ЯҢАЛЫКЛАР

19 октябрь көнне Шәмәрдән мәдәният йорты каршында эшләп килүче «Тулган ай» фольклор коллективы «Балкыш» социаль-тернәкләндерү үзәгендә ял итүчеләр өчен «Ә җырларым һаман яшь килеш» дигән хәйрия концерты үткәрде. Концерт программасы якты һәм бай булды. Программа гармун астында халык җырлары, матур шигырьләр, скетч белән алып барылды. Җырлар төрле телләрдә яңгырады. Ахырда ял итүчеләр әлеге чараны оештыручыларга рәхмәт белдерделәр. 

Миндюш тимер юл разъездында авария хәлендәге торакны сүтү эшләре бара. Эшләрне «Шеморданский МПП ЖКХ»АҖ алып бара.

Шәмәрдән авыл җирлегендә юл буендагы канауларны чистарту эшләре бара. Түбәләрне тыгыннардан һәм чүп-чардан чистарту үткәрелә. Эшләрне «Шәмәрдән МПП ЖКХ» АҖ алып бара.

6 октябрьдә Шәмәрдән мәдәният йортында «Мәүлид» бәйрәм ае уңаеннан мөселман кичәсе узды, анда тамашачыларга әхлакый - рухи юнәлештәге дин белеме әдәбияты турында сөйләделәр. Кичә авылның җирле мәчетләре, Дагыстан һәм Казан шәһәреннән килгән кунаклар белән берлектә оештырылды.

14 октябрьдә  ир-атлар һәм хатын-кызлар командалары арасында «Татарстан Яңа гасыр " призына волейбол буенча ярышлар узды.  Саба районы чемпион булды. Ир-атлар һәм хатын-кызлар җыелма командаларын җиңүләре белән котлыйбыз.

Шәмәрдән авыл җирлегендә Ленин урамы буенча үзара салым акчалары хисабына юл эшләре алып барыла. Эшләрне «МДСУ-1» ҖЧҖ алып бара. 

5 октябрь көнне Шәмәрдән мәдәният йорты каршында эшләп килүче «Тулган ай» фольклор коллективы Халыкара өлкәннәр көне уңаеннан «Саба дулкыннары» радиокомпаниясенең туры эфирында чыгыш ясады.

Чараның "Без тарихта эз­лебез" дип исемләнүе дә Шә­мәрдәнне бүгенге биек­леккә күтәрү өчен көчен, тырышлыгын, иҗат-сәләтен биргән өлкәннәрне хөрмәтләү, аларны тарих буйлап сәяхәткә алып чыгу, хәтерне яңартуга юнәлтелгән иде. Үткәннәрдән бүгенгене тоташтыручы тарихи-музыкаль чара чын мәгъ­нәсендә дулкынландыргыч, өлкән буынның күңел кылларын да кузгатты, елатты, елмайтты, берничә мизгелгә булса да яшьлекләренә кайтарды. Мәдәният йортының фойесыннан ук тарихи яд­карьләр күргәзмәсе эшләп, һәркемне үткәннәргә алып кайтты. Совет заманы кибете дә сатып алучыларны мул киштәләре белән каршы алды.
 

Шәмәрдән авыл җирлеге башлыгы Вәлиев Альберт Кавиевич һәм Башкарма комитет хезмәткәрләре Халыкара өлкәннәр көне белән үзләренең пенсионерларын котладылар.

Байлар Сабасының "Ильвина" ресторанында 50 һәм 60 яшьлек парларның "Алтын һәм бриллиант" юбилейларына багышланган традицион чара - тантана узды. Шәмәрдән авыл җирлегеннән бу чарада 6 пар катнашты. Аларны бергә яшәүнең бу искиткеч даталары белән котлыйбыз.