ЯҢАЛЫКЛАР

Мичән авыл жирлегенә кергән Яңа Мичән, Иске Мичән, Керәнне авылларында 2026 елда үзара салым кертү һәм куллану буенча гражданнар җыеннары узды. Мичән авыл җирлеге башлыгы Гараев Айзат Ахматгали улы халык алдында үзара салым программасы буенча башкарылган эшләр турында хисап тотты. Җыенда авыл халкы юлларны барлык урамнарга да тоташтырылып бетсә яхшы булыр иде диделәр оешкан төстә узды.

Иске Мичән мәдәният йорты хезмәткәрләре  "Мамык мендәр- уңганлык билгесе" исемле милли йола бәйрәме үткәрде. 16 ноябрь көнне олысы, кечесе, киленнәр, яшьләр бәйрәмгә ашкынып килде. Алдан ук әзерлек башланды...

12 ноябрь көнне Иске Мичән авылы мәдәният йорты хезмәткәрләре  махсус хэрби хезмәттә булган егетләргә булышу йөзеннән, авыл халкы белән берлектә токмач кисү оештырды. Бу көнне һәркем үзендә җаваплылык тоеп җиң сызганып токмач кисәргә әзерләнеп килде. Эш барлык кешегә дә җитте. Камыр ясау, җәю, киптерү, кисү эшләрен авырыксынмый күңелле аралашып, җырлар җырлап башкардылар. Бу өмәгә тормыш иптәшләре дә килгән иде. Алар гармун уйнап, җырлап сабыр гына вакыт үткәрделәр. Шушы изге эштә катнашучы Иске Мичән авылхалкына җирле үзидарә исеменнән рәхмәтебезне җиткезәбез. Егетләребез исән имин өйләренә кайтсын иде дигән теләктә калабыз.

Мичән авыл җирлеге биләмәсендә, ПМК “Мелиорация” оешмасы тарафыннан,укытучы гаиләсенә арендалау өчен торак йорт төзелеше дәва итә. Хәзергесе көндә йортның эчке эшләре башкарыла. Идәнгә ленолиум җәелә, стеналарны обойлау эшләре башкарыла

ООО “Саба”ның Мичән филиалында тырмаларны язгы кыр эшләренә әзерләү хәзердән үк башланып китте.  Бүгенге көндә слесарьлар Хадиев Ильфар, Галимуллин Айдар тимерчелектә тырма тешләрен утта кыздырып очлау эшләрен башкаралар.

5 ноябрь көнне Иске Мичән мәдәният йортында «Клоуннар балаларда кунакта»- дигән күңел ачу-уен программасы үткәрелде. Чара бик күп яшь тамашачыларны җыйды, алар клоуннарның якты һәм шаян чыгышларын сокланып күзәттеләр. Клоуннар балаларның күңелен оста итеп ачтылар, аларны төрле уеннар белән гаҗәпләндерделәр. 

1 ноябрь көнне Иске Мичән авылында Хайруллин Альберт һәм Лилияләр гаиләсендә «Каз өмәсе - авыл бизәге» дип исемләнгән йола үткәрелде. Алар бу елны 25 каз бәбкәсе үстергәннәр.  Казлар үсеп матурлангач, аны күршеләр, туганнар, кызлар белән йолкырга уйлаганнар. Бу уйларын Иске Мичән мәдәният хезмәткәрләре ишетеп, йола итеп үткәрергә күндергәннәр. 

Яңа Мичән авылы мәдәният йортында урта мәктәп яшендәге укучылар белән «Без террорга каршы» дигән әңгәмә үткәрелде. Чара барышында «террорчылык», «теракт», «экстремизм», «террорист» кебек төшенчәләр һәм террорчылык актларын башкарырга теләк тудыручы сәбәпләр ачылды. Шулай ук теракт куркынычы килеп чыккан очракта һәм заложник итеп алу очрагында үзеңне ничек тотарга кирәклеге турында да сөйләнелде, экстремаль ситуацияләрдә үз-үзеңне тотуга аерым игътибар бирелде. Балалар әңгәмәдә актив катнаштылар, слайд – презентацияне зур игътибар белән карадылар.

«Саба»ҖЧҖнең Мичән бригадасында кырларны көзге туңга сөрү эшләре дәвам итә. Механизаторларыбыз бу эшләрне башкарып чыгу өчен көчләрен кызганмыйлар.

2021 елдан Россиядә октябрьнең өченче якшәмбесендә "Әтиләр көне"  билгеләп үтелә башлады. Мичән төп мәктәбендә оештыручылар, сыйныф җитәкчеләре белән берлектә башлангыч сыйныф укучылары һәм аларның ата-аналары өчен спорт, гимнастика конкурсларын үткәрделәр.