ЯҢАЛЫКЛАР
Ватанны саклаучылар елы кысаларында «Атлант» яшүсмерләр-яшьләр клубында «Җиңү юллары» дигән виртуаль экскурсия–очрашу булды, анда Ютазы районының «Гармония» халыкка социаль хезмәт күрсәтү комплекслы үзәге карамагындагылар катнашты.
Бөек Җиңүгә багышланган бәйрәм чаралары Алабуга өлкәннәр һәм инвалидлар интернат-йортында узды. Казанның «Әл-Мәрҗани» мәчете волонтерлары өлкәннәрне иҗади номерлары белән котладылар, сувенирлар һәм сыйлар бүләк иттеләр.
Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә Бөек Җиңүнең 80 еллыгына багышланган бәйрәм чаралары дәвам итә.
Матур традицияне дәвам итеп, бүген Әлмәттә «Фронт бригадалары» бөтенроссия акциясе кысаларында башкарма комитет җитәкчесе Гүзәл Хәбетдинова һәм Ветераннар советы рәисе Владимир Яшанин Бөек Ватан сугышында катнашучылар Ольга Макарованы, Маргарита Апраксинаны, Анатолий Соколовны, Рәисә Чернышеваны, Николай Федотовны Бөек Ватан сугышында Җиңүнең 80 еллыгы белән котладылар.
6 май көнне Яр Чаллы шәһәренең «Асылташ» балалар һәм яшүсмерләр социаль приютында тәрбияләнүчеләр мөһим миссиядә катнаштылар – алар махсус хәрби операциядә катнашучы хәрбиләр өчен билгеләнгән чәйне төрделәр.
Түбән Кама районының «Шәфкать» халыкка социаль хезмәт күрсәтү комплекслы үзәгендә белгечләр тарихи хәтерне саклауга, яшьләрне патриотлык рухында тәрбияләүгә юнәлдерелгән төрле тематик чаралар үткәрәләр.
Спас өлкәннәр һәм инвалидлар интернат-йортында яшәүчеләр модель китапханәдә булдылар, анда аларны тематик китап күргәзмәсе белән таныштырдылар, «Сугыш елларының лирик җырлары» концерты оештырдылар, викторина үткәрделәр.
Югары Ослан районының «Өмет утравы» комплекслы үзәге каршындагы көндезге тору төркемендә катнашучылар МХО катнашучылары өчен маскировка челтәрләре ясауга кушылдылар.
Бүген Казанның «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгендә Җиңү көнен бәйрәм итүгә багышланган иҗади мастер-класслар узды. Балалар педагогларның сизгер җитәкчелегендә «Мәңгелек ут» темасына күләмле аппликацияләр ясадылар.
«Беренчеләр хәрәкәте»нең яшь волонтерлары оештырган зур булмаган концерт Чистайның «Юлдаш» өлкәннәр һәм инвалидлар интернат-йорты тәрәзәләре каршында узды. Чара Бөек Җиңүнең 80 еллыгына багышланган иде. Бу инициатива интернат-йортта яшәүче тыл хезмәтчәннәренә ихтирам һәм рәхмәт белдерүнең ачык мисалы булды.