ЯҢАЛЫКЛАР
Чүпрәле муниципаль районында «Җылы йорт» балалар һәм яшүсмерләр өчен социаль приютында бассейн эшли. 5 яшьтән алып 16 яшькә кадәрге тәрбияләнүчеләр һәр атна саен йөзү дәресләренә йөриләр.
Яшүсмерләрдә сәламәт яшәү рәвешенә мотивация формалаштыру программасы кысаларында Минзәлә районының халыкка социаль хезмәт күрсәтү комплекслы үзәгендә гаилә белән эшләү буенча белгеч Наталья Кудряшова балигъ булмаганнар белән төркемле дәрес үткәрде. Ул яшүсмерләрдә үз тормышы өчен җаваплылык хисен формалаштыруга юнәлдерелгән иде.
Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә сәламәт яшәү рәвешен пропагандалауга зур игътибар бирелә. «Хәрәкәт активлыгын үстерү (МАТР)» Махсус Олимпиаданың программасын тормышка ашыру кысаларында учреждениедә спорт-күңел ачу чарасы үткәрелде.
Наркоманияне кисәтү буенча эш кысаларында Түбән Каманың «Веста» гаиләгә һәм балаларга социаль ярдәм үзәге белгече Гөлназ Веселовская «Төтен сере» дигән темага интерактив дәрес үткәрде. Чара балалар һәм яшьләр арасында сәламәт яшәү рәвеше кыйммәтләрен, тәмәке тартмаучы яшьләрнең кыйммәтләрен үстерүгә һәм ныгытуга юнәлдерелгән. Дәрестә 25 балигъ булмаган бала катнашты.
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге бүлегендә социаль хезмәт алучылар белән атна саен сәламәт яшәү рәвешен алып бару күнекмәләрен формалаштыру буенча дәресләр уза. Чираттагы дәресләрдә хезмәт алучылар кулларга нокталы массаж ясарга өйрәнделәр.
10 февраль көнне Яр Чаллының «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә тәрбиячеләр һәм белгечләр Нагимова Э.И., Галимова Г.М., Кирамова Л.Ю., Савайтан Н.В., Локманова Г.В. өлкән яшьтәге балалар өчен «Балалар Олимпия уеннары» дигән танып-белү чарасы үткәрделәр.
9 февральдә Минзәлә халыкка социаль хезмәт күрсәтү комплекслы үзәгендә «Син барысын да эшли аласың!» эшкә урнашу мөмкинлеге булмаган интеллект бозылулары, аутистик спектрлы тайпылышлары булган 18-40 яшьлек инвалидларны социаль адаптацияләү буенча инновацион программаны тормышка ашыру кысаларында «Сәламәтлек көне» дигән физкультура-сәламәтләндерү чарасы узган. Анда тугыз кеше катнашты.
Спас өлкәннәр һәм инвалидлар өчен интернат-йортында шушы көннәрдә спорт сәгате узган. Чара Пекиндагы XXIV кышкы Олимпия уеннарына багышланды.
Бүген Минзәлә өлкәннәр һәм инвалидлар өчен интернат-йортында саф һавада ярышлар узды. Социаль эш буенча белгеч Ирина Мөслимова һәм шәфкать туташлары Илүзә Нәҗмиева һәм Розалина Ишимбаева үз карамагындагылар өчен күңелле стартлар оештырдылар.
Бүген Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен спорт мастер-классы узды. «Баскетбол элементлары белән хәрәкәтчән уеннар» дигән дәрес Махсус Олимпиаданың Бөтендөнья кышкы уеннары чараларына әзерлек кысаларында оештырылды.