ЯҢАЛЫКЛАР

Халыкара өлкәннәр көненә багышланган «Җылы йорт» хәйрия акциясе кысаларында Теләче районының «Чишмә» халыкка социаль хезмәт күрсәтү комплекслы үзәге социаль хезмәт күрсәтүдә булган тыл хезмәтчәненә көзге-кышкы чорга әзерләнүдә ярдәм итте.

Минзәлә районындагы халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге белгечләре деменцияне кисәтү айлыгы кысаларында берничә чара оештырдылар һәм үткәрделәр.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәге «Демография» милли проектының «Өлкән буын» федераль проекты чараларын гамәлгә ашыру кысаларында Бакчачы көненә багышланган «Яхшылык кәрзине» хәйрия акциясендә катнашты.

Буа муниципаль районында 80 яшьтән өлкәнрәк ялгыз һәм ялгыз яшәүче гражданнарны өйләренә барып карау уздырылды. Йортларга йөрүнең максаты – яшьләре һәм (яки) сәламәтлекләре аркасында төп тормыш ихтыяҗларын мөстәкыйль рәвештә тәэмин итә алмаган өлкән яшьтәге гражданнарны ачыклау, шулай ук өлкәннәр белән янгын-профилактика эшен гамәлгә ашыру һәм ашыгыч хезмәт телефоннары турында мәгълүмат бирү.

Тәтеш дәүләт гражданнарны яклау колледжының «Форпост» студентлар иминлеге хезмәте һәм 2 нче урта гомуми белем бирү мәктәбенең «Форпост» хокук саклау хәрәкәте активистлары тыл хезмәтчәне Екатерина Васильевнага йорт яны территориясен җыештыруда кулдан килгәнчә ярдәм күрсәттеләр.

Деменцияне профилактикалау айлыгы кысаларында Биектау муниципаль районының «Өмет» халыкка социаль хезмәт күрсәтү комплекслы үзәге психологы өй бүлеге белгечләре белән тренинг дәресе үткәрде. Өлкәннәрдә деменцияне профилактикалау турында сөйләштеләр.

2019 елдан Минзәлә өлкәннәр һәм инвалидлар өчен интернат-йортында яшәүче шагыйрә Салисә Гәрәевага Урыс авыл җирлеге башлыгы Илмира Аксюкова һәм өлкән яшьтәге әбинең туганы Равил Касыймов килеп киттеләр.

Деменцияне профилактикалау айлыгын уздыру кысаларында Биектау районының «Өмет» халыкка социаль хезмәт күрсәтү комплекслы үзәгенең хезмәткәрләре Айбаш авыл җирлегенә бардылар. Интерактив тренингта өлкән яшьтәге кешеләр хәтер һәм баш миен күнектерү ысуллары белән таныштылар, авыруны профилактикалауда сәламәт яшәү рәвешенең әһәмияте турында белделәр.

27 августта Алексеевск районының балалар һәм яшүсмерләр өчен «Кайгырту» социаль приюты тәрбияләнүчеләре тыл хезмәтчәне Мария Матвеевнага ярдәм күрсәттеләр. Тимурчылар кышын саклар өчен, яшелчәләрне өйгә ташыдылар. Мария Матвеевна ярдәмгә шатланды һәм балаларга рәхмәт белдерде.

Мамадыш районының «Кайгырту» халыкка социаль хезмәт күрсәтү комплекслы үзәгендә «Старость в радость» хәйрия фонды ярдәме белән 1 августтан «Социаль оста» хезмәте барлыкка килде.