ЯҢАЛЫКЛАР

7 декабрьдә Тәтеш өлкәннәр һәм инвалидлар өчен интернат-йортында социаль хезмәт алучылар инвалидлар өчен спартакиадада актив катнаштылар. Чара Кама Тамагы ш.т. п. «Акчарлак» спорт-сәламәтләндерү комплексында узды.

15 ноябрьдә Менделеевск муниципаль районында «Кама таңнары» балалар һәм яшүсмерләр өчен социаль приютында «Яраткан спорт төрең» дигән сәламәтлек сәгате узды. Чараны тәрбиячеләр Герман Миронов һәм Вера Нетребина үткәрде.

Яр Чаллының «Ышаныч» халыкка социаль хезмәт күрсәтү комплекслы үзәге базасында Актив озын гомерлелек мәктәбе эшләвен дәвам итә. Мәктәптә катнашучылар өчен чираттагы дәрес 8 ноябрьдә үткәрелде. Социаль эш буенча белгеч белән берлектә хезмәт алучылар шәһәр паркында саф һавада иртәнге зарядка ясадылар.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә шәфкать туташы Юлия Иксанова «Алкогольнең балалар организмына йогынтысы» дигән темага чираттагы медицина сәгате уздырды.

Бөгелмәнең мөмкинлекләре чикле балалар һәм яшүсмерләр өчен «Яңарыш» тернәкләндерү үзәгендә «Мин сәламәт яшәү рәвешен сайлыйм» дигән бию флешмобы узды.

Наркоманияне һәм эчкечелекне профилактикалау кысаларында 19 октябрьдә «Исток–Башлангыч» халыкка социаль хезмәт күрсәтү комплекслы үзәге белгече Лариса Голдобина Лениногорск политехник көллияте базасында «Янәшәдәге куркынычлар турында» дигән чара үткәрде.

Балигъ булмаганнар арасында сәламәт яшәү рәвешен пропагандалау буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Алевтина Коровина «Наркотиклар – явызлык, наркомания – бәла» дигән темага төркемле дәрес уздырды.

17 октябрь көнне Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Спорт наркотикларга каршы» дигән спорт чарасы уздырдылар. Ул наркоманияне профилактикалауга һәм сәламәт яшәү рәвешен пропагандалауга юнәлдерелгән.

Наркоманияне профилактикалау һәм сәламәт яшәү рәвеше күнекмәләрен формалаштыру буенча эш кысаларында 12 октябрь көнне Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова «Тормышның тәме» дигән чара уздырды. Чараның максаты – гаиләдә микроклиматны яхшырту.

Кичә, 12 октябрь көнне, Яр Чаллының «Изгелек» инвалидларны тернәкләндерү үзәге белгечләре «Спорт хәрәкәте» Татарстан Республикасы инвалидларының төбәк иҗтимагый оешмасы рәисе Әсхәт Галиев ярдәме белән шашка һәм дартс буенча ярышлар оештырдылар. Чара социаль хезмәт алучылар арасында сәламәт яшәү рәвешен популярлаштыру максатыннан үткәрелде.