ЯҢАЛЫКЛАР

17 июньдә Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече акция үткәрде. Чара яшьләрдә сәламәт яшәү рәвеше культурасын һәм наркотикларга һәм башка зарарлы гадәтләргә тискәре мөнәсәбәтне формалаштыруга юнәлдерелгән.

Әлмәт муниципаль районының «Опека» халыкка социаль хезмәт күрсәтү комплекслы үзәгендә наркотиклардан файдалануга һәм аларның законсыз әйләнешенә каршы Халыкара көрәш көне кысаларында «Наркотикларсыз тормыш»дигән наркотикларга каршы айлыкка кушылдылар.

26 майдан 26 июньгә кадәр наркотикларга каршы һәм сәламәт яшәү рәвешен популярлаштыру буенча бөтенроссия айлыгы уза. Аның максаты – яшь буында наркоманиягә, токсикоманиягә, тәмәке тартуга һәм алкоголизмга тискәре мөнәсәбәт формалаштыру.

Югары Осланның өлкәннәр һәм инвалидлар өчен интернат-йортында «Начар гадәтләр безгә дуслар түгел» дигән рәсем конкурсы оештырылды.

7 июньдә Алексеевск районында «Кайгырту» балалар һәм яшүсмерләр өчен социаль приютында полициянең өлкән лейтенанты Диана Захарова белән очрашу узды. Ул балалар белән «Наркотиклар. Җинаяти һәм административ җаваплылык» темасына әңгәмә үткәрде.

4 июньдә Әлмәт районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Татлы тормышның ачы җимешләре» дигән чара узды.

Бөтендөнья тәмәкесез көн ел саен 31 майда билгеләп үтелә. Бүген Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре «Тәмәкеңне бир – мин сиңа кәнфит бирәм» дигән урам акциясе үткәрделәр.

Россиядә Гаилә елы кысаларында Татарстанның Буа районындагы «Гармония» халыкка социаль хезмәт күрсәтү комплекслы үзәге «Бәхетле гаиләнең гади серләре» рубрикасын оештырды. Үзәк белгечләре мәхәббәт һәм тырышлык, гаилә бәхете үрнәге булган күпбалалы гаиләләрнең тарихлары белән уртаклашалар.

Мини-футболны популярлаштыру һәм психик тайпылышлары булган гражданнар өчен билгеләнгән интернат-йортларда яшәүче социаль хезмәтләр алучылар арасында актив яшәү рәвешен пропагандалау максатыннан, ТР Хезмәт, халыкны эш белән тәэмин итү һәм социаль яклау министрлыгы июнь аенда мини-футбол буенча ачык турнир үткәрә.

Бөгелмә районының «Ялкын» балалар һәм яшүсмерләр өчен социаль приютында «Әти, әни, мин – спорт гаиләсе» дигән гаилә бәйрәме булып узды. Чарада ведомствоара исәптә торучы гаиләләр катнашты. Оештыручылар әйтүенчә, барлык гаилә әгъзалары сәламәт яшәү рәвеше алып барырга тиеш, ә ата-аналар үз балалары өчен үрнәк булып тора.