ЯҢАЛЫКЛАР
По случаю 75-летия Победы в Великой Отечественной войне в Шеморданском СП были вручены юбилейные медали и подарочные пакеты вдовам участников ВОВ и ветеранам тыла.
2020 елның 1 мартында Кырбаш авылында "Киң Масленица"узды. Программада күңелле уеннар, җырлар, биюләр, конкурслар, карачкылар парады, театральләштерелгән тамаша, флешмоб бар иде. Бәйрәм бик күңелле үтте.
Ватанны саклаучылар көнендә армия сафларында хезмәт иткән яки сугыш елларында илне саклаган барлык ир-атларны һәм Ватанга хезмәт итәргә китәчәк егетләрне бәйрәм белән котлау матур традициягә әверелде. 23 февраль көнне Мичәнбаш авыл клубында “Мин бу дәрәҗәнең кадерен беләм” дип исемләнгән уен программасы оештырылды. Катнашучылар “Танышу”, “Нәфис сүз”, “Уңган хужа”, “Юмор остасы”, “Ситуация” турларында көч сынаштылар. Чара дискотека белән тәмамланды.
23 февральдә без, гадәттәгечә, Ватанны саклаучылар көнен, россиялеләр календаренда иң мөһим бәйрәмнәрнең берсе буларак билгеләп үтәбез. Бу сугыш һәм кайгы-хәсрәт вакытында илне саклаган солдатларны һәм сугышчыларны олылау көне генә түгел, ә истәлекле дата үзенчәлекле «барлык ир-атлар көне»нә әверелде. Бу максаттан, Т.Нәҗмиев исемендәге Шәмәрдән авыл китапханәсе яшләр өчен брейн-ринг уздырды. Катнашучылар булып яшь егетләр чыкты, алар үзләренең җитезлекләрен һәм зирәклекләрен күрсәтергә тиешләр иде. Аларга викторина сорауларына җавап бирергә, җаваплар тизлегендә ярышырга, интеллектуаль сынаулар узарга туры килде. Безнең ир-атлар мондый игътибарга бик шат иде. Очрашу күңелле нотада узды.
6 нче февраль көнне Шәмәрдән авыл җирлегендә җыен узды. Җыенда Саба муниципаль районы башлыгы Р.Н. Минниханов, район башлыгы урынбасары Р.Р. Закирзянов, Саба муниципал районы Башкарма комитеты җитэкчесе Ишниязов М.Р., хокук саклау органнары вәкилләре, оешма-предприятия җитәкчеләре һәм вәкилләре катнашты.
Шәмәрдән авылында яшәүче Гөлбану Гайфи кызы Филипповага - 90 яшь.
Юбилярны социаль яклау бүлеге җитәкчесе Марсель Хуҗин, Шәмәрдән авыл җирлеге башлыгы Айдар Гәрәев тәбрикләделәр.
10 февраль көнне Шәмәрдән балалар китапханәсе «Салават күпере» балалар бакчасында тәрбияләнүчеләр өчен, Петр I тууына 350 ел тулу уңаеннан, әйләнә-тирә дөньяга карата кызыксыну уяту һәм илебезнең үткәне өчен горурлык хисе тәрбияләү максатыннан, «Россиянең бөек исемнәре: Петр Беренче»дип исемләнгән мәгълүмати сәгать үткәрде. Чара барышында китапханәче Зарипова И.Х. балаларга Петр I тормышы, аның балачагы, илебезгә керткән үзгәрешләре турында сөйләде. Бу теманы ачарга «Петр I Бөек»презентациясе ярдәм итте. Шулай ук, Петр Беренченең Россия флотына һәм Санкт-Петербург шәһәренә нигез салу тарихы турында да кызыклы сөйләшү уздырылды.
7 февраль көнне Шәмәрдән балалар китапханәсе “Салават күпере” балалар бакчасында тәрбияләнүче мәктәпкә әзерлек төркеменә йөрүче сабыйларга “Дети на войне” дип аталган мәгълүмат сәгате уздырды. Чараның максаты – үсеп килүче буында Ватанга карата мәхәббәт, горурлык хисе тәрбияләү; тыныч-имин көннәрнең, дуслыкның кадерен белергә өйрәтү иде. Чара барышында китапханәче Зарипова И.Х. балаларга Бөек Ватан сугышының ничек башлануы, сугышта балаларның күрсәткән батырлыклары, аларның күргән авырлыклары турында сөйләде, презентация күрсәтте. Чара азагында сугыш чорын чагылдырган мультфильмнар: «Солдатская сказка», «Василёк», «Воспоминание» күрсәтелде.
1 нче февраль көнне Шәмәрдән авыл җирлегендә чангы шуу эстафетасы узды. Эстафетада Шәмәрдән җирлеге предприятие, оешма хезмәткәрләре катнашты. Җиңучеләр грамота һәм акчалата бүләкләнделәр.
2020 елнын 27 гыйнварында Шәмәрдән лицеенда Ленинград блокадасына багышланган тарихи квест узды. Уен барышында катнашучылар Морзе әлифбасы, Ленинград блокадасы батырлары белән таныштылар, төрле башваткычлар чиштеләр. Командалар диплом белән бүләкләнделәр.