ЯҢАЛЫКЛАР

4 мартта хокук бозуларны профилактикалау буенча чара булды. Нурлат районының «Гармония» халыкка социаль хезмәт күрсәтү комплекслы үзәгендә социаль хезмәт алучылар өчен прокуратура һәм полиция хезмәткәрләре катнашында профилактик дәрес үткәрелде.

20 февральдә Менделеевск районының «Кама таңнары» балалар һәм яшүсмерләр өчен социаль приютта тәрбияләнүчеләр һөнәри юнәлеш бирү кысаларында район прокуроры Алсу Сәлахетдинова белән очраштылар. Чара шулай ук балигъ булмаганнар арасында хокук бозуларны профилактикалауга юнәлдерелгән иде.

3 февраль көнне Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Ләйсән Галәвиева социаль куркыныч төркеменә кергән балигъ булмаганнар белән профилактик дәрес үткәрде. Чарада 6–8 сыйныфлардан 20 бала катнашты.

Балигъ булмаганнар арасында хокук бозуларны кисәтү кысаларында Биектау районының «Өмет» халыкка социаль хезмәт күрсәтү комплекслы үзәге психологы 1 нче социаль участокта яшүсмерләр белән «Уңыш һәм аның өлешләре» дигән тренинг дәресе үткәрде. Дәрестә 22 балигъ булмаган бала катнашты.

Ата-аналарның хәмергә бәйлелеге булган гаиләләргә ярдәм күрсәтү социаль хезмәт күрсәтү учреждениеләре эшчәнлегенең төп юнәлешләреннән берсе булып тора, чөнки әлеге фактор еш кына балаларда тискәре шәхес карашлары, хокукка каршы тәртип һәм башка тискәре социаль күренешләр барлыкка килүгә сәбәп була.

23 октябрьдә Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Мария Исаева социаль куркыныч хәлдә булган гаиләләрдәге балалар өчен балигъ булмаганнар эшләре буенча инспектор белән очрашу оештырды.

21 октябрьдә Лениногорск районының «Исток-Башлангыч» халыкка социаль хезмәт күрсәтү комплекслы үзәгендә социаль хезмәт алучы балигъ булмаган балалар өчен кабат хокук бозуларны кисәтү программасы кысаларында «Ихлас» мәчетенә экскурсия оештырылды. Яшүсмерләрне рухи-әхлакый тәрбияләүгә һәм белемнәрен киңәйтүгә юнәлдерелгән чараны гаиләгә һәм балаларга социаль ярдәм бүлекчәсенең социаль эш буенча белгече Светлана Фазлыева һәм Хәлил хәзрәт үткәрде.

Хокукый ярдәм оештыру кысаларында 21 октябрьдә Лениногорск районының «Исток-Башлангыч» халыкка социаль хезмәт күрсәтү комплекслы үзәгенең социаль эш буенча белгече Алсу Вахитова һәм юрисконсульт Вероника Руденко балигъ булмаган социаль хезмәт алучылар белән үз-үзеңне тоту нормалары һәм үзконтрольне үстерү турында әңгәмә үткәрделәр.

Үз-үзеңне контрольдә тоту күнекмәләрен үстерү, стресслы ситуацияләрдә хис-кичерешләр белән аңлы рәвештә идарә итү максатыннан, Алексеевск районындагы «Кайгырту» балалар һәм яшүсмерләр социаль приютында тәрбияче Гөлшат Җаббарова «Мин үз-үземне кулда тота белергә өйрәнәм» дигән дәрес үткәрде. Чара яшүсмерләр арасында хокук бозуларны профилактикалауның актуаль мәсьәләләре буенча балигъ булмаганнарның мәгълүмати компетентлыгын арттыру программасы буенча оештырылды.

Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы Гүзәл Минһаҗева хокукый проблемаларга юлыккан яшүсмерләр өчен махсус дәрес оештырды.