ЯҢАЛЫКЛАР
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең Автозавод районындагы гаиләгә һәм балаларга социаль ярдәм бүлекчәсе белгечләре балигъ булмаганнар өчен урамында куркынычсыз тәртип кагыйдәләре буенча уен-сәяхәт оештырдылар. Яшь катнашучылар транспортта, юлда, торак йортларның подъездларында үз-үзләрен тоту кагыйдәләрен искә төшерделәр.
28 мартта ветераннар, пенсионерлар һәм инвалидларның берьюлы берничә иҗтимагый оешмасы урнашкан Мәдәни мирас йортында Минзәлә районының халыкка социаль хезмәт күрсәтү комплекслы үзәге белгечләре «Мин яшәгән йорт. Өйдә куркынычсызлык кагыйдәләре» дигән практик дәрес оештырдылар. Чарада инвалидлык сәбәпле эшкә урнаша алмаган көндезге тору төркеме яшьләре катнашты.
Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә балаларга «Куркыныч хәлләр. Урамда таныш булмаган кешеләр белән ничек мөгамәлә итәргә» дигән презентация күрсәттеләр.
Әлмәт районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә балигъ булмаганнар арасында суицидны кисәтүгә һәм куркынычсыз тотыш күнекмәләрен формалаштыруга юнәлдерелгән чара узды.
5 март көнне Алексеевскиның «Кайгырту» балалар һәм яшүсмерләр өчен социаль приютында тәрбияче Марина Сәгыйдуллина «Минем дустым – Интернет» дигән рәсем конкурсы уздырды. Чара балаларның интернет-грамоталылыгын арттыруга, Интернеттан һәм мобиль элемтәдән куркынычсыз файдалану күнекмәләрен үстерүгә, шулай ук укучыларның иҗади сәләтләрен ачыклауга һәм үстерүгә юнәлдерелгән.
Халыкара куркынычсыз Интернет көне кысаларында Биектау районы «Өмет» халыкка социаль хезмәт күрсәтү комплекслы үзәге психологы 1 нче номерлы социаль участокта тренинг дәресе үткәрде. Чарада 53 балигъ булмаган бала катнашты. Алар белән Интернетка бәйлелектән ничек сакланырга икәнлеге турында сөйләштеләр.
Биектау районы «Өмет» халыка социаль хезмәт күрсәтү комплекслы үзәгенең социаль педагогы Халыкара куркынычсыз Интернет көне кысаларында 4 нче социаль участокта дәрес үткәрде. Чарада балигъ булмаган 25 социаль хезмәт алучы катнашты.
Әлмәт районы «Опека» халыкка социаль хезмәт күрсәтү комплекслы үзәге белгечләре даими рәвештә социаль хезмәткәрләр белән эш планеркалары уздыралар.
30 гыйнварда Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Киберкуркынычлардан саклану ысуллары» дигән тематик чара узды. Дәрес «Границ.Нет» компьютер грамоталылыгы нигезләре мәктәбе» проектын тормышка ашыру кысаларында оештырылды.
Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә Россия ЭЭМның Алабуга районы буенча ММЧ белән элемтәләр буенча инспекторы Надежда Назарова һәм Алабуга районы буенча Россия ЭЭМ каршындагы Иҗтимагый совет әгъзасы Татьяна Бурдина белән профилактик әңгәмә булып узды.