ЯҢАЛЫКЛАР

20 октярь көнне Тимершык авылы мәдәният йортында Тимершык урта мәктәбе балалары өчен, Сатыш авылы имам-хатыйбы, Саба Мөхтәсибәтенең яшьләр эшләре буенча ярдәмчесе Алмаз хәзрәт Галимҗанов катнашында тәрбия сәгате үтте.

     Укучыларга ислам дине нигезләренең асылын аңлатып вәгазь сөйләнде. Укучылар кызыксындырган сорауларга җаваплар алдылар.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечәр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Тимершык авылында белгечләр өчен чираттагы йорт төзелде.

     “Тимершык урта мәктәбе”МБМУ  махсус хәрби операциядә катнашучылар өчен гуманитар ярдәм җыйдылар. Посылкалар белән бергә укучылар шулай ук солдатларга хатлар тапшыралар, аларда җиңүләрен һәм тизрәк туганнары һәм якыннары янына кайтуларын теләп, аларга рәхмәтләрен белдерәләр.

     Укучылар аларның хезмәте һәм тырышлыгы Россия хәрбиләренә ышаныч һәм ярдәм китерә дип ышана, бу аларга җиңүгә ирешү өчен мотивация һәм көч бирә.

1 октябрь көнне һәр елны Халыкара өлкәннәр көне билгеләп үтелә. Тимершык авыл җирлегенә кергән Тимершык, Кызыл-Мишә, Көек һәм Сабай авылларында Өлкәннәр көненә багышланган бәйрәм концерты уздырылды. Катнашучылар әбиләрне һәм бабайларны шигырьләр, җырлар һәм биюләр белән котладылар. Концерт номерлары кәефне күтәреп кенә калмады, өлкән буын кешеләрен яшьлекләренә дә алып кайтты. Бу матур бәйрәм өлкән буын вәкилләренә очрашу һәм ял итү мөмкинлеге бирә. Бәйрәм чәй өстәле артында дәвам итте.

    Республиканың  авыл җирлекләрен комплекслы үстерү программасы буенча Тимершык авылы юлларына вак таш һәм асфальт белән ремонт эшләре башланып китте. Эшне сыйфатлы итеп “Рамазан” ҖЧҖ  башкара.

Сабай авыл клубында ремонт эшләре бара. Клуб тышкы яктан калай белән тышлана, пластик тәрәзәләр куела, су кертү һәм туалет кую эшләре башкарыла. Ремонт эшләрен «ПМК -159» ҖЧҖ башкара.

Тимершык урта мәктәбендә «Экстремизмга - Юк!» айлык кысаларында полиция участок уполномоченные Гатин Марат Мөрсәлим улы белән очрашу оештырылды. Мәктәп укучылары мәктәптә һәм өйдә, юлларда һәм транспортта үтәлергә тиешле куркынычсызлык кагыйдәләре, гадәттән тыш хәлләр, шул исәптән кешеләр күпләп була торган урыннарда, куркыныч янаганда һәм килеп чыкканда, шулай ук мәктәптә янгын чыгу һәм янгын куркынычы булганда адекват гамәлләр белән таныштылар. Укучыларга җәмәгать тәртибен саклау буенча төп кагыйдәләр җиткерелде.

Тимершык урта мәктәбендә Бөтендөнья беренче ярдәм күрсәтү көненә багышланган беренче ярдәм дәресе үтте. «Беренче ярдәм " бөтенроссия проекты беренчеләр хәрәкәтен тормышка ашыра.

Дәрес барышында 6 Б сыйныф укучылары беренче ярдәмне ничек дөрес күрсәтергә, йөрәк-үпкә реанимациясенә ничек дөрес керешергә һәм зыян күрүчене аңында ничек дөрес билгеләргә икәнен белделәр, һәм гади гамәлләрнең кешенең сәламәтлеген, ә кайчакта гомерен дә саклап кала алуы турында кызыклы мәгълүматлар да күп әле!

Авылыбыз фельдшеры Галимҗанова А.М. укучылар өчен файдалы мастер-класс үткәрде. Аңа зур рәхмәт!

Балалар барысы да канәгать калдылар һәм үзләре өчен бик күп яңалыклар белделәр.

Тимершык урта мәктәбендә куркынычсызлык айлыгы кысаларында полиция участок уполномоченные Гатин Марат Мөрсәлим улы белән очрашу оештырылды. Мәктәп укучылары мәктәптә һәм өйдә, юлларда һәм транспортта үтәлергә тиешле куркынычсызлык кагыйдәләре, гадәттән тыш хәлләр, шул исәптән кешеләр күпләп була торган урыннарда, һәм шулай ук мәктәптә янгын куркынычы һәм янаулар вакытында адекват гамәлләр белән таныштылар. Укучыларга җәмәгать тәртибен саклау буенча төп кагыйдәләр җиткерелде.

Саба районың  авыл җирлекләрендә  яшь белгечләрне тораклы итү һәм авыл җиренә  квалификацияле белгечәр тарту максатыннан Республика күләм “Яшь белгечләргә аренда торагы” программасы кысаларында йортлар төзелеше дәвам итә. Тимершык авылында белгечләр өчен чираттагы йортлар төзелә.