ЯҢАЛЫКЛАР
8 март көнне Лесхоз мәдәният йорты хезмәткәрләре 8 Март – Халыкара хатын-кызлар көненә багышланган «Яз, чәчәкләр һәм мәхәббәт бәйрәме» дип исемләнгән концерт оештырдылар. 8 Март – язның иң якты, матур бәйрәме. Чара гүзәл әниләрне котлау сүзләре белән башланып китте. Аннан бәйрәм концерт номерлары белән дәвам итте: татар биюе, гармун астында җырлар, заманча җырлар, шигырьләр. Тамашачыларга бәйрәм концерты ошады. Артистлар көчле эмоцияләр һәм алкышлар алдылар.
4 нче март көнне Кукмара муниципаль районының Лубян авылында Татарстан Республикасының урман тармагы хезмәткәрләре арасында «Урман чаңгы юлы – 2022» Спартакиадасы булып узды. Чарага 200 дән артык кеше килгән иде. Ярышларда катнашучыларны ТР Урман хуҗалыгы министры Равил Кузюров һәм муниципаль район башлыгы Сергей Димитриев сәламләде.
23 февраль көнне Лесхоз мәдәният йорты хезмәткәрләре "Ватанны саклаучылар көне" уңаеннан "Киез итекләрдә Хоккей" оештырдылар һәм үткәрделәр.
22 нче февраль көнне «Саба өйрәнү-сынау урман хуҗалыгы» ДБУ базасында Саба муниципаль районының урман тармагы хезмәткәрләре слеты узды.
20 нче февральдә Лесхоз бистәсендә чаңгы буенча Саба муниципаль районы авыл җирлекләре һәм авыл хуҗалыгы предпритияләре арасында шәхси-команда ярышлары узды.Әлеге ярышта Мишә авыл җирлеге командасы 1 нче урын алды.
2022 елның 19 февралендә Лесхоз бистәсеннән Бөек Ватан сугышы толлары Хөснуллина Магинур Хөснулла кызы һәм 2022 елның 20 февралендә Фатхуллина Насиха Гафи кызы үзләренең 90 яшьлек юбилейларын билгеләп үтте.
16 февраль көнне Лесхоз мәдәният йорты хезмәткәрләре бөек шагыйрьнең туган көне уңаеннан «Ләйсән» балалар бакчасында герой-шагыйрь Муса Җәлилнең «Карак песи» әкиятен сәхнәләштерделәр.
16 февраль көнне Лесхоз мәдәният йорты хезмәткәрләре «Тургай» клуб формированиесе белән берлектә, сәламәтлеген яхшырту һәм тонусны саклау максатыннан, чаңгы сәяхәтенә чыктылар.
Республика программасы буенча Мишә авыл җирлегенең Лесхоз бистәсендә урнашкан күл чистартыла.
12 февраль көнне Лесхоз мәдәният йорты хезмәткәрләре гашыйклар көненә багышланган «Мәхәббәт кичәсе»дип исемләнгән бәйрәм үткәрделәр. Бәйрәмдә безнең бистәнең актив яшьләре катнашты.