ЯҢАЛЫКЛАР
8 нче ноябрь көнне Явлаштау авылы мәдәният йортында шәҗәрә бәйрәме - зур бәйге булып узды. Безнең мәдәният хезмәткәрләре, китапханәче, Мичән төп мәктәбе коллективы, пенсионер апаларыбыз, яшьләребез бу конкурста катнашып Яңа Мичән авылы Гайсә нәселен яклап нәтиҗәле чыгыш ясадылар.
Мичән авыл жирлегенә кергән Яңа Мичән авылы зыяратында көзге өмә үткәрелде. Авылның ир- атлары, кайткан кунаклар 6 ноябрь көнне авыл зыяратын җыештыру, ботакларны яндыру өчен өмәгә җыелды.
Мичән авыл жирлеге Яңа Мичән авылы "Каенкай" балалар бакчасының керү өлешенә, “Яшен” оешмасы тарафыннан, асфальт калдыгы түшәлде.
4 ноябрь көнне Яңа Мичән мәдәният йортында “Моң тулы күрекләре”дигән гармунчылар белән концерт оештырылды. Анда авылыбызда яшәп, узлектән гармунда көйләр өйрәнеп, өздереп уйнаучы егетләребез катнашты.
Мичән авыл җирлеге Иске Мичән авылында региональ юлларны яктырту эшләре төгәлләнде.
25 нче октябрь көнне Мичән авыл җирлеге депутаты Гараев Айзат Әхмәтгали улы Мичән төп мәктәбе укучылары белән очрашты. Ул 7-9 сыйныф, һәм 1-6 сыйныф укучылары өчен финанс грамоталылыгы буенча халык программасының "Үсеш икътисады" темасына дәрес үткәрде.
«Саба»ҖЧҖнең Мичән бригадасында кырларны көзге туңга сөрү эшләре дәвам итә. Механизаторларыбыз бу эшләрне башкарып чыгу өчен көчләрен кызганмыйлар.
Мичән авыл җирлеге Иске Мичән авылында региональ юлларны яктырту һәм юл халәкәте булдырмас өчен ООО “Төзелеш” оешмасы махсус программа нигезендә яктырту баганалары урнаштыра башлады.
Иске Мичән мәдәният йорты каршына авыл халкы, балалар иминлеге өчен тукталышта мәктәп автобусына һәм килгән машиналарга туктау өчен, асфальт юл түшәлде
Мичән авыл җирлеге биләмәсендә юл салу эшләре бу елга төгәлләнде.