ЯҢАЛЫКЛАР
Алексеевск районының «Кайгырту» балалар һәм яшүсмерләр өчен социаль приютында спорт-сәламәтләндерү тәрбиясе һәм юлларда балаларның җәрәхәтләнүен профилактикалау дәресләре кысаларында «Юл маҗаралары» эстафетасы үткәрелде.
Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә беренче сыйныф укучылары өчен ел саен үткәрелә торган «Тиздән мәктәпкә» бәйрәме уздырылды. Балалар мәктәп темасына конкурсларда һәм викториналарда катнаштылар, юл хәрәкәте кагыйдәләрен кабатладылар, туган якка мәхәббәт һәм Россия һәм Татарстан символикасы турында сөйләштеләр.
Казан шәһәренең көндезге тору бүлеге карамагындагылар «Имин юллар» тематик чарасында булдылар. «Юл хәрәкәте иминлеге» ДБУ хезмәткәрләре тарафыннан викториналар һәм интерактив уеннар оештырылды. Балалар саклану чараларының төрләре һәм әһәмияте турында белделәр. Иң кыюлары велосипедларда һәм самокатларда йөри алдылар.
Шушы көннәрдә Алабуганың «Астра» сәламәтлек мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр юл хәрәкәте кагыйдәләре иленә мавыктыргыч сәяхәткә киттеләр. Балалар уеннарда, эстафеталарда, викториналарда катнаштылар, шулай итеп юл хәрәкәте кагыйдәләрен, светофор сигналларын һәм машина юлында үз-үзеңне тоту кагыйдәләрен белүләрен ныгыттылар.
Бүген Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар «Җәяүле – юл хәрәкәтендә актив катнашучы» дигән чарада булдылар.
Теләче районында «Чишмә» халыкка социаль хезмәт күрсәтү комплекслы үзәге социаль педагогы Фәния Гайнетдинова һәм «Юл хәрәкәте иминлеге» дәүләт бюджет учреждениесенең Саба бүлекчәсе башлыгы Гүзәл Ягафарова танып-белү чарасы үткәрделәр. Велосипедта йөргәндә юл хәрәкәте кагыйдәләре турында сөйләштеләр, юл билгеләре турында белемнәрен ныгыттылар.
Лениногорск районының «Исток–Башлангыч» халыкка социаль хезмәт күрсәтү комплекслы үзәгендә балигъ булмаган социаль хезмәт алучылар өчен юлларда куркынычсызлык кагыйдәләрен өйрәнү буенча чара уздырдылар.
Азнакай районында «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Иминлек әлифбасы» темасына чара уздырдылар. «Юл хәрәкәте иминлеге» ДБУ вәкиле белән берлектә уздырылган дәрестә балигъ булмаган балалар һәм социаль хезмәтләр алучылар катнашты.
Балаларның юл-транспортта имгәнүләрен кисәтү һәм юл хәрәкәте куркынычсызлыгы турында төп белемнәрне ныгыту максатыннан Түбән Кама районының «Шәфкать» халыкка социаль хезмәт күрсәтү комплекслы үзәгенең социаль эш буенча белгече Гөлназ Веселовская балигъ булмаганнар өчен «Мин – үрнәк җәяүле» акциясен үткәрде.
Яр Чаллы шәһәренең «Кояшкай» мөмкинлекләре чикле балалар һәм яшүсмерләр өчен тернәкләндерү үзәгендә балаларны юлда куркынычсыз тәртип кагыйдәләренә өйрәтү буенча чара узды. Ул пропаганда бүлеге вәкиле, шәһәр башкарма комитеты каршындагы җәмәгать тәртибен саклауны тәэмин итү идарәсенең юл хәрәкәте иминлеген оештыру буенча әйдәп баручы белгече Ләйсән Уйбекова белән берлектә оештырылды.