ЯҢАЛЫКЛАР

Теләче районында «Ярдәм кулы» программасы кысаларында «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагоглары Ләйсән Хөсәенова һәм Фәния Гайнетдинова көндезге тору төркемендә чираттагы дәрес үткәрделәр. Социаль хезмәтләр алучы белән йортны җыештыру темасына сөйләштеләр.

27 августта «Тәтеш балкышы» халыкка социаль хезмәт күрсәтү комплекслы үзәгендә көндезге тору төркемендә булган яшьләр өчен Кляшево авылының модель китапханәсенә экскурсия оештырылды.

27 августта Яр Чаллы шәһәренең «Изгелек» инвалидларны тернәкләндерү үзәгендә көндезге тору бүлекчәсендә социаль хезмәтләр алучылар өчен Россиядә Гаилә елына презентация ясау буенча мастер-класс үткәрде. Чара Татарстан Республикасы көненә багышланды.

Буаның өлкәннәр һәм инвалидлар өчен интернат-йортында бию флешмобы узды. Учреждение белгечләре җитәкчелегендә, «Форпост» җәмәгать тәртибен саклау буенча яшьләр формированиеләре үзәге волонтерлары белән бергә өлкәннәр катлаулы булмаган хәрәкәтләрне өйрәнделәр һәм рәхәтләнеп биеделәр. Шулай ук интернат-йортта яшәүчеләр йөрәк формасында триколор ясау буенча мастер-класста катнаштылар.

Россия Федерациясе дәүләт флагы көне уңаеннан Югары Ослан районының «Өмет утравы» халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре «Дәүләтем флагы» дигән велоузыш үткәрделәр. Чара мәдәният хезмәткәрләре белән берлектә 3 нче социаль участокта оештырылды.

Минзәлә районы халыкка социаль хезмәт күрсәтү комплекслы үзәге белгечләре инвалид яшьләр өчен «Яшьлек» боз сараена экскурсия оештырды.

Бүген Минзәләнең халыкка социаль хезмәт күрсәтү комплекслы үзәгендә «Өстәл сервировкасы» социаль-көнкүреш адаптациясе буенча дәрес узды. Әлеге дәресләрнең төп максаты – яшьләрне мөстәкыйль тормышка әзерләү.

Россиядә Гаилә елы кысаларында 7 августта Биектау районындагы социаль яклау бүлеге җитәкчесе Гүзәл Минаева һәм «Өмет» үзәгенең гаиләгә һәм балаларга социаль ярдәм бүлеге белгечләре мастер-класс форматында кулинария дәресе үткәрделәр. Көндезге тору төркемендә катнашучылар белән пылау әзерләделәр.

«Тәтеш балкышы» халыкка социаль хезмәт күрсәтү комплекслы үзәгенең көндезге тору төркемендә булган яшьләр белгечләр озатуында «Яңа гасыр» мәдәни-күңел ачу үзәгендә булдылар. Анда алар өчен чәй өстәлен бизәү буенча мастер-класс оештырылды.

Югары Ослан районының «Өмет утравы» халыкка социаль хезмәт күрсәтү комплекслы үзәгендә менталь тайпылышлары булган яшьләр өчен көндезге тору төркеме уңышлы эшли. Төркем яшьләрне кайгырту һәм игътибар белән әйләндереп алу, аларга кискен аралашу кытлыгы проблемасын җиңәргә ярдәм итү, аларның көндәлек тормышын үз-үзләрен тормышка ашыру һәм актив эшчәнлек мөмкинлекләрен арттыра торган структуралы мәшгульлек белән баету өчен оештырылган.