ЯҢАЛЫКЛАР
Җаваплылыгы чикләнгән "Мичән" җәмгыятендә силоска кукуруз хәзерләү бара
Хуҗалыкта бу сусыл азык терлекләр рационында иң зур өлеш алып тора. Кукурузны кырлардан механизаторларыбыз югалтуларсыз алу өчен көчләрен кызганмыйлар.
Гражданнарның үзара салым акчасына Мичән авыл җирлегендә Керәнне, Иске Мичән авылларында юлга таш түшәлде. Бу эшләрне "Рамазан" оешмасы башкарды.
Мичән авыл җирлегенә кергән Керәнне, Иске Мичән, Яңа Мичән авылы мәдәният йортларында өлкәннәр көне
Районда узучы традицион чара - 50 һәм 60 ел бергә яшәүче парларның юбилейларына багышланган тантана уңаеннан Мичән урта мәктәбендә тарих һәм җәмгыять укытучысы булып эшләп лаеклы ялга чыккан Сафиуллин Ринат Ислам улы һәм аның тормыш иптәше күп еллар авыл фельдшеры булып эшләгән Тәгъзимә апаны Алтын туйлары белән тәбрикләп, Мичән авыл җирлеге башлыгы Гараев А.А, төп мәктәп директоры Шайхлисламов Б.Ф., авыл фельдшеры Зәйнетдинова Гөлшаһидә килделәр. Алар үзләренең иң изге теләкләрен җиткерделәр, район хакимиятенең бүләкләрен тапшырдылар. Шулай ук җитәкчелектән дә чәчәк, истәлекле бүләкләр тапшырылды.
Мичән авыл җирлегендә яна гаилә туды. Хайруллин Солтан һәм Ранияләрнең уллары көз башында Инсаф, Көек авылы кызы Гыйлемшина Динә белән яңа тормыш корып җибәрде. Бәхетле, матур тормыш телибез яшьләргә.
Яңа Мичән авылы Ленин урамы борылышына юлны ремонтлау дәвам итә. Тигезләп салынган таш юл өстнә асфальт түшәлде.
21 нче сентябрь көнне Мичән авыл җирлегендә «Татарстан кроссы-2024» чарасы үткәрелде. Бу республикабызның массакүләм спорт чарасы, аның максаты-яшь буынны һәм өлкән яшьтәге кешеләрне сәламәт яшәү рәвешенә җәлеп итү, шулай ук йөгерүне активлаштыру булып тора.
Мичән авыл жирлеге Яна Мичән авылы "Каенкай" балалар бакчасының калган өлешендә ПМК- 159 тарафыннан ремонт эшлэре дәвам итә.
«Саба»ҖЧҖнең Мичән бригадасында бәрәңге җыю эшләре башланып китте
Иске Мичән мәдәният йорты каршында ремонт эшләре башланып китте. Бу эшне Балтач районы МДСУ оешмасы башкара. Мәдәният йорты каршысындагы юл яңадан чистартылды, яраксыз ташлары алынды һәм ком салу эшләре башланды.