ЯҢАЛЫКЛАР

Лениногорск районы «Исток–Башлангыч» халыкка социаль хезмәт күрсәтү комплекслы үзәге белгечләре «Теләкләр агачы» хәйрия акциясе оештырды. 

11 августта Әлмәтнең «Нефтьче» мәдәният йортында «Мәктәпкә җыенырга ярдәм ит» дигән республика хәйрия акциясе узды. Анда Әлмәт муниципаль районындагы «Опека» халыкка социаль хезмәт күрсәтү комплекслы үзәгенең социаль хезмәтләр алучылары арасыннан сигез бала катнашты.

1 август көнне Түбән Каманың «Шәфкать» халыкка социаль хезмәт күрсәтү комплекслы үзәгендә «Мәктәпкә җыенырга ярдәм ит» дигән республика хәйрия акциясе башланды. Социаль хезмәт күрсәтүдәге гаиләләрдән 50 беренче сыйныф укучысына «ТАИФ-НК» АҖ иганәчелек ярдәме күрсәтте.

Яшел Үзән муниципаль районында «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә «Яхшылык букчасы» акциясе үткәрелә, аның максаты – үзәктә тернәкләнүче күпбалалы һәм тулы булмаган гаиләләрдәге балаларга ярдәм итү.

17 июльдә Яр Чаллы шәһәренең «Изгелек» инвалидларны тернәкләндерү үзәгендә «Мирас» проекты тәмамланды. Аның кысаларында «Ачык йөрәкләр» инициатив төркеме өч ай дәвамында хәйрия максатларына акча җыю буенча эш алып барды.

Менделеевск районындагы балалар һәм яшүсмерләр өчен «Кама таңнары» социаль приютында тәрбияләнүчеләрнең һәр җәе бай һәм нәтиҗәле уза. Шушы көннәрдә балалар Менделеевск районының Ижевка авылында урнашкан «Ижминводы» шифаханәсендә булдылар. Сәфәр шифаханә җитәкчелеге, директор Сәлим Хәбибуллин ярдәме белән оештырылды.

«Өмет утравы» халыкка социаль хезмәт күрсәтү комплекслы үзәге белгечләре район мәдәният йорты коллективы белән берлектә хәйрия бәйрәме оештырдылар. Чара районның ваемсыз булмаган кешеләре ярдәме белән уздырылды.

Питрәч районының «Шатлык» балалар һәм яшүсмерләр өчен социаль приютында 30 июньдә Сабантуй узды. Чара Әлмәт шәһәренең «Татнефть – энергия добра» хәйрия фонды ярдәме белән, «Халык мәдәнияте чыганакларына» проектын тормышка ашыру кысаларында үткәрелде.

1 июньдә Зәй районы «Шатлык» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Космос» киноучрежениесе хезмәткәрләре белән берлектә «Балачакның якты планетасы» дигән социаль-анимацион чара оештырдылар. Бәйрәмгә күпбалалы, тулы булмаган, аз керемле гаиләләрдән, шулай ук мөмкинлекләре чикле балаларны тәрбияләүче гаиләләрдән социаль хезмәтләр алучы 60тан артык бала чакырылган иде.

Бәйрәм кунаклары шәһәр советы депутатлары Марс Зәкиев һәм Роман Есаулов, үзәкнең хәйрияче дуслары, «Роквул Волга» ҖЧҖ, «Татнефть» ААҖ, «Эссен Продакшн АГ» АҖ, «Шаркад» ҖЧҖ – «Такси супер» компанияләре вәкилләре булды.