ЯҢАЛЫКЛАР

Гражданны ничек эшкә урнаштырырга һәм шул ук вакытта дәүләттән хезмәт хакы түләү өчен субсидия алырга? Бу хакта эш бирүчеләргә Яшел Үзән шәһәренең халыкны эш белән тәэмин итү үзәге белгечләре сөйләде. Очрашуда катнашучылар мондый мөмкинлекне нинди дәүләт программалары бирә икәнен белделәр.

Яшел Үзән шәһәренең халыкны эш белән тәэмин итү үзәгендә 23 мартта үз эшен ачарга һәм дәүләттән бер тапкыр бирелә торган финанс ярдәме алырга теләгән эшсез гражданнарның бизнес-планнарын бәяләү буенча эксперт советы утырышы узды.

3 апрельдән Казанның халыкны эш белән тәэмин итү хезмәте үз эшен үзгәртеп оештыра. Гражданнарны кабул итү территориаль идарәләрдә башкарылачак.

Бөгелмә шәһәренең Яшьләр сараенда 23 мартта яшь белгечләр өчен вакансияләр ярминкәсе узды. Чарада 5 урта һөнәри учреждениедән 250 студент катнашты. Яшь белгечләр игътибарына 81 вакансия турында мәгълүмат бирелде.

23 мартта Яр Чаллы шәһәренең «Россия эше» кадрлар үзәгендә бизнес булдыру мәсьәләләре буенча консультация мәйданчыгы оештырылды. «Бизнес старт» чарасында үз эшен ачуда кызыксынучы 20 кеше катнашты.

Бүгенге көндә Яшел Үзән шәһәренең халыкны эш белән тәэмин итү үзәгендә 139 кеше исәптә тора. Шәһәр һәм район предприятиеләре гражданнарга 3 030 вакансия тәкъдим итә, аларның өчтән бер өлеше диярлек оборона-сәнәгать комплексы өлкәсендә. Мондый саннар әлеге секторның кадрлар белгечләре белән киңәшмәдә яңгырады.

Яшел Үзән шәһәренең халыкны эш белән тәэмин итү үзәгендә эш бирүчеләр белән эшләү һәм мәшгульлек программалары бүлеге башлыгы Елена Власова үз эшен ачарга теләгән эшсез гражданнарга консультацияләр бирде. Булачак эшкуарлар эшкуарлык эшчәнлеген башлауга ярдәм итү буенча дәүләт хезмәте күрсәтү тәртибе белән таныштылар.

Бүген Азнакай шәһәренең халыкны эш белән тәэмин итү үзәгендә «Уңыш серләре» хатын-кызлар клубы утырышы узды. «Бердәм Россия» белән минем карьерам» проекты кысаларында үткәрелгән чарада район башкарма комитеты җитәкчесенең социаль мәсьәләләр буенча урынбасары Дамир Гыйләҗев катнашты.

16 мартта Әлмәт шәһәренең «Россия эше» кадрлар үзәгендә «ТИСБИ» Идарә университетының Әлмәт филиалы студентлары белән очрашу узды. «Таттелеком» ГАҖ вәкилләре катнашындагы чарага «Хокук һәм социаль тәэмин итүне оештыру» һәм «Логистикада операцион эшчәнлек» юнәлешләре буенча белем алучы студентлар килде.

17 мартка «Россия эше» порталы аша республика халкы 16 меңгә якын гариза биргән. Ел башыннан эш эзләүдә ярдәм сорап 11 942 кеше мөрәҗәгать иткән.