ЯҢАЛЫКЛАР
Балалар һәм ата-аналар арасындагы мөнәсәбәтләрне торгызу (нормальләштерү) өчен шартлар тудыру, шулай ук Министрлык карамагындагы стационар типтагы учреждениеләрдә яшәүче балаларны гаиләгә кайтаруга әзерләү максатларында 2024 елның 1 августыннан 2025 елның 31 маена кадәр балалар һәм яшүсмерләр өчен социаль приютларда «Гаилә кунак бүлмәсе» проекты гамәлгә ашырыла.
3 декабрьдә Казанның «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә «Үсеш үзенчәлекләре булган балалы гаиләләргә ярдәм итүнең актуаль мәсьәләләре» темасына түгәрәк өстәл узды. Чара инвалидлар декадасына багышланган. Ул төрле ведомстволар вәкилләрен, шулай ук үсеш үзенчәлекләре булган балаларның ата-аналарын җыйды.
2 декабрьдә Тәтеш районы муниципаль социаль-тернәкләндерү консилиумының чираттагы утырышы булды. Көн тәртибенә балигъ булмаганнарның күзәтүчесезлеген һәм хокук бозуларын профилактикалау системасы субъектыннан «Социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» мәгълүмат системасы аша гаиләдәге иминсезлек турында сигнал картасын карау кертелде.
Югары Ослан районында профилактика системасы субъектлары катнашында муниципаль социаль-тернәкләндерү консилиумының чираттагы утырышы булды. Ике балигъ булмаган баласы булган гаиләгә сигнал картасы каралды. Утырыш йомгаклары буенча консилиум әгъзалары балигъ булмаганнар эшләре һәм аларның хокукларын яклау буенча район комиссиясенә гаиләне социаль куркыныч хәлдә булган гаилә буларак ведомствоара исәпкә куюны сорап мөрәҗәгать итәргә карар кылды.
«Инвалид балалар тәрбияләүче гаиләләргә ярдәм» региональ чаралар комплексын гамәлгә ашыру кысаларында Биектау муниципаль районының «Өмет» халыкка социаль хезмәт күрсәтү комплекслы үзәгендә инвалид балалар һәм психологик-педагогик ярдәмгә мохтаҗ аларның ата-аналары өчен татулашу хезмәте кабинеты ачылды.
Зәй районы «Шатлык» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре «Татарстан Республикасында социаль куркыныч хәлдә булган гаиләләрне һәм балигъ булмаганнарны исәпкә алу һәм мониторинглау» системасында эшләү буенча чираттагы укыту семинарын оештырдылар.
Яшел Үзән районының «Ышаныч» мөмкинлекләре чикле балалар һәм яшүсмерләр өчен тернәкләндерү үзәге белгечләре ата-аналарны һәм балаларны үз куллары белән ясалган уеннар уйнарга өйрәттеләр. Уеннар әзерләнә торган материалларның куркынычсызлыгына аерым игътибар бирелде.
Саба районында «Тургай» балалар һәм яшүсмерләр өчен социаль приютының һәм Югары Утар психик тайпылышлары булган гражданнар өчен билгеләнгән балалар интернат-йортының попечительлек советларының киңәйтелгән утырышы узды. Чара барышында балалар һәм ата-аналар арасындагы мөнәсәбәтләрне торгызуга һәм балигъ булмаганнарны гаиләләргә кайтаруга юнәлдерелгән «Гаилә кунак бүлмәсе» проекты турында фикер алыштылар.
Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Гүзәл Минһаҗева «Бәхетле гаилә әлифбасы» курсы кысаларында «Ни өчен балалар үзләрен начар тоталар, яки кем ул авыр бала?» дигән темага дәрес үткәрде. Тренинг социаль хезмәт күрсәтүдә торучы ата-аналарда авыр бала белән нәтиҗәле аралаша белү күнекмәсен үстерүгә юнәлдерелгән иде.
Югары Ослан муниципаль социаль-тернәкләндерү консилиумының чираттагы утырышы булды, анда профилактика системасы субъектлары катнашты. Ике балигъ булмаган баласы булган ике гаиләгә сигнал карталарын карадылар. Утырыш нәтиҗәләре буенча консилиум әгъзалары бу гаиләләрне ведомство учетына кую турында карар кабул иттеләр.