ЯҢАЛЫКЛАР

Керәнле авылында Явлаштау авылы егете Рәзил белән Керәнле авылы кызы Айсинәнең никах туйлары гөрләп узды. Никахның икенче көнендә борынгыдан килгән гореф- гадәтләрне яңартып, кияүне мунча кертү һәм мич коймагы белән сыйлау йоласы үткәрелде.  Кияү мунчасы берничә йорт аша яшәүче күршеләрдә әзерләнде. Никах төненнән соң, иртән кияү белән кәләшне матур итеп бизәлгән уфалла арбасына утыртып, жырлап, биеп мунчага озаттылар. Мунчадан чыккан яшьләрне, бал һәм мич коймагы, чәй белән каршы алдылар, изге теләкләр теләделәр. Барлык кунаклар да кияү коймагыннан авыз иттеләр. Йола буенча, коймак алганда тәлинкә астына акча кыстырдылар. Чәйләр эчеп, кияү белән кәләшне котлап жырлар жырлаганнан соң, аларны уфалла арбасына утыртып кире өйләренә алып кайттылар. Уен-көлке, җыр-бию, яшьләрне котлау кичкә кадәр дәвам итте. "Кияү мунчасы" hәм "Кияү коймагы" йоласы бик күңелле узды. Яшь парлар үзләренең гаилә тарихын шулай матур итеп башлап җибәрделәр.

Яңа Мичән авылы Мәдәният йорты «Шифа-аяк астында» («Миллек бәйләү йоласы») себеркеләр әзерләү буенча йола бәйрәме үткәрде. Кышка каен себеркесе әзерләүне һәм себеркеләр өчен дару үләннәре җыюны күрсәттеләр. Шулай ук каен себеркеләренең сәламәтлек өчен файдасы һәм аларны мунчада ничек дөрес куллану турында сөйләделәр. Гармунга җырлар җырладык, татар халык уеннарын уйнадык. Бәйрәм чәй өстәле артында дәвам итте. Бәйрәм кунаклары җырладылар, уйнадылар, үзләренең яшьлекләрен искә алдылар. Шулай ук кунакларны татар милли ризыгы - бәлеш белән сыйладылар.

Яңа Мичән һәм Иске Мичән мәдәният йортлары хезмәткәрләре авыл халкы белән бергә Алексеевск районында урнашкан Биләргә сәяхәт оештырдылар. Биләр урман арасында урнашкан. Бу урын ял итү өчен бик матур. Территориядә фонтан, тәмле сулы чишмәсе, теләкләр ташы бар, аңа 444 баскыч алып бара. Авылдашларыбызга бу сәяхәт бик ошады, без бу урыннардан уңай эмоцияләр белән өйгә кайттык. Татарстанда шундый кызыклы, тарихи урыннар булуына сөендек.

 Керәнне авылы Залесная урамында гражданнарның үзара салым акчасына каты түшәлгән юл салу буенча эш алып барыла. Эшне "Рамазан" ҖЧҖ оешмасы башкара.

Иске Мичан авылында җәяүлеләр өчен тратуар төзү эшләре тәмамланды. Эшне "Спецдорстрой" ҖЧҖ  башкарып чыкты.

Җәй бит ул чәчәкләре белән ямьле. Мичән төп белем бирү мәктәбе яны бакчасы елдагыча матур чәчәкләргә күмелеп утыра.Бу матурлыкны булдыру мәктәп укучылары, укытучылары һәм хезмәткәрләре көче белән башкарыла.

"Саба" җаваплылыгы чикләнгән җәмгыятенең "Мичән" бүлекчәсе игенчеләре урып-җыю эшләренә керештеләр. Механизаторлар тритикале культурасын урып-җыю белән мәшгуль. Бүгенгесе көндә, игенчелек өчен бик унайлы булмаган шартларда, механизаторлар каршында булган уңышны югалтуларсыз һәм тиз арада җыйнап алу бурычы тора.

Авыл хезмәтчәннәренә уңай һава торышы һәм уңышлар телибез.

Иске Мичән авылында җәяүлеләр өчен тратуар төзү буенча эш бара.

Мичән авыл җирлегендә шәхси авыл хуҗалыгы техникларына техник карау уздырылды.

Мичән авыл җирлегендә әйләнә-тирә мохитне төзекләндерү буенча максатчан эш алып барыла. Яңа Мичән авылында халык ярдәме белән зират җыештырыла.