ЯҢАЛЫКЛАР

Әкиятләрдә халыкның күп гасырлык тормыш тәҗрибәсеннән туган зирәклеге, тапкырлыгы, яхшылык һәм явызлык турындагы төшенчәләре тупланган, киләчәккә өмет һәм хыяллары чагылган. Без барыбыз да әкиятләр укып тәрбияләнгән, бу традиция бүген дә актуальлеген югалтмый. Явлаштау авыл китапханәсенең китап бирү пункты булган Мишәбаш авылы “Тюльпан” балалар бакчасында “Әкиятләр иленә сәяхәт” дип исемләнгән әдәби сәгать уздырылды.Балаларга әкиятләр укылды,ә балалар алдан ясалган әкият геройларын табып ватманга ябыштыра бардылар.Үзләренең матур жырларын бүләк иттеләр, Ринат абый Шамиловның “Әни кирәк” дигән жырын тыңладылар.

13 гыйнвар көнне  Явлаштау мәдәният йортында Яңа ел  лотереясы уйнатылды.

14 гыйнварда Саба муниципаль районы чемпионатының чираттагы матчлары булды. Анда Мишәбаш һәм Шекше, Явлаштау һәм Шемордан командалары очрашты. Шекше һәм Явлаштау командалары  матур һәм нык көрәштән сон җиңү яуладылар.

7 гыйнварда алкалы хоккей буенча Саба муниципаль районы Чемпионатының беренче уеннары узды. Явлаштау командасы Эзмә командасы белән очрашты һәм каты көрәштә җиңү яулады. Командага алга таба да уңышлар телибез.

Мәдәният учреждениеләрендә, балалар бакчаларында, мәктәптә балалар һәм өлкәннәр өчен Кыш Бабай, Кар Кызы һәм башка әкият геройлары катнашында Яңа ел чаралары узды.

Балалар бакчасы хезмәткәрләре, әти-әниләр ярдәмендә Яңа елга Явлаштау балалар бакчасы территориясен бизәделәр.

Явлаштау  мәктәбе укучылары һәм укытучылары Яңа ел өчен бәйрәм атмосферасы булдырырга тырышып, кар фигураларын ясадылар.

19 декабрь көнне Эзмә мәдәният йортының  “ Моң “ халык театры  “Тыкрыкта булды бу хәл” исемле комедиясен сәхнәләштереп, Явлаштау халкына тәкъдим иттеләр.Спектакль тамашачылар тарафыннан бик җылы кабул ителде. «Моң»   халык театр коллективына алга таба да иҗади уңышлар телибез.

Явлаштау командасы авыл җирлекләрендәге ир-атлар командалары арасында мини футбол буенча Саба муниципаль районы чемпионатында 2 урынны яулады. Команданы уңышлары белән котлыйбыз һәм киләчәктә дә җиңүләр телибез.

15 декабрь көнне «Укытучы һәм остаз елы» уңаеннан  Явлаштау мәктәбендә “Үзебез сайлаган язмыш” исемле зур очрашу үткәрелде. Бу чарага төрле төбәкләрдә туып үскән, үзенең хезмәт юлын биредә башлаган, белем һәм тәрбия биргән педагоглар чакырылган иде. Чара башланганчы килгән кунаклар үзләре укыткан укучылары белән очрашып, аралашып алдылар. Махсус фотозонада фотосүрәткә төштеләр. Иң өлкән остазлардан Шаймуллина Ризәлә Дәүләт кызы (83 яшь) һәм Гыйззәтуллина Алсу Фазлый кызы (80 яшь) иде. Очрашу бәйрәме чәй табыны артында күңелле аралашу, хатирәләрне яңарту, җыр-моң белән үрелеп алып барылды.Бүгенге көндә бакыйлыкка күчкән укытучылар да искә алып үтелде. Башта сүз өлкән буын укытучыларына бирелде. Алар үзләренең эшләү дәверләре турында бик кызыклы итеп сөйләделәр, бу бәйрәмдә һәр остаз еракта калган яшьлек елларына кайтып килде дисәк тә була. Аннары төрле елларда директорлык вазыйфасын башкаручылар иң матур, иң күнелле вакыйгаларны хәтерендә яңарттылар. Килгән һәр кеше үзенең якты истәлекләре белән бүлеште.