ЯҢАЛЫКЛАР

5 август көнне Миңгәр авылында  бишенче ел рәттән Миннахметов Мидхәт Миннәхмәт улы һәм Миннахметов Ирек Җәүдәт улы истәлегенә шахмат, шашка буенча турнир оештырылды.  Турнирда алты районнан килгән спортсменнар көч сынашты: Әтнә, Саба, Теләче, Кукмара, Балтач, Мамадыш. Турнир азагында җиңүчеләргә диплом һәм медальләр тапшырылды.

Җәй-иҗат, фантазияләрне  активлаштыру вакыты. 2 августта Кызыл-Мишә авыл китапханәсендә " Ах, җәй!" дигән исем астында танып белү бәйгесе үткәрелде. Башта балалар китапханәче белән  бергә шигырьләр укыдылар, җәйге викторина сорауларын күңелле һәм бердәм чиштеләр. Аннары  асфальтта рәсемнәр конкурсында катнаштылар. Алар үз рәсемнәрендә җәйге матурлыкны тасвирладылар. Һәрбер рәсем үзенчә кызыклы иде.

2020 елдан башлап Татарстанда "Авыл территорияләрен комплекслы үстерү"дәүләт программасы гамәлгә ашырыла. Программа, аерым алганда, авыл халкын үтемле һәм уңайлы торак белән тәэмин итү өчен шартлар тудыруны, кадрлар потенциалын үстерүне, инфраструктураны булдыру һәм үстерү һ. б. күздә тота.

Программада авыл җирендә даими яшәүче, яшәү урыны буенча мәҗбүри теркәлүче һәм оешма эшчәнлеге өлкәсенә бәйле рәвештә бер елдан да ким булмаган авыл җирлегендә эшләүче гаилә яки РФ гражданы катнаша ала.

Субсидия күләме федераль һәм республика бюджетлары акчалары хисабына торак бәясенең 80 % ын тәшкил итә.  Җирле бюджет акчалары һәм (яки) эш бирүче – кимендә 20 % (җирле бюджет 1%+ эш бирүче 19%).

Төзелгән торак эш бирүченең финанс катнашында муниципаль милеккә яки уртак (җирле үзидарә органына һәм эш бирүчегә) рәсмиләштерелә һәм гражданга найм шартларында файдалануга тапшырыла.

Шәхес хезмәт килешүе буенча 5 ел эшләгәннән соң, тиешле эш бирүче белән торак урынын исәп – хисап бәясенең 10% тан артмаган бәядән, ә 10 ел узгач-1% тан артмаган бәядән сатып алырга хокуклы.

     Бүгенге көндә Тимершык авыл җирлегендә дә шушы программага нигезләнеп 5 йорт төзелеше алып барыла.

Тимершык авыл җирлегендә территорияне төзекләндерү эшләре дәвам итә. Үләннәрне чабу эшен «Тимершык урта гомуми белем бирү мәктәбе» МББУ укучылары башкара.

Тимершык авылы Березовая урамына, ЩПС Республика программасы нигезендә, каты өслекле юл җәю һәм су агу өчен күпер ролен башкаручы торба салынды. Хәзерге вакытта торбаларның терәк конструкцияләрен урнаштыру буенча эшләр алып барыла. Эшне “МДСУ -1” Балтач ҖЧҖ оешмасы башкара.

Гражданнарның үзара салым программасы буенча зират территориясен Сабай торак пунктында агачлардан һәм куаклардан чистарту үткәрелде. Бу программага читтә яшәүче авылдашлар да үз өлешләрен кертә. Бу эшне киләсе елларда да дәвам итәчәкбез.

Балыкчы көне-балыкчыларның һөнәри бәйрәме, аны җәйге чорның иң күңелле бәйрәмнәренең берсе дип атарга була. Балыкчылар көне кысаларында, 11 июльдә Кызыл-Мишә авыл мәдәният йорты хезмәткәрләре балалар белән балык тоту оештырдылар. Барлык балыкчыларга да балык тоту бәхете елмаймады. Шулай да балалар канәгать калды.

Урам яктырту тормышны уңайлырак итә һәм кешеләрнең куркынычсызлыгын арттыра. Электр энергиясен куллану буенча иң нәтиҗәлеләре – заманча светодиодлы лампалар. Мондый яктылык чыганакларын куллану энергия куллануны һәм эксплуатация чыгымнарын киметү хисабына электр энергиясе өчен түләү чыгымнарын киметергә мөмкинлек бирәчәк.

   Тимершык, Сабай торак пунктларында авыл урамнарын кичке яктырту өчен 25 данә светодиодлы лампа урнаштырылган. Торак территориясендә 203 светодиодлы яктырткыч бар. Соңгы 3 елда Республика программасына ярашлы рәвештә, болар барысы да яңа лампаларга алыштырылды, бу бюджетны шактый экономияләргә мөмкинлек бирде.

Соңгы  ике елда Тимершык, Көек торак пунктларында су системасын яңарту, яңа барлыкка килгән урамнарга яңа су торбалары сузу, пожар куркынычсызлыгын тәэмин итү өчен гидрантлар урнаштыру, су саклагыч мәйданнарын койма белән әйләндереп алу эшләре алып барылды. Бу күләмле эшләрне Республика программасы кысаларында АҖ “Саба районы ТКХ Шәмәрдән МПП” оешмасы башкарып чыкты.

«Тимершык урта гомуми белем бирү мәктәбе» МББУ укучылары Тимершык авыл җирлеге территориясендә җәмәгать территорияләренең һәм урамнарының тиешле санитар һәм эстетик торышын саклау өчен үлән чабу эшләрен дәвам итәләр.⠀Үлән чабу аның үсеш чоры дәвамында сезонга берничә тапкыр даими узачак.