ЯҢАЛЫКЛАР

31 январь көнне Мишә авыл җирлегендә 2023 елдагы эшчәнлек нәтиҗәләре буенча еллык хисап җыелышы булды. Көн тәртибендә түбәндәге мәсьәләләр каралды:

1. Мишә авыл җирлегендәге бюджет оешмалары җитәкчеләренең 2023 елда үз оешмаларындагы эшчәнлек нәтиҗәләре буенча чыгышлары.

2. Участок вәкаләтлесе Сәхәбиев А.А. чыгышы.

3. Саба һәм Теләче районнары буенча янгын күзәтчелеге бүлеге җитәкчесе Галимуллин А.Р. чыгышы.

4. Урманчылык инспекторы Гарафутдинов Р.М чыгышы.

5. Район прокуроры Шәймәрдәнов Р.Н. чыгышы.

6. Авыл җирлеге башлыгы Сафин А.К.чыгышы.

7. Узган елгы җыелышты бирелгән сорауларның үтәлеше, сораулар, тәкъдимнәр.

8. Саба муниципаль районы башлыгы урынбасары Закирҗанов Р.Р. йомгаклау сүзе.

Мишә авыл җирлегендә хатын-кызлар командалары арасында волейбол буенча тренировкалар башланды.

Лесхоз бистәсенең "Нургали" мәчетендә балалар өчен дини дәресләр дәвам итә.

Студент чоры - һәр кешенең тормышында искиткеч вакыт. Нәкъ шул вакыт хатирәләрдә иң яхшы вакыт. Студентлар тормышы күңел ачу, яхшы кәеф, романтика белән тулган. Бу үзеңне, тормыш мәгънәсен, дөньяда үз урыныңны эзләү, бу борчу һәм өмет өзелү, авыр, ләкин күңелле яшьлек вакыты. Студент чакта иң күп китаплар укыла, күп кенә мәхәббәт романнары һәм маҗаралар кичерелә. 21 нче гыйнварда Лесхоз мәдәният йорты хезмәткәрләре яшьләр белән бу темага Россия студентлары көненә «Студент вакыты – иң күңелле чак” исеме астында уен – күңел ачу программасы үткәрделәр.

Мишә авыл башкарма комитеты җитәкчесе «Кече Ватан — Россия көче» Бөтенроссия муниципаль форумында катнашты. Мәскәүдә «Россия» Халыкара күргәзмә-форумы мәйданчыгында «Кече Ватан — Россия көче» Бөтенроссия муниципаль форумы узды. Беренче тапкыр бер урында илнең 89 төбәгеннән 7 меңнән артык муниципаль берәмлек вәкилләре җыелган.

13 гыйнвардан 14 гыйнварга каршы төндә россиялеләр ел саен Иске Яңа елны билгеләп үтәләр! Күп кенә төбәкләрдә бу бәйрәм аерым үткәрелә, халык традицияләре, гореф-гадәтләре һәм йолалары, ышанулары белән аерылып тора. Бер нәрсә-Иске Яңа елны традицион Яңа ел очрашуы кебек көтәбез һәм яратабыз! 13 гыйнварда Сабабаш авыл клубында Иске Яңа ел уңаеннан отышлы лотерея узды.Лотереяләр арасында кызыклы уеннар үткәрелде, алар концерт номерлары белән үрелеп барды. Кичә авылдашлар өчен дискотека белән тәмамланды.

13 гыйнварда Лесхоз мәдәният йорты һәм китапханә хезмәткәрләре «Иске Яңа ел»бәйрәме хөрмәтенә Яңа Ел лотереясе оештырдылар һәм үткәрделәр. Яңа ел-олылар да, балалар да бик көткән тылсымлы вакыт. Бигрәк тә Яңа Ел лотереясе. Бүләк алуны һәркем ярата бит. Чара Иске Яңа ел белән котлаудан башланды. Бәйрәмнең суперпризы микродулкынлы мич, тимер, мантоварка, блендер, сарык һәм башка бик күп яхшы бүләкләр булды. Кунаклар шатландылар, ә без аларның кәефеннән канәгать калдык.

Бүген 10 гыйнвар көнне Саба район мәдәният йортында 2024 елның тәүге яңа гаиләсе теркәлде. Лесхоз егете Муса Мингәрәев һәм Байлар Сабасы кызы Рания Салихова үзләренең никахларын рәсмиләштерде. Мингәрәевлар гаиләсен чын күңелдән котлыйбыз һәм чиксез гаилә бәхете телибез!

Мишә авыл җирлегенең Сабабаш командасы Саба муниципаль районының хәрби бурычын үтәгәндә һәлак булганнар истәлегенә һәм хоккей сезонын ачуга багышланган шайбалы хоккей буенча ярышларда 1 урынны яулады.

Лесхоз мәчетенә әтиләре, бабалары белән бергә җомга намазына балалар да килгәли. Имамның вәгазен тыңлыйлар, җәмәгатькә ияреп фарыз намазларны башкаралар. Бүген намазга килүче балаларга мәчет имамы Әхмәт хәзрәт кечкенә генә күчтәнәчләр дә таратты. Мәчеткә йөргәннәре өчен рәхмәт әйтте, укуларында уңышлар теләде. Изге юлда булган балаларны Аллаһ әнә шулай зурлый. Киләчәктә дә туры юлдан тайпылмыйча, динебезне куәтләүчеләрдән булсыннар иде  бу яшь мөслим-мөслимәләр!