ЯҢАЛЫКЛАР

Шәмәрдән авыл җирлегендә Сабантуй бәйрәменә әзерлек дәвам итә. Авыл халкы «Бирнә» җыенын оештырып,  балалар Сабантуен уздырды. 

1 июнь көнне мәктәп стадионында Халыкара балаларны яклау көненә багышланган «Детство – это ты и я»  балалар Сабантуе узды. Чараны Шәмәрдән мәдәният йорты хезмәткәрләре, китапханәләре, «Яшьлек» яшьләр үзәге һәм «Хөснулла исемендәге Саба балалар сәнгать мәктәбе»нең Шәмәрдән филиалы катнашучылары белән берлектә оештырды. Сабантуйны Шәмәрдән авыл җирлеге  башлыгы А.К.Вәлиев һәм «Яшьлек» яшьләр үзәге директоры Д.К.Маканов чыгышларыннан башланды. Чара башында йөгерү бәйгеләре узды. Бәйрәм кунаклары өчен зур бәйрәм программасы әзерләнде. Балалар төрле уеннарда һәм конкурсларда бик теләп катнаштылар, капчыкларда оста сикерделәр, авызларына кашык кабып йөгерделәр, чүлмәк ваттылар һәм башка күп уеннарда активлык күрсәттеләр. Балалар ярышларның һәр төрендә дә катнаштылар, бүләкләр алдылар. Бәйрәм программасы концерт номерлары белән алып барылды.

Шәмәрдән авыл җирлегендә милли Сабантуй бәйрәме узачак урман аланында әзерлек эшләре бара.

Шәмәрдән балалар бакчасы "Салават күпере"   коллективы Бирнә җыенында актив катнашты.

Шәмәрдән авыл җирлеге Сабантуй бәйрәменә әзерләнә. Предприятиеләр һәм оешмалар "Бирнэ"җыенында актив катнашалар. 

Татарстан Республикасы Саба муниципаль районы Шәмәрдән авыл җирлеген төзекләндерү кагыйдәләре нигезендә, җирлек территориясендә үлән чабу эшләре бара. Эшләрне "Шәмәрдән МПП ТКХ" ААҖ алып бара.

Шәмәрдән авыл җирлегенең Мичанбаш авылында су белән таәмин итү буенча эшләр бара. Эшләрне "Шәмәрдәнстрой" ҖЧҖ алып бара. 

Шәмәрдән авыл җирлеге зиратында өмә узды.  

Шәмәрдән авыл җирлегендә Төзүчеләр урамы 7, 8 нче номерлы йортлар ишегалларында "Безнең ишегалды" программасы буенча территорияне төзекләндерү эшләре башланды.

2023 елның 12-14 маенда Казан шәһәрендә Яшүсмерләр арасында мәктәп волейбол лигасы финалы узды. Шемордан авыл җирлеге  җыелма командасы 3 урынны яулады. Җиңүчеләрне  котлыйбыз һәм алга таба да уңышлар телибез!