ЯҢАЛЫКЛАР
«2014–2024 елларга Татарстан Республикасында җәмәгать тәртибен тәэмин итү һәм җинаятьчелеккә каршы тору» дәүләт программасын тормышка ашыру кысаларында 14 июньдә Усады урта гомуми белем бирү мәктәбенең җәйге ял итү лагеренда Биектау районының «Өмет» халыкка социаль хезмәт күрсәтү комплекслы үзәге психологы психологик тренинг уздырды. Чарада 20 балигъ булмаган бала катнашты.
24 майда Нурлат шәһәрендә социаль куркыныч хәлдә булган гаиләләр белән ведомствоара тернәкләндерү эшен оештыру мәсьәләләре буенча семинар-киңәшмә узды. Чараны Татарстан Республикасы Хезмәт, халыкны эш белән тәэмин итү һәм социаль яклау министрлыгы оештырды.
Лениногорск районының «Исток–Башлангыч» халыкка социаль хезмәт күрсәтү комплекслы үзәгенең социаль эш буенча белгече Лиана Габидулина «Балигъ булмаганнарның закон алдында җаваплылыгы» дигән чара үткәрде. Аның максаты – теге яки бу гамәлләр өчен яшүсмернең җаваплылык формалары турында яңа белемнәрне исәпкә алып, үз-үзләрен тотышы моделен аңлы рәвештә сайлауны формалаштыру.
16 майда Менделеевск районының «Кама таңнары» балалар һәм яшүсмерләр өчен социаль приютында педагоглар Айсылу Җамалетдинова һәм Наталья Евдокимова «Экстремистик эшчәнлек» чарасы уздырдылар. Чара яшүсмерләр арасында хокук бозуларны профилактикалауның актуаль мәсьәләләре буенча балигъ булмаганнарның мәгълүмати компетенциясен арттыруга юнәлдерелгән.
Биектау районының «Өмет» халыкка социаль хезмәт күрсәтү комплекслы үзәге белгечләре балигъ булмаганнар белән эшләүдә инновацион технологияләр кулланалар. Мәсәлән, хокук бозуларны профилактикалау программасы кысаларында психолог Алия Нигъмәтҗанова профилактик исәптә торучы балигъ булмаганнар белән, шулай ук «Үзеңә ышан» клуб формированиесендә катнашучылар белән уеннар сериясен үткәрде.
17 апрельдә Чернышевка мәдәният йорты базасында Татарстан Республикасында террорчылык һәм экстремизмны профилактикалау программасы кысаларында балигъ булмаган хокук бозучылар өчен «Хокук бозулар өчен җаваплылык» дигән профилактик чара уздырылды. Чакырылганнар арасында Россия Эчке эшләр министрлыгының Биектау районы буенча балигъ булмаганнар эшләре буенча бүлекчәсе инспекторы А. А. Закиров та бар иде.
Менделеевск муниципаль районындагы «Кама таңнары» социаль приютында балигъ булмаганнар арасында хокук бозуларны профилактикалау кысаларында 7 апрельдә «Ярдәм сорап» дигән темага дәрес үткәрделәр.
Лениногорск районы «Исток–Башлангыч» халыкка социаль хезмәт күрсәтү комплекслы үзәгенең гаилә һәм балаларга социаль ярдәм бүлеге белгечләре районның социаль участогында эш алып бардылар. Чара кысаларында 5 гаиләдә булдылар, аларда 20 балигъ булмаган бала яши.
29 мартта Шәпши авылындагы 4 нче социаль участокта Биектау районының «Өмет» халыкка социаль хезмәт күрсәтү комплекслы үзәгенең социаль эш буенча белгече балалар һәм яшүсмерләр арасында толерантлыкны үстерүгә юнәлдерелгән ишегалды уеннары оештырды. Чара террорчылыкны һәм экстремизмны профилактикалау буенча республика максатчан программасы кысаларында уздырылды.
14 мартта Зәй районы «Шатлык» халыкка социаль хезмәт күрсәтү комплекслы үзәгенең социаль педагогы һәм психологы 2 нче урта гомуми белем бирү мәктәбе укучылары белән профилактик дәрес үткәрделәр. Яшүсмерләр һәм яшьләр арасында социаль-тискәре күренешләрне, хокук бозуларны, наркотикларны профилактикалау һәм сәламәт яшәү рәвеше формалаштыру атналыгы кысаларында ничек җинаять корбаны булмаска икәнлеге турында сөйләштеләр.