ЯҢАЛЫКЛАР

Татарстан Республикасында юл хәрәкәте куркынычсызлыгын арттыру чараларын гамәлгә ашыру кысаларында 4 апрельдә Менделеевск районының «Өмет яры» халыкка социаль хезмәт күрсәтү комплекслы үзәгендә юлларда куркынычсызлык кагыйдәләрен өйрәнү буенча чара узды. Анда 25 балигъ булмаган бала катнашты.

3 апрельдә Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре Юл хәрәкәте иминлеге дәүләт инспекциясе һәм «Юл хәрәкәте иминлеге» ДБУ хезмәткәрләре белән берлектә балигъ булмаган социаль хезмәтләр алучылар белән «Яшь җәяүле» дигән чара уздырдылар. Ул Балачак унъеллыгы чаралары планын үтәү кысаларында оештырылды.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең Автозавод районындагы гаиләгә һәм балаларга социаль ярдәм бүлекчәсе белгечләре балигъ булмаганнар өчен урамында куркынычсыз тәртип кагыйдәләре буенча уен-сәяхәт оештырдылар. Яшь катнашучылар транспортта, юлда, торак йортларның подъездларында үз-үзләрен тоту кагыйдәләрен искә төшерделәр.

12 март көнне Алексеевскиның «Кайгырту» балалар һәм яшүсмерләр өчен социаль приютында «Язгы чорда юлларда куркынычсызлык» дигән акция узды. Мәктәп яшендәге балалар өчен чараны тәрбияче Алексей Шатков оештырды.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Мәктәпкә юл. Урамда куркынычсызлык» дигән темага дәрес уздырылды.

6 мартта Лениногорск районы «Исток–Башлангыч» халыкка социаль хезмәт күрсәтү комплекслы үзәге социаль педагогы Светлана Мосолова Дәүләт автоинспекциясе белән берлектә «Юл хәрәкәтенең яшь инспекторлары отряды шәһәр сагында» акциясен үткәрде. Чара юл хәрәкәтенең яшь инспекторлары отрядлары оешуга 50 ел тулуга багышланган иде.

Алексеевскиның «Кайгырту» балалар һәм яшүсмерләр өчен социаль приютында тәрбияче Наталья Королева «Җәяүлеләр әлифбасы» дигән чара уздырды. Чарада җиде кеше катнашты.

7 февральдә Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә ведомствоара хезмәттәшлек кысаларында Күчмә мәдәният үзәге белгечләре юл хәрәкәте кагыйдәләре буенча танып белү программасы уздырдылар.

Кукмара районының «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Светофор һәм юл билгеләре» дигән танып белү дәресе узды. Чараның максатлары юл йөрү кагыйдәләрен өйрәнү, юлда аңлы тәртип формалаштыру иде.

Менделеевск муниципаль районында «Кама таңнары» балалар һәм яшүсмерләр өчен социаль приютында «Юлларның катгый законы» дигән мавыктыргыч чара узды. Аның максаты – юл йөрү кагыйдәләре турында белемнәрне ныгыту.