ЯҢАЛЫКЛАР
Дәүләт бәйрәме кысаларында Бөгелмә районының «Ялкын» балалар һәм яшүсмерләр өчен социаль приюты тәрбиячеләре «Минем Россия» дигән балалар рәсемнәре конкурсы оештырдылар. Иҗади чараның максаты – балаларда рухи мәдәният, милли горурлык һәм Ватанга мәхәббәт тәрбияләү, шулай ук Россия халыкларының мәдәниятен өйрәнүгә кызыксыну уяту.
Азнакай өлкәннәр һәм инвалидлар өчен интернат-йортының тәрбияче-психологы Алсу Әмирова «Яратам сине, Россия!» чарасын үткәрде. Ул гражданлык һәм патриотизм хисен формалаштыруга юнәлдерелгән иде.
«Россия – геройлар иле» акциясе кысаларында 12 июньдә Алексеевск районының «Кайгырту» балалар һәм яшүсмерләр өчен социаль приюты тәрбиячесе Венера Якупова «Безнең заман геройлары» дип исемләнгән танып-белү-патриотик сәгате үткәрде. Чарада урта һәм өлкән мәктәп яшендәге 12 бала катнашты.
12 июнь көнне Теләче муниципаль районының «Чишмә» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм күрсәтү бүлекчәсе белгече балигъ булмаган балалар белән «Минем адресым – Россия» дигән танып-белү сәгате үткәрде.
Россия көнен бәйрәм итү кысаларында Түбән Кама районының «Балкыш» балалар һәм яшүсмерләр өчен социаль приютында хәрби-спорт ярышлары узды. Чараны Түбән Кама шәһәренең «Патриот» хәрби-патриотик эш һәм яшьләрне хәрби хезмәткә әзерләү үзәге оештырды.
Казан шәһәренең «Апрель» мөмкинлекләре чикле балалар һәм яшүсмерләр өчен тернәкләндерү үзәге педагоглары балаларга патриотик тәрбия бирүгә аерым игътибар бирәләр. Россия көне уңаеннан учреждениедә тематик әңгәмәләр, «Җайлашу» һәм «Осталар» төркемнәрендәге балалар белән дәресләр үткәрелде.
Буаның «Гармония» халыкка социаль хезмәт күрсәтү комплекслы үзәге белгечләре «Без бер ил» дигән акция уздырдылар. Чараның максаты дәүләт бәйрәмнәре һәм символлары турында белемнәрне киңәйтү һәм гомумиләштерү, патриотик хисләр тәрбияләү иде.
Спас өлкәннәр һәм инвалидлар өчен интернат-йортында бүген «Любо» казак ансамбле чыгыш ясады. Үзешчән сәнгатьтә катнашучылар социаль хезмәтләр алучыларны Россия көне белән котладылар. Артистларның тамашачылар белән очрашуы чын бәйрәм булды. Матур костюмнар һәм дәртле җырлар һәркемгә кәефне күтәрде.
Бүген Яр Чаллы шәһәренең «Изгелек» инвалидларны тернәкләндерү үзәгендә Россия көнен бәйрәм итү кысаларында патриотик чара узды.
9 июнь көнне Зәйнең «Шатлык» халыкка социаль хезмәт күрсәтү комплекслы үзәгендә «Туган илем» дип исемләнгән төркемле дәрес узды. Чарада социаль хезмәт алучылар – «Елмаю» һәм «Кыз» клублары әгъзалары катнашты.