ЯҢАЛЫКЛАР

      Яңа ел рухы Байлар Сабасы бистәсендә көннән-көн ныграк сизелә. 

   2019 нчы елның 1 нче декабрендә, Саба шәһәр җирлеге биләмәсендә, гражданнардан үзара салым акчасы җыю һәм аны куллану буенча җирле референдум уздырылды.

Саба шәһәр җирлеге буенча ел дәвамында киң колачлы төзелеш эшләре алып барыла, яңа объектлар файдалануга тапшырыла. Мондый эшләрне башкаруда ел саен үткәрелүче референдум нәтиҗәсендә җыелган финанс чыганаклары да зур роль уйный. Мәсәлән, 2019нчы ел өчен җыелган референдум акчалары хисабына түбәндәге эшләр башкарылды:

1. Байлар Сабасы шәһәр тибындагы бистәдә автомобильләр һәм җәяүлеләр күперләрен төзәтү (төзү) - 4 617 546,7 сумлык;
2. Байлар Сабасы шәһәр тибындагы бистәдә һәйкәлләрне төзәтү - 2 826 800 сумлык;
3. Байлар Сабасы шәһәр тибындагы бистәнең урам юлларын вак таш белән түшәү -  1 671 739,90 сумлык;
4. Байлар Сабасы шәһәр тибындагы бистәнең тротуарларын һәм су агу улакларын төзәтү (төзү) - 1 041 913,40 сумлык.

    Район үзәге булган Байлар Сабасының үзәк урамнары гына тәртипкә китерелеп калмый, башка участоклар да күз уңыннан төшеп калмый. 

Байлар Сабасы бистәсендә аның йөзен матурлау буенча зур күләмле эш алып барыла. 

      Байлар Сабасының Тукай урамында урнашкан мәдәният һәм ял паркында мини-гольф уены өчен мәйданчык кулланылышка тапшырылды. 

   Байлар Сабасы бистәсенең З.Йосыпов урамында,  җәяүлеләр урамы дип аталучы өлешендә, су агу улакларын төзәтү эше башланды. 

   Бистәдә яшәүче халыкның яшәү шартларын уңайлы итү  белән беррәттән, аның йөзен матурландыру өстендә дә эш алып барыла.

    Байлар Сабасының Тукай урамында урнашкан мәдәният һәм ял паркында  гаилә белән ял итәр өчен бөтен мөмкинлекләр тудырылган.

   Күренекле рус язучысы Федор Достоевскийның «Дөньяны матурлык коткарыр!» дигән канатлы сүзләрен белмәгән кеше юктыр. Тормыш агымына ияреп, кайвакыт туктап бер тын алырга, тирә-як матурлыгына хозурланып, башкалар тудырган матурлыкка сокланырга да вакыт таба алмыйбыз.