ЯҢАЛЫКЛАР

Тимершык авылында халык мөрәҗәгатьләренә нигезләнеп "Әрәкә" чишмәсенә елгасы аша җәяүлеләр чыгу өчен күпер ремонтланды. 

Тимершык авыл җирлеге буенча көндәлек тирә-якны төзекләндерү буенча максатчан эшләр башкарылып тора. Шул максаттан чыгып җәйге чорда җирлек территориясен җыештыру, печән чабу эшләре алып барыла.  

12 июнь көнне тантаналы милли бәйрәм – Россия көне. Бу үзенчәлекле дата Россия Федерациясе өчен горурлык көне. Мингәр авыл китапханәсендә клуб хезмәткәре белән берлектә " Россия – Ватаным минем!» дип исемләнгән тарих сәгате һәм викторина үткәрелде. Китапханәче " Россия көне белән!» дип исемләнгән күргәзмә белән таныштырды.

8  июнь конне  Тимершык  авыл жирлегендә милли бәйрәмебез «Сабантуй – 2019»  булып узды. Бәйрәм үзешчән артистлар чыгышлары белән башланып китте  һәм сабантуеның милли уеннары белән дәвам итте.  Бәйрәм бик күңелле булды, кунаклар бик күп кайткан иде. Халык төрле уеннарда катнашты, бүләкләр алдылар. Көрәшнең төп батыры Сабантуй батыры булып Югары Симет авылы егете Закиров Данис Ридаил улы  калды.

Балтачның "МДСУ-1"  ҖЧҖ хезмәткәрләре Тимершык авылында Комаров урамы буенча "ТР җирле әһәмияттәге гомуми файдаланудагы юлларында юл эшләре" программасы буенча юлларны ремонтлыйлар (юл фонды). Юлларны ремонтлау озынлыгы-500 м.

Тимершык авыл җирлегендә көндәлек тирә-якны төзекләндерү, хезмәт күрсәтү, төрле чараларда катнашу буенча максатчан эш алып барыла. Көек авылында республика программасына нигезләнеп яңа күпер, җәяүлеләр өчен тротуар төзү эшләре тәмамланды.

Яз җитеп яшел чирәм чыга башлау белән авылларда хуҗалык маллары көтүгә чыга башлый. Тимершык авыл җирлегендә шул уңайдан халык белән очрашып җыелышлар үткәрелде. Быел көнүзәк мәсьәлә булып көтүлекләргә электрон көтүче җайланмасы көйләп, көтүчеләрнең эшен җайлаштыру мәсьәләсе, көтү чыгар өчен Мишә елгасы аша вакытлыча күпер эшләү мәсьәләләре күтәрелде.

        2019 нче елның 25 нче маенда Тимершык урта мәктәбендә 2019 нче елның чыгарылыш укучыларына багышланган “Соңгы кыңгырау” бәйрәме үткәрелде.  11 нчы сыйныф укукчылары мәктәп белән саубуллаштылар.

        Сәламләү һәм котлау сүзләре белән мәктәп директоры Галимов Ильфат Рафинад улы бәйрәм тантанасын ачып җибәрде. Бәйрәмдә район башкарма комитетының икътисади эшләр бүлеге урынбасары Багманов Марат Мансур улының, район мәгариф хезмәткәрләренең профсоюз бүлеге җитәкчесе Шамсевалиева Айгөл Марат кызының, Тимершык авыл җирлеге башлыгы Хаҗиев Айдар Ханифулла улының, ООО “Саба”ның Тимершык бригадасы җитәкчесе Шаймарданов Раил Рафыйк улының, Кызыл-Мишә авылы имамы  Мөхәмәтҗанов Дамир Вакыйф улының котлау сүзләре яңгырады. Алар чыгарылыш сыйныф укучыларына имтиханнарны яхшы билгеләргә тапшырып, үзләре теләгән уку йортларына керүләрен теләделәр.

17 май көнне Тимершык авылы мәчетендә Ифтар ашы булып узды. Чараны авылыбыз эшмәкәре Ибрагимов Ильмир оештырды. Халыкны очраштырып күрештергәне өчен аңа рәхмәтебезне белдерәбез һәм кылган ниятләренең савабын алуын телибез.

СССРда 19 майда һәрвакыт Пионерия көне билгеләп үтелә иде. Без барыбыз да, пионер отряды җыенында ачык тавыш бирү юлы белән пионерга кабул иткәннәрен хәтерлибез. Пионер линейкасында Советлар Союзы пионерларының тантаналы вәгъдәсен бирә идек һәм шуннан соң өлкән пионервожатый безгә кызыл пионер галстугы һәм пионер значогы тапшыра иде. Ул вакытта пионерга алу һәркем өчен бик мөһим вакыйга иде. 19 май көнне Кызыл Мишә мәдәният йортында элеккеге пионервожатый Галимова Т. Г. белән очрашу булып узды. Тайфә Габдрахмановна  26 ел Тимершык урта мәктәбендә өлкән пионервожатый булып эшләде.  Үзенең истәлекләрендә ул бик күп кызыклы нәрсәләр сөйләде.   Балалар белән төрле уеннар оештырды. Балаларның  аның белән тиз генә аерылышасылары  килмәде.