ЯҢАЛЫКЛАР
Алабуганың өлкәннәр һәм инвалидлар өчен интернат-йортында «Һәркем өчен спорт» проекты кысаларында яңа урам спорт мәйданчыгы җиһазландырылган. Хәзер анда спорт-сәламәтләндерү чаралары уза. Мәсәлән, интернат-йорт хезмәткәрләре үз карамагындагылар өчен саф һавада зарядка һәм спорт эстафетасы оештырды.
11 июльдә Лениногорск районының «Исток–Башлангыч» халыкка социаль хезмәт күрсәтү комплекслы үзәге социаль педагогы Оксана Лямова «Аеклык – көчле кешеләр сайлаган юл» темасына профилактика сәгате үткәрде. Чарада балигъ булмаган социаль хезмәтләр алучылар катнашты.
27 июньдә Лениногорск районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы социаль хезмәтләр алучы өлкәннәр белән социаль ятимлекне профилактикалау буенча әңгәмә үткәрде.
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр «Без бергә наркотикларга каршы!» акциясендә катнаштылар.
Югары Ослан районындагы «Өмет утравы» халыкка социаль хезмәт күрсәтү комплекслы үзәге белгечләре Халыкара наркотиклар куллануга һәм аларның законсыз әйләнешенә каршы көрәш көненә багышланган чара уздырдылар. 3 нче социаль участокта гаиләгә һәм балаларга социаль ярдәм бүлеге белгечләре балигъ булмаганнар өчен наркотикларга каршы акция үткәрделәр.
26 июньдә Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар катнашында шашка һәм дартс буенча турнир узды. Чараны учреждение белгечләре, «Спорт хәрәкәте» Татарстан Республикасы инвалидларның региональ иҗтимагый оешмасы рәисе Әсхәт Галиев һәм «Динамо» шәһәр советы үткәрде.
26 июньдә Әлмәт районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре социаль хезмәтләр алучылар белән берлектә «Наркотикларсыз тормыш» дигән наркотикларга каршы айлыкка кушылдылар.
23 июньдә Алексеевск районының «Кайгырту» балалар һәм яшүсмерләр өчен социаль приютында «Халыкара Олимпия көне» түгәрәк өстәле һәм спорт бәйрәме узды. Чара сәламәт яшәү рәвешен пропагандалауга юнәлдерелгән.
«Тәтеш балкышы» халыкка социаль хезмәт күрсәтү комплекслы үзәге белгечләре «Наркотикларсыз тормыш» республика наркотикларга каршы айлыгы кысаларында сәламәтлек дәресе оештырдылар. Ул сәламәтлек бәхетле тормышның төп шарты икәнлеге турында белем формалаштыруга юнәлдерелгән.
Бүген Түбән Кама районының «Шәфкать» халыкка социаль хезмәт күрсәтү комплекслы үзәгендә Җәмәгать сәламәтлеге һәм медицина профилактикасы үзәгенең медицина профилактикасы буенча табибы Александра Скрипко социаль-тернәкләндерү бүлегенең социаль хезмәтләр алучылары һәм үзәк хезмәткәрләре өчен «ВИЧ-инфекцияне профилактикалау» темасына интерактив лекция үткәрде.