Шәмәрдән авыл җирлегендә "Автомобиль юлларын норматив хәлгә китерү" республика программасы буенча асфальт-бетон катлам җәю эшләре узды.

Шәмәрдән авыл җирлегендә үзара салым акчалары хисабына җирле әһәмияттәге автомобиль юлларын төзү эшләре узды. Эшне "Районара юл - төзелеш идарәсе-1"ҖЧҖ башкарды.

Шәмәрдән мәдәният йорты хезмәткәрләре «Җырлыйк әле» дип исемләнгән  шоу-программа оештырдылар. Караоке - шоу «Җырлыйк әле» - милли телевидение тарихында иң уңышлы һәм популяр проектларның берсе. Чара якты һәм күңелле номерлар белән узды. Программада барлык катнашучылар да халык җырларын, ретро җырларны бары тере музыкага гына башкардылар. Бу кичтә катнашучылар һәм тамашачылар шатлык, күңелле, күтәренке кәеф алдылар.

8 октябрьдә Шәмәрдән авыл җирлегендә авыл хуҗалыгы ярминкәсе узды. Шәмәрдән халкына ит, ашлык, бал, сөт продуктлары һ.б. кебек продуктлар тәкъдим ителде.

«Ильвина» ресторанында районыбызда гомер итүче Алтын парларны хөрмәтләү тантанасы узды. Шәмәрдән авыл җирлегеннән тугыз пар 50   һәм бер пар 60 ел бергә гомер итучеләр  тәбрикләнде.

«Шәмәрдән «Рост» лицееның 8нче сыйныф укучысы Валитова Ралина «Чиксез талантлар фестивален»дә катнашты һәм җиңүгә иреште.

Шәмәрдән авыл җирлегендә «Татарстан кроссы - 2022» массакүләм ярышы узды. Ярышларның тантаналы ачылышын Шәмәрдән авыл җирлеге башлыгы Гәрәев А.Н. үткәрде.. Барлык җиңүчеләрне һәм призерларны грамоталар һәм акчалата призлар белән бүләкләделәр, финишта иң яшь катнашучыларны истәлекле бүләкләр көттеләр.

      Шәмәрдән авыл җирлегендә хезмәт коллективларында үзара салымга кагылышлы халык җыеннары башланды. Җыеннар 24 оешма һәм учреждениедә үткәреләчәк.

Шәмәрдән авыл җирлегендә "МДСУ-1" ҖЧҖ белән төзелгән 5048299,00 сумлык контракт нигезендә җирле үзара салым чаралары хисабына әһәмияттәге автомобиль юлларын төзекләндерү эшләре бара.

1 сентябрь көнне Татарстан Республикасы Саба муниципаль районы Шәмәрдән лицеенда халыкара Белем көненә багышланган тантаналы линейка узды. Бәйрәмне традиция буенча лицей директоры Илфат Рөстәм улы Мөхәммәтов ачты. Беренче сыйныф укучыларына ТР Президенты Рөстәм Нургали улы исеменнән китаплар тапшырылды. Лицейда тагын бер зур вакыйга узды - «Юнармия» йорты ачылды.