеп бетте.