ЯҢАЛЫКЛАР

Декабрьдә Казан шәһәренең халыкка социаль хезмәт күрсәтү комплекслы үзәгенең көндезге тору бүлегендә Кыш Бабай остаханәсе ачылды. Анда Яңа ел бизәнү әйберләре, уенчыклар, бүләкләр һәм открыткалар ясыйлар. Бу идеяне тормышка ашыру «Әкият» балалар үзәгенең инклюзив иҗади лабораториясе ярдәме белән мөмкин булды.

Бүген инвалидлар декадасы кысаларында Бөтенроссия сукырлар җәмгыятенең җирле оешмасы белән берлектә Арча районындагы «Шәфкать үзәге» халыкка социаль хезмәт күрсәтү үзәгенең көндезге тору бүлегендә кечкенә китап ясау буенча мастер-класс узды. Дәресне күрү сәләте буенча инвалид Гүзәл Мурысина үткәрде.

4 декабрьдә Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлекчәсе социаль хезмәт алучылары өчен юрист Арсений Кутявин белән очрашу оештырды. Ул гражданнарга социаль-хокукый мәсьәләләр буенча консультацияләр бирде.

Алабуга районының «Ышаныч» халыкка социаль хезмәт күрсәтү комплекслы үзәгендә «Менталь тайпылышлары булган инвалидларны социаль эш белән тәэмин итүгә ярдәм» дигән темага түгәрәк өстәл уздырдылар. Анда сәламәтлек саклау, мәдәният, яшьләр секторы, мәшгульлек үзәге, социаль хезмәт күрсәтү учреждениеләре вәкилләре һәм менталь тайпылышлары булган инвалидлар тәрбияләүче ата-аналар катнашты.

4 декабрьдә Зәй районы «Шатлык» халыкка социаль хезмәт күрсәтү комплекслы үзәгенең көндезге тору бүлегендә тәрбияләнүчеләрне китапханәдә җылы каршы алдылар. Анда «Рух шатлыгы – көч билгесе» дигән әдәби-музыкаль программа оештырылган иде.

Инвалидлар декадасы кысаларында Түбән Кама районының «Шәфкать» халыкка социаль хезмәт күрсәтү комплекслы үзәгенең социаль эш буенча белгече Нуриса Гыйльметянова һәм хезмәт буенча инструктор Галия Петрова көндезге тору бүлекчәсенең социаль хезмәт алучылары өчен «Актай» ат спорты мәктәбенә мавыктыргыч экскурсия оештырдылар.

Тәм-томнарны ничек ясыйлар? Бу сорауга җавапны Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлекчәсенә йөрүчеләр «Эссен Продакшн АГ» кондитер фабрикасында булып белделәр. Инвалидлар ункөнлеге алдыннан предприятиегә мавыктыргыч экскурсия мөдир Лилия Ситдыйкова тарафыннан оештырылды.

Түбән Кама районының «Шәфкать» халыкка социаль хезмәт күрсәтү комплекслы үзәгенең көндезге тору бүлегендә «Тегү эше» программасы уңышлы тормышка ашырыла, ул социаль хезмәтләрдән файдаланучыларның тормыш сыйфатын күтәрүгә һәм социаль адаптацияләүгә юнәлдерелгән. Бу программа тегүгә өйрәтү генә түгел, ә үзендә һөнәри белем, арт-терапия һәм социаль тернәкләндерүне берләштергән комплекслы чара.

21 ноябрьдә Россиядә Гаилә елы кысаларында «Шатлык» халыкка социаль хезмәт күрсәтү комплекслы үзәгендә «Мөһим көн – Уллар көне» дигән чара уздырылды.

Мамадыш районының «Кайгырту» халыкка социаль хезмәт күрсәтү комплекслы үзәгенең көндезге тору бүлегендә хезмәт алучылар район китапханәсендә булдылар. Шулай ук алар журналист, күп кенә туган якны өйрәнү, публицистик һәм документаль китаплар авторы Миңневарис Мингалиевка багышланган «Каләм остасы» әдәби-музыкаль юбилей кичәсендә булдылар.