ЯҢАЛЫКЛАР

Яр Чаллы шәһәрендәге «Изгелек» инвалидларны тернәкләндерү үзәгенең спорт мәйданчыгында физик һәм психик тайпылышлары булган яшьләр өчен Махсус Олимпиада кысаларында «Футбол – спорт уены» чарасы уздырылды. Ул сәламәт яшәү рәвешен пропагандалауга юнәлдерелгән.

5 октябрьдә Яр Чаллы шәһәренең «Изгелек» инвалидларны тернәкләндерү үзәге базасында өлкәннәр арасында спорт-күңел ачу стартлары узды. Чараның максатлары: сәламәт яшәү рәвешен пропагандалау, өлкән яшьтәге кешеләрне физик культура белән актив шөгыльләнүгә җәлеп итү.

«Игелек кафедрасы» проектын тормышка ашыру кысаларында, «Татнефть» хәйрия фонды ярдәме белән Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә сәламәт яшәү рәвешен формалаштыруга һәм балаларны спорт белән системалы шөгыльләнүгә җәлеп итүгә юнәлдерелгән чара уздырылды.

22 сентябрьдә Казанда «Корпорацияләр кроссы» узды. Чараны республикада инде өченче тапкыр үткәрәләр. Марафонда катнашучылар төрле катлаулылыктагы 14 киртә белән 3 км озынлыктагы дистанцияне үттеләр.

Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә социаль хезмәтләр алучыларның спорт ялы оештырылды. Чараның максатлары балаларның рекреацион күнекмәләрен үстерү, сәламәт яшәү рәвешен формалаштыру, уртак уен барышында уңай эмоциональ кәеф булдыру иде.

16 сентябрьдә Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәге хезмәткәрләре «Милләт кроссы» Бөтенроссия йөгерү көнендә катнаштылар.

Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр инвалидлар һәм мөмкинлекләре чикле кешеләр өчен «Хезмәткә һәм оборонага әзер» бөтенроссия физкультура-спорт комплексын сынау нормативларын үтәделәр.

Алексеевск районының «Кайгырту» балалар һәм яшүсмерләр өчен социаль приюты тәрбиячесе Наилә Дәүләтшина тәрбияләнүчеләр белән «Ишегалдында халык уеннары» дигән күңел ачу чарасы үткәрде. Чараның максатлары – балаларның саф һавада ял итүен оештыру, сәламәт яшәү рәвешенә ияләштерү, шулай ук төбәк халыклары мәдәнияте белән танышу.

6 сентябрьдә Лениногорск районының «Исток–Башлангыч» халыкка социаль хезмәт күрсәтү комплекслы үзәге психологы «Алкоголь җанны һәм ихтыярны һәлак итә» дигән чара үткәрде. Ул алкогольле эчемлекләр куллануга тискәре мөнәсәбәт формалаштыруга, сәламәт яшәү рәвеше алып баруга, үз-үзеңне үстерүгә, үз-үзеңне тормышка ашыру өчен уңай юллар эзләүгә юнәлдерелгән.

Сентябрьнең беренче атнасында Минзәлә районының халыкка социаль хезмәт күрсәтү комплекслы үзәге белгечләре яшүсмерләрдә сәламәт яшәү рәвешенә мотивация формалаштыру буенча «Сәламәт булу – уңышлы булу!» программасы кысаларында акция үткәрделәр.