ЯҢАЛЫКЛАР
Мичән авыл җирлегендә өлкәннәр көненә багышлап, төрле елларда шушы җирлектә эшләгән, күчеп кайткан, хәзерге вакытта лаеклы ялда булган хезмәткәрләргә азык-төлек пакетлары таратылды.
3 октябрь көнне Мичән авыл җирлегендә яшәүче алтын һәм зөбәрҗәт парлар тәбрикләнде. Безнең җирлектә алар: 50 ел бергә яшәгән Мөбарәков Васил Шәрип улы һәм Мөбәрәкова Рәзиф Талип кызы.
18 сентябрьдә Керәнне авыл клубында концерт үткәрелде. Концертта Кызыл-Мишә, Симет , Мишәбаш, Иске Мичән мәдәният йортлары , Түбән Симет,Өтернәс, Иләбәр, Керәнне авыл клубы хезмәткәрләре катнашты.
Тамашачылар концерт программасында катнашучыларны алкышлар белән каршы алдылар. Матур һәм истә калырлык номерлар тамашачыларга онытылмаслык тәэсирләр, яхшы кәеф һәм уңай энергия бүләк итте.
17 сентябрьдә Мичән авыл җирлегендә Милләтләр кроссы-2022 бәйгесе булып узды. Кроссны тантаналы рәвештә Мичән авыл җирлеге башлыгы Гәрәев А. Ә., Мичән төп гомуми белем бирү мәктәбе директоры Закиров Д. Р. ачып җибәрделәр. Ярышта мәктәп укучылары һәм бюджет оешмалары эшчеләре катнашты. Җиңүчеләр Мактау грамоталары белән бүләкләнде.
1 сентябрь көнне Мичән төп гомуми белем бирү мәктәбендә Белем көненә багышланган тантаналы чара узды. 1 сыйныфка 6 укучы керде. Мәктәптә барлыгы 56 укучы белем алачак.
Кич утыру - ул безгә мирас буенча килгән гореф-гадәтләренең берсе. 16 август көнне Яңа Мичән авыл китапханәсе мәдәният йорты белән берлектә "Авылымның айлы кичләре"дип исемләнгән кич утыру оештырдылар. Җәйге кичтo, көндәлек эштән соң, күршеләр капка янына җыелды. Чара барышында китапханәче Идел буе Болгар дәүләтендә ислам динен кабул итүгә 1100 ел тулу уңаеннан "Иман нуры"дип исемләнгән китап күргәзмәсенә күзәтү үткәрде. Икенче өлештә самавырдан чәй эчтеләр, яңалыклар белән алмаштылар, кызыклы тарихлар сөйләделәр.
Мичән авыл җирлеге басуларында урып-җыю кампаниясе тулы куәтенә эшли. Бу көннәрдә арыш сугу эшләре бара.
Балтач юл төзу оешмасы көче белән Мичән авыл җирлегенең Керәнне авылында юл төзелеше.
13 август көнне "Җырлы - биюле кичке уеннарга, болыннарга кайтам чор аша" проекты кысаларында, Керәнне авыл клубы, Кызыл Мишә мәдәният йорты белән берлектә "Сагынып кайттым сине, Тирән Дугай"дип исемләнгән ял кичәсе оештырды. Авылның һәр урамыннан гармунчыларга кичке уенга җыелган авылдашлар кушылды. Бәйрәм татар биюләре белән башланып китте. "Наза", "Гөлбану", "Капкалы", "Түбәтәй", "Йолдыз санау", "Йөзек салыш" һ.б. татар фольклор уеннары белән үрелеп барды. Бәйрәм коймак һәм бал белән самавырдан чәй эчү белән дәвам итте. Барысы да рәхәтләнеп күмердәге пешерелгән бәрәңге белән сыйланды, бәйрәмнән алган тәэсирләре белән уртаклашты, аерылышырга теләмәде. Кичә уртак җырлар һәм биюләр белән тәмамланды.
Быел Мичән төп белем бирү мәктәбенә беренче сыйныфка 6 бала укырга керә. 19 август көнне Мичән авыл җирлеге башлыгы Гәрәев А.Ә. һәм Мичән төп белем бирү мәктәбе директоры Закиров Д.Р. беренче сыйныфка укырга керүчеләргә мәктәп кирәк-яраклары һәм сумкалар тапшырдылар. Бүләкләрнең спонсорлары Район башлыгы Минниханов Р.Н. һәм Республикадагы “Нәфис косметикс” оешмасы.