ЯҢАЛЫКЛАР

13 февраль көнне Кызыл-Мишә авыл китапханәсендә мәдәният йорты хезмәткәрләре белән берлектә язучы, халык шагыйре Фәнис Яруллинның тууына 85-ел тулуга багышланган әдәби сәгать узды. Чара барышында китапханәче язучының тормышы һәм иҗаты белән таныштырды. Фәнис Яруллин - батырлык һәм фидакарьлек үрнәге. Аның татар әдәбиятына керткән өлеше гаять зур. Чара ахырында шагыйрьнең шигырьләрен укыдылар. Китап күргәзмәсенә күзәтү ясалды.

Гашыйклар көне - төрле яшьтәге кешеләрнең яраткан бәйрәме. 11 февральдә Кызыл-Мишә мәдәният йорты һәм китапханә, Мингәр һәм Сабай авыл клублары хезмэткәрләре яшьләр өчен күңел ачу чарасы оештырдылар. Оештыручылар мәзәкләр күңелле конкурс һәм уеннардан торган программа әзерләгәннәр иде. Конкурс йомгаклары буенча иң актив катнашучылар сайлап алынды. Бу кич барлык кешеләргә бик күп уңай эмоцияләр бирде.

Кызыл-Мишә мәдәният йорты һәм китапханә хезмәткәрләре «Кояш фонында ак барс» дип аталган тарих дәресе үткәрделәр. Катнашучылар Татарстан Республикасы Гербының тарихы, аның гасырлар дәвамында торгызылуы, Дәүләт символының хәзерге төре 1992 елның 7 февралендә Татарстан Республикасы Югары Советы карары белән раслануы, шулай ук гербның сурәте һәм төсе безнең республика халкы өчен үз символик мәгънәгә ия һәм билгеле бер илчелеккә ия булуы турында белделәр. Китапханәче герб авторлары турында сөйләде. «Татарстан Республикасы символлары» презентациясе күрсәтелде.

Тимершык мәдәният йортында Файзрахман Камалның  “Заманча сәнгать музее» дип исемләнгән кул эшләре күргәзмәсе һәм үзъмәшгүл-иҗатчы авылдашыбыз Габтрахимов Маратның күргәзмәләре халыкка куеп күрсәтелде.

 3 февраль көнне  Тимершык авыл җирлегенең отчет җыены булып узды. Җыенда Саба муниципаль районы Башлыгы урынбасары Р.Р. Закирҗанов, хокук саклау органнары вәкилләре, оешма җитәкчеләре  катнашты. Җыелыш башында «Татмедиа» АҖ һәм «Саба дулкыннары» АҖ әзерләгән видеоматериаллар каралды. Җыенның көн тәртибе түбәндәгечә булды:

1.Участок вәкаләтлесе Гатин Марат Мөрсалим улының  чыгышы.

2. Саба һәм Теләче районнары буенча янгын күзәтчелеге бүлеге җитәкчесе Галимуллин Айнур Рифкат улы чыгышы.

3.  Курса урман участогы вәкиле Гилазов Ф.Т урманнарда янгын куркынычсызлыгын тәэмин итү өчен кирәкле чаралар күрү буенча чыгышы.

4.Тимершык авыл җирлегендә урнашкан бюджет оешмаларының 2022 елда эшләгән эшләренә еллык отчеты һәм  2023 елга планнары.

5. Тимершык  авыл җирлеге башлыгы  А.Х.Хазиевның 2022 елда эшләгэн эшләргә еллык отчеты һәм 2023 елда эшләнергә тиешле эшләр һәм планнар белән таныштыруы.

6. 2022 елда гражданнар җыелышында әйтелгән тәкъдимнәрне, үтенечләрне һәм теләкләрне үтәү буенча отчет һәм 2023 елда гражданнарның тәкъдимнәрен һәм сорауларына җаваплар.

7. Җыелышка Саба муниципаль районы Башлыгы урынбасары Р.Р. Закирҗанов чыгышы белән йомгак ясады. Район башлыгы урынбасары муниципаль район территориясендә максатчан программаларны гамәлгә ашыру, районда икътисади, демографик һәм иҗтимагый-сәяси вәзгыять, 2022 елда башкарылган эшләр, 2023 елга планнар турында җентекләп сөйләде.

Укытучы һөнәренә караганда җаваплырак һәм кызыклырак һөнәр юк. Укытучы эше-сорауларга җавап эзләү, үзеңне мәңгелек камилләштерү, укыту белән бәйле эш һәрвакыт иң катлаулы һәм шул ук вакытта мактаулы чараларның берсе булып саналды.

2023 ел Россиядә педагог һәм остаз елы дип игълан ителде, шуның хөрмәтенә 31 гыйнварда Кызыл-Мишә мәдәният йорты һәм китапханә хезмәткәрләре балалар өчен «Зур тәнәфес» дип исемләнгән уен программасын үткәрделәр. Уен программасы вакытында балалар бик теләп мавыктыргыч уеннарда һәм биремнәрдә катнаштылар. Бик күп кызыклы конкурслар һәм уеннар белән тулган программа бер баланы да битараф калдырмады. Чара бик күңелле узды.

28 гыйнварда Кызыл-Мишә мәдәният йорты һәм китапханә хезмәткәрләре Халыкара студентлар көне уңаеннан “Студент тырышып укый, күңелсезләнеп  утырырга вакыты юк аның!” дип исемләнгән бәйрәм кичәсе уздырылды.

Чараның башлануы бәйрәмнең тарихы һәм аның традицияләре белән танышу булды. Аннан соң күңелле, мавыктыргыч конкурслар, уеннар узды.Чарада студентлар һәм булачак студентлар катнашты. Яшьләр һәр биремне зур кызыксыну һәм иҗади якын килү белән башкардылар, үзләренең тапкырлыкларын һәм җитезлекләрен күрсәттеләр. Кичә юмор, көлү, елмаю, яхшы кәеф атмосферасында үтте һәм бәйрәм дискотекасы белән тәмамланды.

2023 елның 29 гыйнвар көнне Тимершык авылы бозында хоккей буенча Саба район чемпионатының чираттагы уеннары уздырылды. Ярышта “Тимершык”, “Ястреб”, “Эзмә”  командалары көч сынашты.

Уен нәтиҗәләре:

“Тимершык” – “Эзмә”        6:0

“Тимершык” – “Ястреб”     8:2

Балалар шагыйре һәм язучысы Әминә Бикчәнтәеваның  110-ел тулу уңаеннан 26 гыйнварда Кызыл-Мишә авыл китапханәсендә  мәдәният йорты хезмәткәрләре белән берлектә "Балалар әдәбиятының дәү әнисе" дигән  чара уздырдылар. Чара укучыларны шагыйрәнең иҗатына җәлеп итүгә юнәлдерелгән иде. Башта китапханәче балаларны язучының иҗаты белән таныштырды, соңыннан балалар юбиляр-авторның шигырьләрен укыдылар.

25 гыйнварда Россиядә  «Студентлар көне» (Татьяна көне) билгеләп үтелә. Ул РФ Президентының 2005 елның 25 гыйнварындагы 76 номерлы Указы белән рәсми рәвештә билгеләнгән. 21 гыйнвар көнне Тимершык урта мәктәбе укытучылары яшьләр һәм студентлар белән «Студентлар көне» дип исемләнгән очрашу кичә үткәрделәр. Очрашу әңгәмә нигезендә концерт номерлары белән үрелеп барды.